عداد السرعة فلى ال 516 وفهمونى لو سمحتم دة وهم ولا حقيقة

**MOMODENGER** · 06-09-2010 03:26 PM

جماعة اولا السلام عليكم انا معايا العربية التى جننت العقول a516 وانا بقول كدة على سبيل التريقة لانها بالفعل جننتنى وكل يوم ليها مشكلة بس انا النوبة دة مشكلتى غريبة وهية انا عداد السرعة بيشتغل شوية ويرجع لما اطفى العربة واشغل تانى يشتغل المهم غيرت الحساس وبردة مفيش فايدة يعنى اتكلفت على الفاضى المهم امبارح شلت الفيشة بتاعة الحساس ولا قيت شى غريب جدا وهو ان العداد بردة شغال مع ان المفروض ان انا كدة لاغيت العداد .

ارجو من الاخوة تفسير الحالة الغريبة دى وكمان ارجو منهم تشفولى حل لانى بجد تعبن والحمد لله كل كل شئ

**Adham** · 06-09-2010 03:28 PM

اية تانى من المشاكل قابلك من السيارة اللي جننت العقول ؟

**egypt0777** · 06-09-2010 03:48 PM

اكشف عليه بالكمبيوتر احسن

عشان لو فيه حساس بايظ حيبان على الجهاز

**evram** · 06-09-2010 06:31 PM

ده مشكله في العداد عايز سوفت وير و عمل كده عندي و تلاقي العداد بيطلع و ينزل لوحدوة و شغال و حاجات غريبه ده سوفت روح لواحد بتاع عدادات

**MOMODENGER** · 07-09-2010 09:30 AM

الاخ افرام عاوز اعرف اخد منك اد اية بتاع العدادات وهوة فين لانى رحت للسيد احمد مهران وهو غير الحساس ولكن لاسف ما فى فايدة

**Adham** · 07-09-2010 10:10 AM

انزل الحرفيين
روح ورا الجامع و اسأل على ورشة خالد كوستا

دة متخصص عدادات من سنين, كانت ورشتة الاول في جسر السويس ورا جنينة العرب و اصلا دة تربية و تعليم ورشة كوستا اللي في شامبليون

**evram** · 07-09-2010 06:37 PM

اخد 120 جنيه و ده ايل انا روحتلوة في شارع احمد سعيد و راجل نضيف اوي و بيقف عندوة عربيات عاليه ده كانت واقفه تويتا كرولا و بي ام اخر موديل و بقولوة دي فيه مشاكل عدادات قايل دي فيه نصايب انت كده اسهل بكتير

**abdelrasoule** · 04-10-2010 03:40 AM

عمل كده عندى وسبته وبعت العربية

**MOMODENGER** · 04-10-2010 11:15 AM

المشاركة الأصلية كتبت بواسطة abdelrasoule

عمل كده عندى وسبته وبعت العربية

انا كمان هبيع العربية بسببة ولا سباب اخرى كتيرة اوى فى الصينى ابو بق مفتوح اسف على المصطلحات بس انا تعبت

**Adham** · 04-10-2010 12:25 PM

المشاركة الأصلية كتبت بواسطة momodenger

انا كمان هبيع العربية بسببة ولا سباب اخرى كتيرة اوى فى الصينى ابو بق مفتوح اسف على المصطلحات بس انا تعبت

انت راجل محترم

و صراحتك دي بجد نحترمها لأن كل اللي راكب عربية بيشكر فيها كأنها بنتة مهما كان فيها من عيوب و بيغالط و يقاوح و كأنها عندة فرخه بكشك, لدرجه تخالف العقل و المنطق, من عينة انة يقولك انها صالونها احسن من البي ام و ان صاجها اقوى من اللادا و ان موتورها احسن من موتور الفرنا و ان شكلها اشيك من اللانسر, بجد مش ممكن كم المغالطات اللي الواحد بقى بيسمعه من الناس, بجد أحييك و أحترم صراحتك جداً, ربنا يباركلك و يعوضك خيراً منها