اغرب موقف حصلي في حياتي(احذروا من اي حد في اي مكان)

**Abdelrahman.H** · 06-09-2010 01:45 PM

أنا حصل معايا موقفين ....

الموقف الأول:

كنت في شبرا في شارع شبرا عند الدوران و كان معايا واحد صاحبي راكب جنبي وأنا سايق في أمان الله لقيت ميكروباص اللي على يميني زنق عليا و حكلي البابين اليمين رحت راكن أنا و نزلت أنا وصاحبي نتخانق .... الناس إتلمت وخلاص ياباشا حصل خير دي جات في الصاج و شوية كلام من دول وكل واحد راح لحاله .... رجعنا العربية و مشيت وبعدها ب 5 دقايق بأدور على الموبايل ( كنت حاطه في الجراب اللي بيتعلق في هواية التكييف على التابلوه ) ملقتوش .... فص ملح وداب ... كان موبايل نوكيا 6600 اللي بيقولوا عليه الباندا وكان ساعتها لسه نازل السوق وشاريه ب 4300 جنيه ......

الموقف التاني :

كنت في التجمع الخامس جنب البيت وماشي على رجلي رايح الجامع اللي جنبنا .. لقيت عربية لانوس فضي فيها إتنين شباب وقفوا جنبي بيسألوني ( ما تعرفش فين دار أيتام أحباب الله اللي في التجمع؟؟ قلتلهم ما أعرفش قالولي هي دار هنا عايزين ندفع فيها فلوس زكاة ..قولتلهم أول مرة أسمع عنها قالولي طب تسمحلنا نعمل مكالمة من تليفونك نكلم واحد نسأل على العنوان علشان تليفونا فاصل شحن قولتله آسف مش معايا رصيد قام مطلعلي شريحة موبايل وقالي طب ممكن نحط الشريحة دي في تليفونك و نعمل مكالمة قولتله إتفضل و أخدت منه الشريحة بتاعته وحطيتها في تليفوني و أديته التليفون من هنا وده راح جايب الأولاني وطااااااااااااااااااااااا ر .......
كان موبايل نوكيا n95 وكنت شاريه ب 3600 جنيه

**Mostafa.Ismail** · 06-09-2010 02:37 PM

المشاركة الأصلية كتبت بواسطة x512

واضح ان الموضوع منتشر قوي في الهرم وفيصل...و انها عصابه منظمه و مقيمه في المنطقه...وواضح برضو ان الناس بقت بتتفنن في السرقه...ربنا يستر علينا خصوصا الايام الجايه....الناس ممكن تاكل بعض مش تسرق بعض بس

الموضوع منتشر فى مصر كلها تقريبا
http://www.nilemotors.net/Nile/178022-a.html

**amr100** · 06-09-2010 06:42 PM

لا حول ولا قوة إلا بالله رنا يستر على الجميع من حالات النصب والسرقة اللي زادت بطريقة بشعة في مصر

**x512** · 07-09-2010 04:45 AM

موقف التاني :

كنت في التجمع الخامس جنب البيت وماشي على رجلي رايح الجامع اللي جنبنا .. لقيت عربية لانوس فضي فيها إتنين شباب وقفوا جنبي بيسألوني ( ما تعرفش فين دار أيتام أحباب الله اللي في التجمع؟؟ قلتلهم ما أعرفش قالولي هي دار هنا عايزين ندفع فيها فلوس زكاة ..قولتلهم أول مرة أسمع عنها قالولي طب تسمحلنا نعمل مكالمة من تليفونك نكلم واحد نسأل على العنوان علشان تليفونا فاصل شحن قولتله آسف مش معايا رصيد قام مطلعلي شريحة موبايل وقالي طب ممكن نحط الشريحة دي في تليفونك و نعمل مكالمة قولتله إتفضل و أخدت منه الشريحة بتاعته وحطيتها في تليفوني و أديته التليفون من هنا وده راح جايب الأولاني وطااااااااااااااااااااااا ر .......
كان موبايل نوكيا n95 وكنت شاريه ب 3600 جنيه

حوار الشريحه دا حصل معايا مرتين من نفس الشخص في المنصوره عندنا...مره وقفني علي المشايه و طلب مني بكل ادب انو يحط عندي الشريحه و يتكلم...بس الحمد لله ربنا الهمني قولت لو اديلتو الشريحه و حب يجيري و مسكتو و قولت انو حرامي...ايه هيثبت انو موبايلي...ما الشريحه بتاعتوو!! و مش بعيد يكون متفق مع و احد انو يشهد ان دا موبايلو و ان العكس اللي حصل و انا اللي طلبت منو اتكلم...و سبتو و مشيت تاني مره و قفني عند كوبري طلخا و طلب مني نفس الطلب برضو سبتو و مشيت بس المره دي اتأكدت تماما انو نصاب...برضو تلاقي في المواقف و في رمسيس ناس توقفك و تقولك هديك برفان مجانا للدعايه و و و ... مبيلحقش يكمل بسيبو و امشي... الدنيا بقت مش امان ايش ضمني انو يهددني بمطوه ولا يكون متفق مع واحد تاني علي اي حاجه...و مهما كان الشخص قوي او شجاع..السلاح و الكتره يغلبو اي حد

