النور العالى والبشر الرخمة

**magyver** · 07-09-2010 06:52 AM

زي وااحد النهاردة لسة داخل شارع عندنا والشارع كلة نوور ومحلات
ودة مشغلي زينون عاالي ووااطي وجاية عربية في وشة بردة مش بيطفية
وهو معدي من جنبي وانا واقف من غير العربية
قلتلة والله انا لو جاي قدامك وانت مقاابلني في الشارع ومشغلي النور كدة
واللة ماكنت خليتك تعدي في سنتك وكان حتة عيل 17 18 سنة

**NFS** · 07-09-2010 07:01 AM

المشاركة الأصلية كتبت بواسطة mazagangee

عشان :::
1- الطرق في مصر فرداني فبيبقى نور اللي جاي عكسك مع نور اللي وراك عاملين شغل جامد في عينيك
2- مرايات العربيات لا فيها تعتيم و لا فيها تشتيت و حلو قوي ان التوكلات سايبة المرايات في العربية من غير ما ندفع فرق
3- ناس كتير و بالذات الغجر بتوع الربع نقل و النص نقل و النقل و الميكروباصات و التاكسات بيركبوا نور عالي زيادة جدا عن الطبيعي بعبط

أنا كتير جدا ببقى عايز أخبطه و اكسر وش عربيته و اللي يحصل يحصل بعد كده

+100
+ ان فى مصر مش بتمشى مركز مع العربيات الى حواليك و بس, انت ماشى تحسس على الطريق خوفاً من النقر ,الى ممكن تقلبلك العربية, و المطبات , الى بتتحط فى اماكن بديهية جدا, و الفواصل, الى ممكن تجيبلك الكاوتش على الجنط, و البلعات, الى لايمكن تكون فى مستوى الطريق ابداً و سعات بدون غطا اصلاًء, و الحارة بتاعتك -يمكن تخش يمين ولا شمال لوحدها, بتحصل صدقنى ممكن تبقى ماشى فوق تلات حارات فى وقت واحد,و اوعى تصدق الراجل الى رسم الخطوط البيضاء-
انا اشك ان فى اى دولة تانية محترمة الناس بتمشى تبص على الاسفلت فى الطريق السريع او اى شارع تانى.

**Ahmed Nouh** · 07-09-2010 07:23 AM

انا منور الواطى دائما وعلطول برده الاقى اللى قدامى متضايق منه , فوطيت النور خالص فى الارض لدرجة ان العالى عندى كان يادوب يجيب لحد وش السواق اللى قدامى بالعافية وبقيت ملطشة لكل واحد جاى منور العالى

الحل , شيلت العواكس اللى راكبه قصاد اللمبات ورفعت النور تانى لفوق اكتر مما كان وركبت لمبات ألمانى بأعلى وات متوفر , العواكس اساسا معمولة علشان اللمبات وهو منورة على العالى متضايقش اللى قصادك وتوجع عينه وهى وظيفة غير عملية فى مصر

دلوقتى لو حد جاى فى وشى منور زينون بخليه يطفيه ويطلعلى من الشباك كمان لو نورت له العالى فى وشه , لسه امبارح واحد ب 127 جاى فى وشى عمال يضرب فلاش طفيت النور خالص واستنيته لما قرب منى روحت منور العالى والواطى مره واحده خليته اتعمى

نصيحه ارفع نورك فوق شوية بحيث يفضل الواطى فى حدود اكصدام اللى قدامك لكن العالى يبقى بيضايق جامد ولما يحصل موقف زى كدا لف وشك ليه واديله النور فى وشه

**fadod** · 07-09-2010 08:04 AM

المشاركة الأصلية كتبت بواسطة m_elkhishin

مع احترامي للاخوة جميعا، انا حقول تجربه شخصية منتهية بسؤال:

انا عايش حاليا في السعودية، وعربيتي فيها زينون عالي وواطي، وطبعا دايما النور شغال بالليل جوة وبرة البلد لأن اساسا ممنوع تطفي النور بالليل. وبالرغم من ذلك عمر ما واحد اشتكى من النور ، أو طلع ايده من الشباك وشاور انه متضايق ، عمري ما شفت واحد بيشتكي لواحد ان نوره عالي. عمري ما دخلت على كمين شرطه ووقفني الا لو كاسر سرعة.

لما نزلت اجازة مصر (بنفس العربية)مفيش اشارة وقفت فيها الا لما الاقي اللي قدامي بيشوحلي، مفيش طريق مشيت عليه ، الا واللي قدامي يقعد يقلب اشارات ويشوح بايده. حاولت اطفي النور لقيت نفسي مش شايف حاجة وحلبس .

