باركولي اشتريت البيتل 1303

**nikon_d70s** · 07-09-2010 04:10 AM

كل سنه وانتم طيبين يا عشاق البيتل الكرام
انا بصراحه شديد مش غاوي سيارات خالص بس من كتر ما قريت عن العربيه دي في في مواقع كتير وخصوصا المنتدي الجميل ده انا قريت كل المواضيع في المنتدي اكثر من مره والردود عليها وخصوصا من الاخين الاعزاء ابوهاشم واحمد حسن
انا حبيت العربيه دي جد جد وخت قرار اشتري واحده وللعلم انا مش بعرف اسوق وما حولتش حتي اتعلم السواقه
وقلت والله لا اتعلم السواقه علي سيارتي البيتل ان شاء الله
وخت القرار اشتريها قعت ازاكر تاني في النمتدي واتابعت مواقع البيع واتفرج علي عربيات وانا مش فاهم حاجه خالص
عارف كل حاجه نظري في العربيه لكن عملي ابيض ياورد ههههههههههه
لحد لما شفت اعلان عربيه توسمت فيه الخير وكلمت صاحبه السياره اول واحد ومكنتش حته سعر معين تابعتها 15 يوم كل يوم كنت بكلمها بعد كدا قالتلي العربيه جابت 13000 لو هتدفعهم تاعالا انا اولا قولتلها اوكي
وكان المبلغ مش كامل لكن في ناس كملتلي وكانو مبسوطين جدا لاني دوشتهم من كتر غزلي في السياره دي
واخيرا جبت العربيه بس للاسف انا ركبتها من مساكن شيراتون لحد الوراق واتركنت في الجراش عند صديق ليا وهو في اسكندريه انا معيا الرخصه وهو معاه المفاتيح هههههههههههههه
عشان هو اللي هيعلمني السواقه ان شاء الله وهيعمل شويه شغل فيها
الشغل الي فيها : الموتور بيسخن وبيجيب زيت والتكيهات عيزه تتظبط او تتغير مش عارف
120146b
مواصفات العربيه بيتل 1303 موديل 1974 موتور 1300 cc العربيه حالتها جيده جدا كل حاجه فيها اصليه مفيهاش تعديلات خالص ولا طاره ولا جنوط وده اللي عجبني فيها
انا دفعت 13000 وطبعا سجات العربيه في المرور ونقات الملكيه
ادعولي بالتوفيق واتعلم السواقه بدون مشاكل واكون عضو فعال في المنتدي الجميل ده
نسيت اقولكم اني مصور فوتوغرافي وهصور ليكم العربيه بس لما اشوفها هههههههههههه سلام

**smsmxxxxxx** · 07-09-2010 04:19 AM

الف مبروك على العربية الجديدة ربنا يديك خيرها ويكفيك شرها

انا على فكرة عملت زيك بالظبط اشترتها واتعلمت عليها

دا احسن لانك لازم تاخد عليها وعلى ابعادهاعلشان مبتشوفش الرفرف اليمين
فمكنتش هتستفيد لو اتعلمت على 128

بس حاول تكشف عليها وتحل موضوع السخونية قبل ما تتعلم لانك وانتا بتتعلم هتقرص على الموتور

وان شاء الله هتكون بسيطة

الف مبروك مرة تانية

----------------

محمد سالم

**nikon_d70s** · 07-09-2010 04:36 AM

متشكر يا محمد علي النصيحه الهامه دي بس لما اشوف العربيه الاول
والله يبارك فيك

**MaZaGAngeE** · 07-09-2010 04:51 AM

الف مبروك
عربية ممتعة و جميلة و ثابتة جدا جدا حتى على سرعة 110 و ده اخر عربيتي
صيانتها سهلة بس عند الناس بتوعها اوعى تخلي اي حد تاني يلعب فيها
قطع الغيار اسعارها معقولة و موجودة

**beetleMOSH** · 07-09-2010 08:31 AM

الف مبروك يا باشا على العربيه
و ان شاء الله ربنا يديك خيرها و يكفيك شرها

و انت لما تظبط العربيه هاتبتدى تاخد عليها
بس كله واحده واحده
و انا برضه جبت بيتلز و اتعلمت عليها
و ان شاء الله ابيعها و اجيب واحده 1303 لانها عاجبانى جدا

و بالنسبه للسخونه معرفش انت عندك ايه النظام بس الطبعى بتاع الموتور انك هاتحس انه سخن زياده شويه

و الف مبروك مره تانيه

**mmoneim** · 07-09-2010 11:21 AM

الف مبروك وربنا يجعلك فيها الخير
وحاول تتعلم الاول فى المناطق الواسعه علشان الابعاد بتاعتها
هنا هتلاقى ارقام وعناوين ميكانيكيه كتير فى عين شمس ممكن تجرب حد منهم
وان شاء الله خير
الف مبروك

**MaZaGAngeE** · 07-09-2010 11:56 AM

المشاركة الأصلية كتبت بواسطة mmoneim

الف مبروك وربنا يجعلك فيها الخير
وحاول تتعلم الاول فى المناطق الواسعه علشان الابعاد بتاعتها
هنا هتلاقى ارقام وعناوين ميكانيكيه كتير فى عين شمس ممكن تجرب حد منهم
وان شاء الله خير
الف مبروك

عندك حق أبعاد العربية مشكلة حتى لواحد قديم في السواقة محتاج وقت لحد ما يعرف أبعاد العربية
بس ايه ياباشا أول ما تحفظ الأبعاد دي هتلعب لعب بالعربية و لا العفاريت

**hosamsief** · 07-09-2010 12:04 PM

نفس الموضوع حصل معايا بالظبط اشتريت الاول و اتعلمت عليها بس متزعلش لو الرفرف حك منك فى رصيف ولا حاجه و بعدين لو كان فيها شغل دوكو او سمكرة استنى لما تتعلم عليها الاول و بعدين تعملة ربنا يسترها معاك و متقلقش حتحفظ ابعادها بسرعه و هتبقى محترف زيي .........................

**mmoneim** · 07-09-2010 12:09 PM

المشاركة الأصلية كتبت بواسطة MaZaGAngeE

عندك حق أبعاد العربية مشكلة حتى لواحد قديم في السواقة محتاج وقت لحد ما يعرف أبعاد العربية
بس ايه ياباشا أول ما تحفظ الأبعاد دي هتلعب لعب بالعربية و لا العفاريت

عندك حق عجلات وموتوسيكلات

**kamalsalem** · 07-09-2010 12:10 PM

انت لسه هنا؟ يا راجل الناس بتتشقلب في العربية

http://www.nilemotors.net/Nile/178430-1303.html

مبروك عليك تحفة من تحف كلاسيكيات السيارات في العالم كله

الموضوع: باركولي اشتريت البيتل 1303

LinkBack

أدوات الموضوع

عرض

-

-

-

-

-

-

-

-

المواضيع المتشابهه

باركولي اشتريت Gen 2

باركولي اشتريت نوبيرا one

باركولي اشتريت نوبيرا

باركولي اشتريت الاستيكر

باركولي اشتريت بولو 99

الكلمات الدلالية لهذا الموضوع

المفضلات

المفضلات

ضوابط المشاركة