ايه رأيكم ؟

**AnaHyundai** · 07-09-2010 03:17 AM

السلام عليكم

النهارده كنت راجع من اسكندريه، فوجئت بموتسكل قدامى بيعمل u turn العربيه عومت منى لما حاولت افاديه، متهيألى انا دوست فرامل لفت بيا العربيه حوالين نفسها و دخلت فى الجزيره بجنب العربيه وشى معاكس بس الحمد لله كانت رمله و جت سليمه .

الحقيقه انا بسأل ايه اللى كان مفروض اعمله و هل ده تصرف صح اللى انا عملته علما ان سرعتى كانت 120

**MoDy_OnLiNe** · 07-09-2010 03:41 PM

حمد لله على سلامتك يا باشا

وربنا يسترها ان شاء الله

حضرتك دوست فرامل و لفيت الدريكسيون صح ؟

ده اللى خلى العربية تعمل من حضرتك كده

طبعا ما اقدرش اقولك انسب تصرف ايه

لكن ممكن اقول ان حضرتك كنت ممكن تدى اشارة فى الناحية اللى مافيهاش الموتوسيكل وتنقل على الحارة اللى جنبه

ولو بصيت فى المراية ولقيت ان فيه عربية جايه ومش هينفع تنقل للحارة فى الوقت ده

دوس فرامل من غير ما تحرك الدريكسون لحاد ما العربية اللى جنبك تعدى بعد كده سيب رجلك من على الفرامل وانقل على الحارة اللى جنبك بسرعة

فى حاجة حلوة برضوا ممكن تنفع حضرتك فى المواقف ديه ، لو عربية حضرتك مانيوال وحضرتك ماشى على الخامس مثلا ، ممكن تسقط غيار ( يعنى تنزل على الغيار الرابع ) و ده هيزود العزم بتاع العربية بتاعتك بطريقة كبيرة جدا وهيخلى العربية تجرى بسرعة قوى وده هيفيدك لو عاوز تعدى وجنبك عربية جايه بنفس سرعتك

لو عربية حضرتك اوتوماتيك ممكن تعمل kick down
يعنى تدوس دواسة البنزين للاخر هتعمل مع حضرتك نفس الموضوع بالظبط

وربنا يستر ان شاء الله ، بس كان المفروض تنزل تضرب الراجل بتاع الموتوسيكل ده :D

كل سنة وحضرتك طيب

احمد

**AnaHyundai** · 07-09-2010 04:39 PM

المشاركة الأصلية كتبت بواسطة mody_online

حمد لله على سلامتك يا باشا

وربنا يسترها ان شاء الله

حضرتك دوست فرامل و لفيت الدريكسيون صح ؟

ده اللى خلى العربية تعمل من حضرتك كده

طبعا ما اقدرش اقولك انسب تصرف ايه

لكن ممكن اقول ان حضرتك كنت ممكن تدى اشارة فى الناحية اللى مافيهاش الموتوسيكل وتنقل على الحارة اللى جنبه

ولو بصيت فى المراية ولقيت ان فيه عربية جايه ومش هينفع تنقل للحارة فى الوقت ده

دوس فرامل من غير ما تحرك الدريكسون لحاد ما العربية اللى جنبك تعدى بعد كده سيب رجلك من على الفرامل وانقل على الحارة اللى جنبك بسرعة

فى حاجة حلوة برضوا ممكن تنفع حضرتك فى المواقف ديه ، لو عربية حضرتك مانيوال وحضرتك ماشى على الخامس مثلا ، ممكن تسقط غيار ( يعنى تنزل على الغيار الرابع ) و ده هيزود العزم بتاع العربية بتاعتك بطريقة كبيرة جدا وهيخلى العربية تجرى بسرعة قوى وده هيفيدك لو عاوز تعدى وجنبك عربية جايه بنفس سرعتك

لو عربية حضرتك اوتوماتيك ممكن تعمل kick down
يعنى تدوس دواسة البنزين للاخر هتعمل مع حضرتك نفس الموضوع بالظبط

وربنا يستر ان شاء الله ، بس كان المفروض تنزل تضرب الراجل بتاع الموتوسيكل ده :d

كل سنة وحضرتك طيب

احمد

ماتقلقش حضرتك

اخد الطريحه التمام

**kamalsalem** · 07-09-2010 04:48 PM

عزم العربية احسن من الفرامل.. بمعنى لو لقيت العربية بتعوم.... اكبسلها بالعقل لحد ما هي تعدل نفسها.. انما لما تمسك فرامل العربية بقت طوبة ومستنية الجاذبية توديها ف اي حتة

**amrnagy** · 07-09-2010 04:57 PM

حمد الله علي سلامتك والحمد لله ان محصلش حاجة

**ali.mahmoud** · 07-09-2010 04:59 PM

بتوع الموتسيكلات مش كلهم طبعا عايزين ال ؟؟؟؟؟؟؟؟

**Adham** · 07-09-2010 05:07 PM

طالما مافيش في العربية اية بي اس يبقى لو كبست فرامل و انت كاسر دركسيون لعربية لازم حاتزحف منك و تفقد السيطرة عليها

الموضوع عاوز حسن تصرف

ماهو مش معقول تقلب عربيتك و تموت نفسك علشان ابو موتوسيكل

انت سيطر على عربيتك في حدود امكانياتها على المناورة

و ايدك عالكلاكس بسرعه بس مش تخللي العربية تقلب بيك و لا تموت نفسك ولا تخبط عربية جنبك علشان تفادية و برضة ممكن ماتفاديهوش

**HOSSAM99** · 07-09-2010 06:17 PM

الي كان المفروض تعمله انك كنت تلتزم بسرعه 90ك/س علشان متحطش نافسك في موقف
يا جماعه الي عمل الطريق هو الي عارف يتمشي عليه علي كام ليه احنا بنجاوز السرعه بزياده تقدر بثلث المسموح بيه وبرنجع نزعل من الي عامل الطريق
ونرجع ندور علي طريقه نفادي بيها او ننقذ نفسنا بيها
علي فكره 90ك/س مهما كنت قريب من الموتسيكل ممكن الفرامل توقف العربيه تماما وهي علي السرعه دي ولو بعد الفرامل خبطه هتبقي بسيطه وكمان لو كلنا ملتزميين بالسرعه كنت هتقدر تتنقل للحاره الاخري من الغير الي في اليمين ميحصلك ولكن دا اليمين بيجري اكتر من الي في الشمال
وربنا يسترها معاك ومعانا