اليكم القول الفاصل لحماية الاجزاء الكهربائية بالسيارة

**keko** · 06-09-2010 08:43 AM

مشكلة نقع فيها كثيرا الا وهى اشتعال الضفيرة او فيوز ضرب او انارة ضعيفة من اللمبات وخلافه ولعلاج هذه المشكلة يجب معرفة الاتى
الحمل الذى يتطلبه ذلك الجزء سواء كان لمبة او كاسيت او كلاكس او مارش الخ عن طريق :
-الامبير فى تلك الدائرة
-مقاس السلك او الكابل الملائم لتحمل ذلك الجزء
-الفيوز الملائم لها

نبدا بالامبير : تتعدد الطرق والقوانين لحساب الامبير ولكن ابسطها وان لم يكن ادقها (بالبلدى) اقسم الوات على الفولت (الوات ÷ الفولت)
مثلا لديك فى المنزل لمبة 100 وات (100 وات ÷ 220فولت= 0.5امبير)
لديك فى السيارة لمبة 100 وات (100وات ÷ 12فولت =8.3 )
من هنا نلاحظ الفرق الشاسع بين الاستخدام المنزلى واستخدام السيارة بسبب فرق الفولت فالكابل الذى تحتاجه لتشغيل لمبة بالسيارة من الممكن ان يشغل بيتا كاملا

بالنسبة لمقاس السلك يتم تحديده بوحدة المليمتر المربع (مساحة المقطع ) ويتحدد مقلس السلك عن طريق الامبير اى نحدد الامبير ثم يتم تحديد المقاس الملائم له
وابسط طريقة لمعرفة السلك الملائم هى قسمة الامبير على 5 وان كان يفضل اخذ المقاييس عن طريق جداول مختصة
وهذا جدول باشهر المقاسات من الاسلاك والحمل الاقصى لها
1مم 6 امبير
1.5مم 10 امبير
2ممم 16 امبير
3مم 20امبير
4مم 25امبير
6مم 32امبير
10 50امبير
16مم 80 امبير
25مم 125 امبير
ومعى ذلك يتم اختيار الفيوز الملائم لمقاس السلك المستخدم بحيث ان يكون امبير الفيوز يساوى او يقل عن الحمل الاقصى للكابل وهذا لضمان ان يفصل الفيوز بدلا من اشتعال الكابل

ملاحظات :
- هذه المعايير بدون وجود كتاوت وفى حالة وجود كتاوت لها تاثيرها
- فى حالة السماعات اغلب الانواع غير الاصلية يكون الوات غير صحيح فتجد نوعا رديئا مكتوب عليه 300وات وهو لايتعدى 30 وات فى حين نوع اصلى مكتوب عليه 60 وات وهو فعلا 60 وات (حتى لا تكلف كثيرا فى تحميل كابل لسماعة بدون احتياج)
- يوجد انواع مقلده من الاسلاك لذلك يراعى الشراء من محل محترم سواء قطع غيار او ادوات كهربائية كى يكون المقاس مطابق (قوله عايز سلك معتمد)

ارجو ان اكون وفقت فى افادة اخوتى واى استفسارات انا تحت امركم

**misoalex** · 06-09-2010 09:14 AM

االله يباركلك بجد استااااااااااز

بس عندى سؤال اللمبات الهالوجين (بتاعه النور العالى ) بتاخد كام امبير عشان نجيبلها سلك يتحملها

واظن ان السلك لو حغيره حغيره من بعد الكتاوت واللى رايح للبطاريه اما السلك الى طالع من الكتاوت رايح لدراع النور ملوش لزمه يتغير لانه معلهوش حمل صح كده ولا ايه

**keko** · 06-09-2010 10:35 AM

المشاركة الأصلية كتبت بواسطة misoalex

االله يباركلك بجد استااااااااااز

بس عندى سؤال اللمبات الهالوجين (بتاعه النور العالى ) بتاخد كام امبير عشان نجيبلها سلك يتحملها

واظن ان السلك لو حغيره حغيره من بعد الكتاوت واللى رايح للبطاريه اما السلك الى طالع من الكتاوت رايح لدراع النور ملوش لزمه يتغير لانه معلهوش حمل صح كده ولا ايه

اخجلتم تواضعنا ياباشا

بالنسبة للمبات الهالوجين شوف الاول كام وات لانها تختلف يعنى فيه 65 فيه 100 وهكذا وبعون الله احسبهالك
وبالنسبة لموضوع الكتاوت ده انا مش عايز افتى انما اعتقد كلامك صح واتاكد من الكهربائى برضه