السؤال بقى:

ليه النور بيضايق الناس قوي وبيستفزها في مصر و مبيعملش كده في السعودية(أو أي دوله تانيه)؟؟؟

نفس الكلام هنا عندي في أمريكا ، أنا عندي العالي بيشتغل مع الكونتاكت ، ليل نهار ، ولو فيه حد مش منوره بليل بياخد مخالفه .

**beetleMOSH** · 07-09-2010 08:11 AM

المشاركة الأصلية كتبت بواسطة Ahmed Nouh

نصيحه ارفع نورك فوق شوية بحيث يفضل الواطى فى حدود اكصدام اللى قدامك لكن العالى يبقى بيضايق جامد ولما يحصل موقف زى كدا لف وشك ليه واديله النور فى وشه

انا عامل كده بالظبط
و الخاله الوحيده اللى بطفى فيها النور
لما الاقى راجل كبير او ست كبيره سايق
غير كده

**Adham** · 07-09-2010 11:03 AM

المشاركة الأصلية كتبت بواسطة ahmed nouh

الحل , شيلت العواكس اللى راكبه قصاد اللمبات ورفعت النور تانى لفوق اكتر مما كان وركبت لمبات ألمانى بأعلى وات متوفر , العواكس اساسا معمولة علشان اللمبات وهو منورة على العالى متضايقش اللى قصادك وتوجع عينه وهى وظيفة غير عملية فى مصر

اللي انا فاهمة ان العواكس فايدتها ان النور الخارج من فتيل اللمبة يتم توجيهه لينعكس على قمرة الفانوس و بالتالي يتوجة لخارج الفانوس بافضل توزيع ممكن

المشاركة الأصلية كتبت بواسطة fadod

نفس الكلام هنا عندي في أمريكا ، أنا عندي العالي بيشتغل مع الكونتاكت ، ليل نهار ، ولو فيه حد مش منوره بليل بياخد مخالفه .

يعني اية العالي بيشتغل مع الكونتاكت ؟؟؟

**Deshahcoka** · 07-09-2010 10:04 PM

يعني مفكرتش انوا ممكن الراجل ده عربيته مرسيدس حديثة زيروا يعني النور فيها فابريكة عالي و فله ؟ ممكن هوا واقف و ناسية شغال و لما انتا جيت كلمته اتخنق و عاند فيك ده ميدلهوش الحق انوا يعمل كدة بس اهوا عمل ! و ممكن يكون في حد معاه و هوا مش عاوز حد يشوف لما يبص في المرايات على العربية بتاعته !

صراحة انا مش عارف ايه الحل ! تركيب زينون مش نافع و اصفر مش نافع ! نشيل فوانيس العربيات احسن ؟

**Ahmed Nouh** · 07-09-2010 11:01 PM

المشاركة الأصلية كتبت بواسطة adham

اللي انا فاهمة ان العواكس فايدتها ان النور الخارج من فتيل اللمبة يتم توجيهه لينعكس على قمرة الفانوس و بالتالي يتوجة لخارج الفانوس بافضل توزيع ممكن

لا انا عندى العاكس اللى قصاد اللمبات من جوا اسود قاتم مش عاكس فبالتالى مبيساهمش فى عكس الضوء للداخل تانى , لكن وظيفته انه يحجز الوهج بتاع الفتيل عن اللى جاى فى وشك علشان النور ميضايقهوش

لما فكرت اشيله شوفت النور على الواطى لقيت الفرق لا يذكر بين وجوده من عدمه , لكن على العالى من غيره فعلا النور ييضايق قوى وعلشان كدا قررت اشيله

انا مبستخدمش العالى ابدا الا بغرض اجبار الغير على طفى النور العالى او الزينون فكدا احسن

**fadod** · 08-09-2010 07:12 AM

المشاركة الأصلية كتبت بواسطة adham

يعني اية العالي بيشتغل مع الكونتاكت ؟؟؟

بص يا أدهم ، هو سؤالك دة خلاني أحس اني متلخبط ..أنا فاكر إن الواطي هو نور السهاري اللي بيبقي في الإكصدام..اللي لا بيودي ولا بيجيب .والعالي ليه درجتين وهو داه اللي بيبقي في الفوانيس أو الكشافات.
أنا عندي الكونتاكت بينور النور الواطي بتاع الكشافات داه مع دوران العربية ..ياريت أكون فهمت صح