وصلت للقتل استحلفكم بالله عشانكم اقروا القصة

**roaahim** · 07-09-2010 05:55 AM

اوعوا ياشباب حد يوقف لحد فالطرق السريعة حتى لو يعرفوا لانها ممكن توصل للقتل انا لسه باقول الحمد الله على اللى انا فيه واتفقت على تاكسى يودى رؤى مدرستها اول شهر الا ورن الموبيل ايوة صوت بكاء واحد صاحبى قالى عارف محمد ابواسماعيل اللى كان شغال فالكويت اتقتل قولته ياراجل بلاش هزاز فرمضان قالى والله اتقتل قولته لاحول ولاقوة الابالله ازى قالى هو نزل من الكويت مديون بفلوس فيزا 30الف جنية لاهل مراته فقال ارجع اشتغل سواق فالشركة اللى كنت شغال فية قبل مااسافر فترة الاجازة حتى اجيب مصارفى والفلوس اللى انا نازل بيها اسدد جزاء م اللى عليا المهم استلم العربية نص نقل وبعد مااخلص شغل وهو راجع على الطريق بالليل شاورله اتنين يعرفهم بس مش قوى وغلطت غلطة دفعته حياته راكبهم انت رجعت امتى قالهم من شهر وحمد على السلامة بتعتهم مطواة و12طعنة عشان الموبيل حسبى الله ونعمة الوكيل وراموة فوسط الصحراء فالساحل الشمالى والكفرة لقوا فيه الروح قاموا جايبين حجرة ومكسرين دماغة بيها وفالاخر مالقوش معاه غير موبيل ومحفظة فيها 18جنية وسايب 3 بنات وولد محدش يقولى ازى نازل م الكويت وممعهوش فلوس اسالوا الناس اللى هناك وشافوا اذا معهم فلوس والالا ....لاحول ولا قوة الابالله

**Egyzizo** · 07-09-2010 06:09 AM

الله يرحمه

أنا فاكر موقف حصل معايا على الطريق الزراعى بين بنها وطنطا فى ليلة من اليالى كنت ماشى فى الطريق ده متأخر بس مش قوى ، يعنى الساعة 12 بليل تقريباً .. واخد شمالى وماشى على 80 - 90 ، والطريق هادى ومش زحمة ، فوجئت بعربية نص نقل جت خبطتنى فى جنب العربية (زى مطاردات الأفلام) ، طبعاً استغربت جداً واتنرفزت وقبل ما أفكر أعمل حاجة لقيته لم نفسه ورايا وبعدين جه وضربنى مرة تانية فى جنب العربية بنفس الطريقة. هنا الفار لعب فى عبى ، وقلت كده الموضوع فيه إنه. وبعد كده راح عدانى وأخد أقصى اليمين وهدى ووقف ونزل منه اتنين رجالة ، طبعاً المفروض انى أقف وراهم واتخانق معاهم على اللى عملوه معايا، بس من طريقة الخبطة وملابسات الموضوع قلقت ، وكملت فى طريقى جــرى.
أظن ان ده كان كمين علشان أقف واتقلب والعربية تتاخد وماحدش عارف ايه كمان اللى كان ممكن يحصل.

**tutankhamoun** · 07-09-2010 06:12 AM

لا حول و لا قوة إلا بالله .
الناس خلاص أصبحت وحوش .... بتأكل بعض .

بس التفاصيل دي ازاي أتعرفت ؟

**modo88** · 07-09-2010 06:14 AM

لا حول ولا قوة الا بالله الناس مبقاش عندها ضمير واللي معندوش ضمير مبيفرقش معاه رمضان من غير رمضان ربنا يرحمه ويتولي ولاده

**factorialx** · 07-09-2010 06:18 AM

يعني هو عشان نازل من الخليج يبقى جايب بير بترول معاه

ربنا يرحمه و عقبال ما الإتنين دولا ياخدوا إعدام إن شاء الله

**zakiali** · 07-09-2010 06:20 AM

المشاركة الأصلية كتبت بواسطة tutankhamoun

لا حول و لا قوة إلا بالله .
الناس خلاص أصبحت وحوش .... بتأكل بعض .

بس التفاصيل دي ازاي أتعرفت ؟

صحيح التفاصيل اتعرفت ازاي ؟؟

**zakiali** · 07-09-2010 06:22 AM

المشاركة الأصلية كتبت بواسطة factorialx

يعني هو عشان نازل من الخليج يبقى جايب بير بترول معاه

ربنا يرحمه و عقبال ما الإتنين دولا ياخدوا إعدام إن شاء الله

فيه ناس فعلا بتقضي سنين في الغربة وزي ما بتيجي زي ما راحت .. يدوب طالع بره عشان يعرف يعيش عشان هو في مصر لو فضل فيها هيموت من الجوع . وربنا يجازي اللي كان السبب . احنا بقينا في غابة فعلا

**ahmedsamir5edr** · 07-09-2010 06:26 AM

الله يرحمه

**magyver** · 07-09-2010 06:43 AM

الله يرحمة
النااس بقت وحشة قوي

**nouranwar** · 07-09-2010 06:54 AM

المشاركة الأصلية كتبت بواسطة factorialx

يعني هو عشان نازل من الخليج يبقى جايب بير بترول معاه

ربنا يرحمه و عقبال ما الإتنين دولا ياخدوا إعدام إن شاء الله

الله يرحمه و فعلا لازم يكون مصيرهم اعدام ان شاء الله و ميقولوش بقي كانوا شاربين و عاملين و يخففولهم بقي و كان نفسي يجيبوا الاعدام ده في التلفزيون علشان الناس اللي زي الزفت ديه قبل ما تعمل اي حاجة تفكر 100 مرة قبل الجريمة و الي اصحاب القلوب الضعيفة ميتفرجوووووش و انا بصراحة هكون معاهم قافل التلفزيون

الموضوع: وصلت للقتل استحلفكم بالله عشانكم اقروا القصة

LinkBack

أدوات الموضوع

عرض

-

-

-

-

-

-

-

-

المواضيع المتشابهه

استحلفكم بالله لا تنسوهم !!!!!!!

ارجوكم سااااااااااااااااااااعدونى استحلفكم بالله

استحلفكم بالله ان تقراة هذا الموضوع ؟؟؟؟؟؟؟؟

استحلفكم بالله الدخول ......بخصوص الجين تو

الكلمات الدلالية لهذا الموضوع

المفضلات

المفضلات

ضوابط المشاركة