**x512** · 07-09-2010 04:53 AM

لا حول ولا قوة إلا بالله رنا يستر على الجميع من حالات النصب والسرقة اللي زادت بطريقة بشعة في مصر

الفقر و الجهل و الظروف الاجتماعيه الصعبه والبعد عن الدين كل دي عوامل تخلي الناس تاكل بعض...بس الحمد لله برضو لسه فيه ناس كويسه

**x512** · 07-09-2010 04:56 AM

المشاركة الأصلية كتبت بواسطة levelpower

انا حصلت معايا قبل كده بس الحمد لله ناس فى الشارع شفوه و جابوا منهم التليفون وانا مكونتش واخد بالى خالص

ما هم دول الناس الجدعان المصريين اللي بقو قليلين قوي

**magyver** · 07-09-2010 06:38 AM

ووالله الدنيا معتش فيها امااااااااااااااااااااااا ان
حصلت مع اصحابي كتير حاجات مشابهة لكدة
واخرهم انتيمي كان في شارع عبالعزيز بيشتري موباايل
من واحد هناك وقالة تعاالي معايا هاجبلك الفلوس
ورفع علية سلاح وقلبة في كل الفلوس اللي معااااة
كانوا حوالي 500 جنية

**wkisho2005** · 07-09-2010 06:55 AM

طب دول حرمية بيحاولوا يشغلوا صاحب العربية باي حاجة او يعملوا اتخبطوا او يعني سرقة بالمداري كدا
لكن واحد صاحبي قبل كدا ركن عربيته في ترسة (الهرم)ادام سوبر ماركت بس علي الناحية التانية والكلام دا الساعة 4 العصر والدنيا زحمة رجع لقي الازاز مكسور واللاب توب مش موجود وادام الناس كدا وعيني عينك معرفش السلبية بتاع الناس وصلت للدرجادي كدا الحاجة بتتقلب ادامهم وكل واحد في حاله

**x512** · 07-09-2010 07:15 AM

المشاركة الأصلية كتبت بواسطة wkisho2005

طب دول حرمية بيحاولوا يشغلوا صاحب العربية باي حاجة او يعملوا اتخبطوا او يعني سرقة بالمداري كدا
لكن واحد صاحبي قبل كدا ركن عربيته في ترسة (الهرم)ادام سوبر ماركت بس علي الناحية التانية والكلام دا الساعة 4 العصر والدنيا زحمة رجع لقي الازاز مكسور واللاب توب مش موجود وادام الناس كدا وعيني عينك معرفش السلبية بتاع الناس وصلت للدرجادي كدا الحاجة بتتقلب ادامهم وكل واحد في حاله

هي سلبيه الناس فعلا زي مبتقول بس في نفس الوقت غلط من صاحبك انو ينزل و يسيب اي حاجه في العربيه...حتي ولو حاجه تافهه زي باكت مناديل و برضو حتي لو هو نازل لفتره قصيره لازم يشيل اي حاجه في العربيه

**Egyzizo** · 07-09-2010 07:24 AM

نا فاكر موقف حصل معايا على الطريق الزراعى بين بنها وطنطا فى ليلة من اليالى كنت ماشى فى الطريق ده متأخر بس مش قوى ، يعنى الساعة 12 بليل تقريباً .. واخد شمالى وماشى على 80 - 90 ، والطريق هادى ومش زحمة ، فوجئت بعربية نص نقل جت خبطتنى فى جنب العربية (زى مطاردات الأفلام) ، طبعاً استغربت جداً واتنرفزت وقبل ما أفكر أعمل حاجة لقيته لم نفسه ورايا وبعدين جه وضربنى مرة تانية فى جنب العربية بنفس الطريقة. هنا الفار لعب فى عبى ، وقلت كده الموضوع فيه إنه. وبعد كده راح عدانى وأخد أقصى اليمين وهدى ووقف ونزل منه اتنين رجالة ، طبعاً المفروض انى أقف وراهم واتخانق معاهم على اللى عملوه معايا، بس من طريقة الخبطة وملابسات الموضوع قلقت ، وكملت فى طريقى جــرى.
أظن ان ده كان كمين علشان أقف واتقلب والعربية تتاخد وماحدش عارف ايه كمان اللى كان ممكن يحصل.

الموضوع: اغرب موقف حصلي في حياتي(احذروا من اي حد في اي مكان)

LinkBack

أدوات الموضوع

عرض

-

-

-

-

-

-

المواضيع المتشابهه

يا رجالة الحقوني حصلي موقف من ساعة

موقف سخيف جدا حصلي مع العربيه

موقف حصلي .. قولولي رأيكم ..

اغرب موقف شوفته في حياتي

موقف حصلي وحاسس اني لازم اقوله

الكلمات الدلالية لهذا الموضوع

المفضلات

المفضلات

ضوابط المشاركة