**karimfahmy99** · 06-09-2010 10:54 AM

اللى هيتغير او يتحط زيادة هو سلك التغذية للكتاوت و كمان السلك اللى خارج من الكتاوت لغاية اللمبات و بفضل تغير الدوى اما الثابت هو السلك من مفتاح النور حتى مدخل الكتاوت لانة يعتبر فى هذة الحالة مجرد سلك لقط للكتاوت

اما حساب كام امبير دا يتوقف اللمبة كام وات . يعنى زى ما قال الزميل الفاضل 100وات ÷ 12فولت =8.3 امبير يعنى تجيب سلك 1.5مم و طبعا فيوز 15 او 20 و يفضل 20 امبير بين البطارية و الكتاوت

لو لمبة اعلى من كدة لها حساب تانى

**keko** · 06-09-2010 12:11 PM

المشاركة الأصلية كتبت بواسطة karimfahmy99

اللى هيتغير او يتحط زيادة هو سلك التغذية للكتاوت و كمان السلك اللى خارج من الكتاوت لغاية اللمبات و بفضل تغير الدوى اما الثابت هو السلك من مفتاح النور حتى مدخل الكتاوت لانة يعتبر فى هذة الحالة مجرد سلك لقط للكتاوت

اما حساب كام امبير دا يتوقف اللمبة كام وات . يعنى زى ما قال الزميل الفاضل 100وات ÷ 12فولت =8.3 امبير يعنى تجيب سلك 1.5مم و طبعا فيوز 15 او 20 و يفضل 20 امبير بين البطارية و الكتاوت

لو لمبة اعلى من كدة لها حساب تانى

مشكور اخى الفاضل كلام جميل
افهم من كدا ان الكتاوت يعتبر زى ال relay او ال contactor فى ال 220 وده يسهل حاجات كتير ممكن اقدر اضيفها ان شاء الله
وبالنسبة للفيوز احب اعدل ان كل ما امبير الفيوز يكون مساوى او اقل من امبير السلك يعنى طالما السلك 1.5 مم = 10 امبير اذن يفضل فيوز 10 امبير او اقل وليس اكثر والا كان الحمل فى حالة الماس على السلك
م الاخر المفروض الفيوز يكون اضعف نقطة فى الدائرة بحيث الحمل الزائد ييجى عليه ويفصل بد ماسلك يسيح او جهاز يبوظ

**HRH_Sameh** · 06-09-2010 02:38 PM

معلومات قيمة جدا
شكرا ليك

**Magdyahassan** · 06-09-2010 09:10 PM

بارك الله فيك على الافاده

**misoalex** · 07-09-2010 07:11 AM

المشاركة الأصلية كتبت بواسطة karimfahmy99

اللى هيتغير او يتحط زيادة هو سلك التغذية للكتاوت و كمان السلك اللى خارج من الكتاوت لغاية اللمبات و بفضل تغير الدوى اما الثابت هو السلك من مفتاح النور حتى مدخل الكتاوت لانة يعتبر فى هذة الحالة مجرد سلك لقط للكتاوت

اما حساب كام امبير دا يتوقف اللمبة كام وات . يعنى زى ما قال الزميل الفاضل 100وات ÷ 12فولت =8.3 امبير يعنى تجيب سلك 1.5مم و طبعا فيوز 15 او 20 و يفضل 20 امبير بين البطارية و الكتاوت

لو لمبة اعلى من كدة لها حساب تانى

الف شكر على المعلومات يا باشا

**misoalex** · 07-09-2010 07:13 AM

المشاركة الأصلية كتبت بواسطة keko

مشكور اخى الفاضل كلام جميل
افهم من كدا ان الكتاوت يعتبر زى ال relay او ال contactor فى ال 220 وده يسهل حاجات كتير ممكن اقدر اضيفها ان شاء الله
وبالنسبة للفيوز احب اعدل ان كل ما امبير الفيوز يكون مساوى او اقل من امبير السلك يعنى طالما السلك 1.5 مم = 10 امبير اذن يفضل فيوز 10 امبير او اقل وليس اكثر والا كان الحمل فى حالة الماس على السلك
م الاخر المفروض الفيوز يكون اضعف نقطة فى الدائرة بحيث الحمل الزائد ييجى عليه ويفصل بد ماسلك يسيح او جهاز يبوظ

الكتاوت = ريلاى

بص كتاوت دى بلغه الصنايعيه