كوبلن

**tatooo2005** · 06-09-2010 09:59 AM

فيستا 1300 موديل 2000 ,,, عدى زى مايكون فيه نتشه كده عند التحرك من الثبات , وكمان رجرجه فى السحب سعات بتروح وسعات بتيجى وخصوصا فى المطالع والعربيه محمله ... العفشجى بيقوللى ديه كبالن ... ايه رايكو .. ولو هيا كبالن يبقه ايه االعمل وبكام .

**a3reda** · 06-09-2010 07:52 PM

استاذ تاتووو

لو كوبلن تسمع دربكه وتزيقه عند اى ملف او دوران

وده امايتغير تجيبه جديد او تشتريه استيراد ومعرفش تمنه كم

وممكن تملى الكبالن وانا جربتها مرتين فى الفورد الاسكورت من كم سنه وفيه متخصصين شغلتهم دى بس ومتجمعين كلهم جلف دار القضاء العالى فيه محل كبير ومشهور بتاع كشرى اسمه ابو طارق على ما اتذكر قدام ابو خالد الكبابجى

بيفكوا الكوبلن ويملوه ويجربوا لك العربيه ب 45 جنيه للكوبلن الواحد وانت وشطارتك وده ممكن يشتغل معك سنه او اكتر اما لو امكانياتك جاجزه دور فى محلات قطع الغيار واشترى الجديد او الاستيراد

**aYaBooY** · 06-09-2010 08:51 PM

هاعدي عليك النهارده بعد الطراويح او بليل شوية
ممكن يكون كوبلن داخلي
استاذ رضا موضوع ملي الكبالن كان مجدي ايام لما كلنت الكبالن غالية دلوقتي جوز الكبالن تيواني او تركي بـ 280 جنيه

**egytamer** · 07-09-2010 12:27 PM

الكبالن لو بايظة هتسمع صوت تكتكة في الملفات ودي ممكن تمشي بيها شوية مفهاش مشكلة اما لو صوت التكتكة دة وانتا طالع فدة معناة ان الكبالن خلاصنة ولازم تتغير فورا وسعرهم للاسكورت مثلا الايطالي كنت جايبهم ب450 وكان في تركي وتيواني في حدود 300 الي 350 .
والله اعلم

**a3reda** · 07-09-2010 04:35 PM

طبعا لو تمنهم 300 جنيه يتغيروا افضل لانى سئلت عنهم من 4 سنوات كانوا ب حوالى 800 جنيه

وفى نظرى لو الكوبلن اصلى استيراد افضل من التركى والله واعلم شكرا باشمعندس جوزيف على المعلومه

**aYaBooY** · 07-09-2010 10:29 PM

لا ال800 جندي ده الماني انا بتكلم عن بديل تركي او تيواني
و لو حسبت عمر الكوبلن البديل هاتلاقيه شبه مساوي لعمر الكوبلن الاستيراد و ضعف الكوبلن المتصلح او المملى

**aymanay32** · 07-09-2010 11:14 PM

المشاركة الأصلية كتبت بواسطة tatooo2005

فيستا 1300 موديل 2000 ,,, عدى زى مايكون فيه نتشه كده عند التحرك من الثبات , وكمان رجرجه فى السحب سعات بتروح وسعات بتيجى وخصوصا فى المطالع والعربيه محمله ... العفشجى بيقوللى ديه كبالن ... ايه رايكو .. ولو هيا كبالن يبقه ايه االعمل وبكام .

انا عندى نفس الموضوع فى الماروتى بس لما كنت فى صيانة ال1000 كيلو سالت عن الموضوع دة فى التوكيل قاللى مفيش مشكلة نهائى و دة عادى

المشكلة يا استاذى لو كنت بتلف فى ملف عاصى و سمعت طقطقه جامدة يبقى دة الكوبلن الخارجى لازم يتغير بجديد و ما تملاش الكوبلن خالص بيع القديم
و نصيحة استنى شوية ما تشتريش قطع غيار دلوقتى اصبر لحد ما السوق يتعدل و البضاعة تبقى مظبوطة مش كل اسبوع هتشترى كوبلن

**tatooo2005** · 11-09-2010 10:24 PM

يا جماعه مفيش اى طقطقه فى الملفات .. العربيه فى الملفات زى الفل .... الللى عندى حاجتين محيرينى اوى ... الحاجه الأولانيه : لما بطلع بالعربيه من الثبات بحس زى مايكون فيه حاجه بتتشد كده مش عارف هتفهمونى ولا لأ ... الحاجه التانيه : الرجرجه فى سحب الماتور زى مايكون زبزبات كده وخاصة من التانى للتالت بتبان اوى .....

**medo_vooo** · 13-09-2010 02:00 AM

الطقة اللي بتسمعها لما بتطلع من الثبات دي ممكن تكون من الفيتيس ودي بتحصل عندي وانا رايح للميكانيكي بكرة اشوف ايه حكايتها بس دي في حالة انك مش بتطلع الطلعة العادية انك تسيب الدبرياج واحدة واحدة هتطلع بعد كدة ادي بنزين مش هتعمل كدة تاني حاجة الرجرجة دي ممكن تكون قواعد موتور وموضوع الكوبلن انا مستبعدة عشان الكوبلن اول مشاكلة بتكون في الملفات الجامدة ودة انت مشتكتش منه

**vooooo** · 13-09-2010 02:05 AM

عندى نفس الموضوع ده و عربيتى اسكورت
ميكانيكى قالى ان دى صليبه الكوبلن الداخلى
و ميكانيكى تانى قالى عمود الكردان فى الفيتيس فيه بوش و حله ان يتغير الفيتيس كله مع ان العربيه جر امامى و قولتله ازاى فيه عمود كردان قالى برضه الأمامى فيه الكردان ده

بس لحد دلوقتى ماصلحتهاش و مستنى لحد لما تقف خالص و أبقى اشوف ايه اللى باظ و أصلحه علشان انا زهت من اختراعات الميكانيكيه

الموضوع: كوبلن

LinkBack

أدوات الموضوع

عرض

-

-

-

-

-

-

-

المواضيع المتشابهه

كوبلن جولف2

كوبلن ولا كاوتش كوبلن ؟؟

كم سعر كوبلن 128

كوبلن ابيزا 94

جابت كوبلن

الكلمات الدلالية لهذا الموضوع

المفضلات

المفضلات

ضوابط المشاركة