the car is Daewoo not Chevy.
عرض للطباعة
قدر الله وماشاء فعل
الحمد لله على كل شئ
اذا ماوافقوش على اصلاحها على حسابهم عليك و على جهاز حمايه المستهلك
السلام عليكم
الحمد لله علي كل شيء
واضح من المشكلة انها عيب صناعة لان انت مغيرتش اي حاجه في العربية
يبقي احتمال انه حصل شورت في مفتاح النور والفيوز مفصلش كنت هقولك بص علي الفيوز بتاع النور العالي والواطي والتابلوه اكيد كنت هتلاقي واحد منهم البلاستك بتاع الفيوز سايح
اصل انا حصل معايا قبل كده شورت في لمبه الشنطه وانا راكب العربيه بعد مطب جميل من المطبات بتاعة مصر المحروسه وبعدين لقيت ريحة شياط وشوية ولقيت دخان طالع من علبه الفيوز وفكيت الفيوز لقيت الفيوز سليم والبلاستك بتاعة سايح والحمد لله ربنا سترها معايا وجت سليمه
المهم هو بيقولك( ان واحد نسي النور منور)هو ده يخلي المفتاح يسيح ليه هي العربيه مش متصممة انها تمشي طول الليل وهو النور منور طبعا هما بيقولو اي حاجه علشان يهربوا من المسئوليه
هو بيقول( في حاجات كتير ممكن تعمل العيب ده) قوله ايه هي الحاجه اللي المستخدم ممكن يعملها وتسبب العيب ده طالما انك مغيرتش حاجه يبقي مش هيلاقي حاجه يقولها
صصم انك تاخد حقك معلش هتتعب شويه بس اوعي تفرط في حقك
قدر الله و ماشاء فعل و ربنا يعوض عليك
بس انا من الصور العيب فى المفتاح و دايرة الحماية اللى مفصلتشى فى الوقت المناسب مع احتمال يكون خامات التصنيع قابله للأشتعال السريع
بصوا يا جماعة ليكم بصفة عامة والاستاذ ميرو بصفة خاصة انا سالت واحد صاحبى لسه من شوية اخوه معاه شيفروليه لانوس وقولتله على الحكاية اللى حصلت معاك دى قاللى ان نفس الموضوع ده حصل مع اخوه وهو ماشى فى الطريق بس لحق التابلوه قبل النار ماتمسك فيه زيك كده (طبعا قدر الله وماشاء فعل ) المهم قام نزل جرى وبطل العربية وشال البطارية بسرعه بس عمل بردو شوية لحامات فى التابلوه خفيفة
المهم علشان ماطولش عليك من اللى حصل معاك واللى حصل مع اخو صاحبى ده يدل على ان تقفيل العربيات دى مش حلو خالص وان دى مسئولية التوكيل وبكده تأكد ان انت ليك حق عندهم وحاول تجيبه واعمل اللى عليك ولو ماعرفتش يبقى نصيبك كده وحسبى الله ونعم الوكيل
اسف للاطالة بس حبيت اوضح جزء معين
طبعا شكرا ليكم كلكم علي مشاركتكم بس فعلا هو مش حقي لوحدي حق كل واحد استهتر التقفيل المصري بروحه دي ارواح اسر احنا بني ادمين وفعلا هفضل ورا حقي بس انا فعلا محتاج الطرق الصح للشكاوي ولو في ارقام تليفونات او ايميلات يبقي كتر خيركم وان شاء الله سوف اتابعكم بالجديد عشان كلنا نبقي عارفين السبب وربنا يسترها علينا كلنا
موضوع اللى ساب النور والع دا لة شقين . اما انة مغير اللمبات و حاطط وات اعلى بدون اتخاذ الاجراءات المناسبة ( كتاوت و ما الى ذلك ) اما ان فعلا الشركة نصابة و تقفيل دايرة الكهربا تم باسلاك غير مطابقة للمواصفات و دى عاوزة مراجعة مع المانيوال عن تخانة كل سلك حسب وظيفتة و انا ارجح الشق التانى . لو حد يعرف يقولنا تخنات السلك الاصلية للسيارة و القياسية بتاع الكورى الاصلى يقولنا و لو طلع فعلا انهم مركبين اسلاك غير مطابقة ( ارفع من المطلوب ) دى هتبقى مصيبة و كل مالكى العربية محاضر و حماية مستهلك علاطول و هيكون هنا الرد القاطع . من فضل اى حد يقولنا التخنات الاصلية كام مم لكل حاجة .
الموضوع دا اتكرر من كلام الاعضاء فى اكتر من عربية يعنى مشكلة كدة شكلها عامة مش موضوع تركيب انذار و لا غيرة