الموضوع: ما هي اعراض حاجة الفتيس الاوتوماتيك للصيانة ؟؟؟

المشاركة الأصلية كتبت بواسطة Xpert

الفتيس الاوتوماتيك غدار ... مش هايقولك انه عاوز صيانه غير لما تلقاه وقف بيك و عطل في وسط السكه كده ....(مش عارف ليه انا باحس بيه ... يمكن علشان عربيتي و عارفها) ....اول ما تدي الغيار بتاع اللقت و تدوس اكسراتير و ماتلاقيش العربيه بتتحرك من اساسه ... اعرف انه باظ و تقوم مغير مركب مانوال و تشتري دماغك ...
بالنسبه للكردان مابيبوظش .. الا اذا كان فيه رفه جامده (هاتجيله منين و هوه راكب ؟ هيا بتيجي لو اتخبط و كده)
الكرونه هاتعرف انها محتاجه صيانه لما تلاقي اصوات غريبه بدأت تطلع من ورا .. و الاصوات دي متمثله في ونه او خشونه ...
بس اشمعني بتسال ؟

الف شكر يا Xpert انت كل يوم بتثبت انك استاذ :)

بص يا سيدي ... 1- لما برجع R واجي اطلع D بسمع صوت خبطة ( كانك خبطت كباية بمعلقة ) غالبا
2- العربية صوتها بقى عالي بس مش قادر احدد من فين . دايما
3- لما بحول من ال N الى ال D ال RPM بيقل جامد . ( من 1000 الى 600 تقريبا ) وبالتالي بيحصل رعشة . دايما
4- فيه رجه او تقطيع على السرعات البطيئة ( جبت كاوتش جديد ورصصت ومازالت موجودة ) والرجه دي موجودة برضو وانا واقف على الD . احيانا
5- لقيت زيت عالعربية من تحت لما كنت بغير زيت الماتور والعامل قالي الزيت ده من الفتيس .
6- بالنسبة للنقل حلو مافيهوش مشكلة .

يا ريت توضحلي اكتر موضوع الونه او الخشونة بتاعت الكرونه

وشكرا جزيلا على مساعدتك يا باشا

الف شكر يا باشا ... على كلامك ماعتقدش ان عندي مشاكل :)

المشاركة الأصلية كتبت بواسطة Dr_Smart

الف شكر يا Xpert انت كل يوم بتثبت انك استاذ :)

بص يا سيدي ... 1- لما برجع R واجي اطلع D بسمع صوت خبطة ( كانك خبطت كباية بمعلقة ) غالبا
3- لما بحول من ال N الى ال D ال RPM بيقل جامد . ( من 1000 الى 600 تقريبا ) وبالتالي بيحصل رعشة . دايما
4- فيه رجه او تقطيع على السرعات البطيئة ( جبت كاوتش جديد ورصصت ومازالت موجودة ) والرجه دي موجودة برضو وانا واقف على الD . احيانا .

بالنسبة لصوت المعلقة دى يا إما صليبة كردان او كورونا ، وغالبا بتكون صليبة كردان، اكشف عليها، ولو لقيتها مبوشة غيرها، لو الصوت بيجى من الكورونا طنش عليه، ممكن تعيش معاك 20 سنة كدا، الكورونا تغيرها لما تعمل ونة(صوت التاكسيات ال 125 واللادا القديمة جدا زى ما بيشو قا ل لك، هو صوت عامل زى ما يكون بيقول ععععععععععععع وعالى جدا بيجيب آخر الشارع)

بالنسبة للتحويل من Nالى D ال RPM ينزل فدة طبيعى جدا لأنك بتحط حمل على الموتور وخصوصا لو كان الموتور كاربراتير، ده حتى فى العربيات الحقن الإلكترونى بتزل شوية، لكن طبيعى جدا انها تنزل جامد فى عربية كاربراتير، ممكن تكون محتاجة ظبط كاربراتير

بالنسبة للرجة والتقطيع فواضح ان دى مالهاش علاقة بالكاوتش لكن من الموتور نفسه وغالبا هتكون ظبط كماربراتير لو الموتور بكاربراتير