الموضوع: التجربه الكامله لتغيير جوان وش السلندر ومشكله الحراره وقطع الغيار للمونديو

المونديو عربيه فخمه جداااااااااااااااااااا وحزين بسبب نزول سعرها اوى كده انا سمعت ان اعلى فئه فى المنديو الجيا موديل 98 تعمل 40 الف خساره كبيره لانها سنه 2003 كانت تعمل 80 الف

ربنا يستر


الف مبروك على نص العمره


اخترت اى ميكانيكى ؟ ومامدى ارتيلحك له ؟ كم ساعه تقريبا اشتغل فى عربيتك ؟ واخد منك كم؟ وهل انت راضى عن الميكانيكى ؟

اسف لكثره الاسئله

اية اخر الاخبار يا يشمهندس محمد عايزين نعرف بالتفصيل علشان كلنا نستفيد وممكن بعد كدا لو حد عندو استفسار يسئل حضرتك.
وياريت كل واحد معاة منديو يكتب رئيو عن العربية وهل هي اعتمادية وفليلة الاعطال وسهل معرفة ال فيها ولا لا لاني ناوي اشتريها فياريت لو حد يقدر يفدني اكون شاكر لية جدا.

المشاركة الأصلية كتبت بواسطة a3reda

المونديو عربيه فخمه جداااااااااااااااااااا وحزين بسبب نزول سعرها اوى كده انا سمعت ان اعلى فئه فى المنديو الجيا موديل 98 تعمل 40 الف خساره كبيره لانها سنه 2003 كانت تعمل 80 الف

ربنا يستر


الف مبروك على نص العمره


اخترت اى ميكانيكى ؟ ومامدى ارتيلحك له ؟ كم ساعه تقريبا اشتغل فى عربيتك ؟ واخد منك كم؟ وهل انت راضى عن الميكانيكى ؟

اسف لكثره الاسئله

اولا ولا يهمك اسثل زي ما انتا عايز انا تحت امرك
بالنسبه للي انا عملته اني غيرت جوان الوش فقط لا غير
لأن العربيه كانت شبه سخنت مني
وده بسبب ( خليني اقولو ليكو في الأخر)
وده طبعا احتاج ان الخراط يبص علي الوش يشوفه محتاج مسحه ولا لأ
وكمان غيرت بالمره طقم بلوف صمامات كامل
الجوان جبته من التوكيل بحوالي 300 جنيه
والبلوف بحولي 400 جنيه بس اصلي موتور كرافت
وبالمره عملت طقم سيرفيس (فلتر بنزيين وهوا وزيت---------)
الموضوع اني كنت مستعجل ورحت عند الحج رمضان في الحرفيين وهوا راجل طيب وعنده واد قرد اسمه ايهاب
والفك اخد حوالي نصف ساعه بعد العربيه ما بردت
والتركيب اخد ساعه ونصف من بعد شغل الخراط
يعن جبتهالوه الساعه 11 مساء واختدها تاني يوم بعد الفطار
واخد 350 دا غير الأكراميات وثمن الزيت 105 والميه الحمرا
حته اني انا راضي الحمد لله انا راضي الشغل زي الفل بس فيه بعض تركات ها نتقولها بعديين

وتحياتي لك

المشاركة الأصلية كتبت بواسطة egytamer

اية اخر الاخبار يا يشمهندس محمد عايزين نعرف بالتفصيل علشان كلنا نستفيد وممكن بعد كدا لو حد عندو استفسار يسئل حضرتك.
وياريت كل واحد معاة منديو يكتب رئيو عن العربية وهل هي اعتمادية وفليلة الاعطال وسهل معرفة ال فيها ولا لا لاني ناوي اشتريها فياريت لو حد يقدر يفدني اكون شاكر لية جدا.

تامر باشا بألك كتيير تقول انك ها تشتريها امتا يا معلم ها يؤون الأوان

علي فكره يا جماعه تامر ده مجدع قوي قوي

بص ياعم تامر العربيه كانت قرفاني في الحراره
قلت اغير الترموستات الداخلي
وجي بفكه (علي فكره فكه سهل قوي وانا اللي بفكه وبركبه بنفسي)
لقيت مفيش ترموستات قمت اشتريت واحد اصلي 92
وركبته والعربيه بقت زي الفل بس بعد يومين ببص عل الميه لقيتها قليله تحت المنيمم
وطلع ان خرطوم الراجع اللي جاي من الكوعه فيه شرخ مسرب ميه
اوم ايه
رحت مغيره
تمام كده
وبعدها حسيت ان العربيه لما بزودلها ال rpm بلاقي ان في القربه طالع هوا
المهم العربيه وصلت الحراره L
وقد كان ما كان
لأني ما بحبش امشي وانا قلقان
عملت الواجب معاها
والحمد لله العربيه زي الفل
بس محدش سالني المشكله اللي عملت الليليه دي ايه
انا اقولكم
الكوعه كان فيه شرخ صغيير اوييييييييييييي
ولما كانت العربيه بتسخن كانت بتفقد ميه وبيدخل هوا جوا دوره التبريد وده اللي عمل الدربكه ديه



بس ممكن اسئل سؤال
بعد الكلام ده ايه الوضع الطبيعي لمؤشر الحراره[NORMAL]
لو حد عرف الأجابه ليه جايزه كبيره قوي
بصو ياجماعه من خلال الأجابه علي السؤال ده ها نتطرق لموضوع مهم جدا وهوا اسباب سخونه المواتير زي تك ام كيه 2
zitech mk2