الموضوع: سؤال للسيدات في المنتدى ..... انتوا بتعملوا كده ليه ؟!!!!

المشاركة الأصلية كتبت بواسطة cars sniper

اتحداكى تقوليلى ان مافيش بنت بتتصل بوالدتها اربع مرات فى الاسبوع على الاقل والمكالمة بتعدى الساعة
كل الشعور اللى فوق ده ممكن يتشال بحاجة بسيطة..ان البنت تاخد حماتها على قد عقلها فى الاول ...واول ماحماتها تحس ان مرات ابنها بتحبها هاتحبها هى كمان ولا البنت هاتحس انها ضيفة ولا غيره
اقسم بالله انى اعرف واحدة بتعامل كل مرات ولادها كأنهم بناتها..ومراتات ولادها كل يوم ينزلوا لحماتهم ينضفولها الشقة ويشوفوا طلباتها...بجد باتمنى انى الاقى زوجة زى دول

اقولك على حاجه بجد و الله العظيم انا من اول الجواز باتصل بمامتى تلات مرات بس فى الاسبوع و المكالمه لا تتعدى ربع ساعه نص ساعه بالكتير ... مجرد اطمئنان على الامور و الصحه و بس لان انا الحمد لله اسرارى و اسرار جوزى بيننا و اصلا مامتى بترفض اى كلام يتحكى لها لانها ست متدينه و بتعتبر ان ده نميمه و غيبه و ان دى اسرار بيوت ما يصحش تتحكى .. حتى لو خلافات بسيطه .. هى نفسها مش بتحكى اى مشاكل تحصل لها غير نادر جداااااااا

و مش هاقولك الحياه بينى و بين جوزى وردى ... لا فيه خلافات و احيانا بتحصل مواقف سخيفه من ناحيه اهله
و حصللى مشكله جامده جدااااااااااااا مع احد الافراد اول جوازى و لم يتم التدخل من اهلى نهاااااااااائى الى جانب انى ماكنتش باحكى اصلا .. و الحمد لله رب العالمين اى موقف وحش من اهله باقبله بابتسامه او صمت و بالاقى الموقف بيعدى و اللى بيفضل ان مرات فلان مهذبه ... انا باخدها من منطلق ان ليه انكد على جوزى بسبب شخص سخيف مثلا تصادف انه من اهل زوجى .. ما العائلات فيها و فيها ... و الحمد لله يا رب على نعمتك انا جوزى مقدر جدا علاقتى الممتازه باهله و عارف انى باستحمل و باسكت علشان خاطره و ده بيخلينى اكبر فى نظره

الخلاصه ان اللى بيزرع حب عمره ما هيلاقى غير الحب .. صحيح فيه ناس رخمه و غلسه بس الخير دايما هو اللى بيبقى ده قانون ربنا فى الارض

و ربنا يهدى كل الازواج و الزوجات على بعض و ينور طريقهم