اغرب موقف حصلي في حياتي(احذروا من اي حد في اي مكان)

**ahmedsamir5edr** · 06-09-2010 04:50 AM

نفس الموضوع حصل مع صديقي في الهرم بس كان من غير عربيه
و برضه سرقوا الموبيل .. بس ما رجعش تاني

**x512** · 06-09-2010 05:11 AM

واضح ان الموضوع منتشر قوي في الهرم وفيصل...و انها عصابه منظمه و مقيمه في المنطقه...وواضح برضو ان الناس بقت بتتفنن في السرقه...ربنا يستر علينا خصوصا الايام الجايه....الناس ممكن تاكل بعض مش تسرق بعض بس

**beetleMOSH** · 06-09-2010 05:16 AM

الحوار ده حصل مع والدتى و طبعا هى عشان مش معتقده ان ممكن يحصل كده الموبيل اتسرق من العربيه

انا لاسوء الظروف
بنزل و اسيب كل حاجه فى العربيه ما عدا الموبيل عشان لاقدر الله لو فى اى حاجه اعرف اتصل باى حد و اقفلها و اروح اشوف فى ايه
غير كده بكبر دماغى

ماتديش الامان لاى حد ابداااااااااااا

اقولك على حاجه مدرسه كانت بتدينى دروس فى الجامعه هى متجوزه و لابسه اسدال و بنت ناس يعنى و طيبه
المهم يوم جمعه عند الجامعه ( جامعه عين شمس )
وقفت عربيه فيها واحد بدأن و واحده منقبه و العربيه لسه زيرو بالبتاع الابيض اللى بيبقى عليها ده
المهم
وقفوا سالوها على اقرب جامع
عشان هما معرفش بيلموا تبرعات و بيوزعوا على المساجد هدوم و مصاحف و معرفش ايه و الجو ده
و اصروا انه تروح معاهم
طبعا هى مش فى دماغها و ركبت على اسا انهم ناس كويسه
شويه و دخلوا فى شوارع غريبه و هاديه
و هوب اللى لابسه نقاب دى تطلع راجل و يفتح مطوه عليها و لسه هايتكلم
راحت قالتلوا خدوا كل حاجه اهى بس سيبونى انزل
طبعا خدوا كل حاجه الشنطه بالموبايل بالورق بكله
حتى الختم بتاع الجواز خدوة
و سابوها
و طبعا فضلت حوالى اسبوع فى حاله انهيار
و الحمد لله انها جت على اد كده

و اقولهالك تلناى و لكل الناااااااااااسسس
محدش يا جماااااااااعه يدى الامااااااااااان لاى حد خاااااااااالص مهما كان
انت متعرفش انت ممكن تطورت فى ايه
و الناس دلوقتى مبقاش عندها اى دم
لما واحد يخطف و يسرق تحت قناع الدين
يبقى ممكن يعملوا اى حاجه تانى

ربنا يحفظ المسلمين و المسلمات و يكفينا شر الناس دى

**haroun707** · 06-09-2010 05:26 AM

انا فى واحد عملها معايه فى المهندسين
انا شايفه من بعيد ولما نط وقفت قبله مثلا بحوالى 2 متر ولما لقى نفسه اتكشف حب يعمل هيصه ويخبط على الكبوت

بس نزلت كلته قلمين مكن وسيبته للناس كملوا عليه

ربنا يسترها علينا وعليكم من النصابين والحرامية والمحتالين

**waelfarid** · 06-09-2010 10:15 AM

السينما الواقعية
دور نور الشريف في فيلم دم الغزال
الله نسأل بحق الايام الفضيلة دي والشهر الكريم
ان ينتقم شر انتقام من اللي كان ولا يزال السبب في الحالة ال تيييييييييييييييت اللي الناس وصلت لها دي

**modo88** · 06-09-2010 10:22 AM

الحوار دا انتشر فعلا وربنا يستر علينا من شر الناس دي

**ZALABANY** · 06-09-2010 10:43 AM

ربنا يسترها نفس الموقف حصل معايا في مره كنت ماشي في امبابه ولقيت اللي بيخبط من ورا عمال يقولي انت خبطني ورجلي وحوارات ستر ربنا ان زوجتي كانت راكبه معايا قفلت الازازاللي ناحيتها وانا نفضتله ومشيت بس كانو خراميه وكان معاه واحد تاني فعلا