تركب أوبل فيكترا 2007 ولا جولف 5 نفس الموديل أو أأقل سنة وليه ؟؟؟

ياشباب أنا عايز رأيكو بصراحة مع ذكر السبب هل تركب أوبل فيكترا 2007 ولا جولف 5 نفس الموديل أو أأقل سنة وليه ؟؟؟

وخد باللك
ألأثنين المانى و ألأثنين 1600.......مستنى رايكووووو

عن نفسى اركب جولف 5
الاسباب

ماتور شديد على جسم صغير (اصغر من الفيكترا)
ثبات خرافى - تحكم عالى
انا اصلا بحب الهاتش باك
اهم سبب

صغيرة فتتركن بسهولة

مافيش اسوأ من توكيل اوبل في مصر ...فولكس سوقها احسن و قطع غيارها متوفرة بكثرة.

حضرتك محتاج ايه من العربيه ؟
ايا كان الى حضرتك محتاجه بلاش فيكترا 2007 عشان التوكيل ..
لو اوبل موديل اقدم من كده كنت هقولك ماشى مش محتاج التوكيل فى حاجه
انما 2007 عربيه معقده ..
والتوكيل ملوش فى البتنجان لانه فى التوهان
جولف وششششش

لو عايز عربية حيوية يعنى تتجاوب معاك وتديك اللى انت عايزه سواء سرعة او ثبات او متعة قيادة يبقى خليك فى الجولف لو عايز عربية أوسع وعائلية ومزاجك يميل للرزانة وبيبقى معاك شنط كثير لما تيجى تسافر يبقى الاوبل عامة انا ماجربتش الاوبل بس جربت الجولف العربية الجولف عربية تشعرك انها جزء غير منفصل عنك يعنى سهلة الانقياد وسهل التحكم فيها ومتينة وقليلة الاعطال بس هى يمكن عفشتها أنشف شوية مأعرفشى الجديدة كده برضو ولا لأه وماعرفشى الاوبل عفشتها عاملة ازاى ناعمة ولا لأه الخلاصة ان أنا هأختار الجولف وربنا يوفقك فى أختيارك

اعتقد الجولف احسن من ناحية السرعة والثبات
بس الفكترا احسن من ناحية الفخامة
بالنسبة لي كنت اختار الجولف طبعا

:10D5C8w1107:الله ينور يارجالة ...شكراً جزيلاً

جولف جولف جولف

اقتباس:

---

المشاركة الأصلية كتبت بواسطة maregypt

جولف جولف جولف

---

:b4_048: اصلى

جولف طبعا

الفكترا افخم واحسن وثباتها رهيب دا كلام مالوش اخر
وبعدين دي فئه ودي فئه الفكترا اعلى من الجولف ف الفئه
بس طالما منصور ماسك العربيه دي يبقى بلاش منها وابعد عن حاجه اسمها منصور

اقتباس:

---

المشاركة الأصلية كتبت بواسطة n.a.j.d

الفكترا افخم واحسن وثباتها رهيب دا كلام مالوش اخر
وبعدين دي فئه ودي فئه الفكترا اعلى من الجولف ف الفئه
بس طالما منصور ماسك العربيه دي يبقى بلاش منها وابعد عن حاجه اسمها منصور

---

ياباشا اذاى الفكترا افخم وأحسن ؟
أوبل معروف انها أقل حاجه فى الالمانى بعد البورشه والمرسيدس والبى ام والأودى والاسكودا والفولكس

انت ما تعرفش ان جولف فى سنه من السنين فازت بأفضل سيارة للمستهلك فى العالم

انت جربت ثبات الجولف ؟ لو ثبات الفكترا رهيب يبقى ثبات الجولف رهييييييب والله رهييييييب

يا باشا قولى الفيكترا اعلى وأحسن من جولف فى ايه بس؟

اقتباس:

---

المشاركة الأصلية كتبت بواسطة maregypt

ياباشا اذاى الفكترا افخم وأحسن ؟
أوبل معروف انها أقل حاجه فى الالمانى بعد البورشه والمرسيدس والبى ام والأودى والاسكودا والفولكس

انت ما تعرفش ان جولف فى سنه من السنين فازت بأفضل سيارة للمستهلك فى العالم

انت جربت ثبات الجولف ؟ لو ثبات الفكترا رهيب يبقى ثبات الجولف رهييييييب والله رهييييييب

يا باشا قولى الفيكترا اعلى وأحسن من جولف فى ايه بس؟

---

حضرتك جربت الفيكترا ؟
اوبل مش اقل حاجه فى الالمانى و لا حاجه
الفيكترا تفوقت على الجيتا و الاوكتافيا كسياره
اوبل انسينيا خدت سياره العام 2009
شركه اوبل خدت جوايز كتير و عربياتها اثبتت نفسها
ومحدش انكر ان الجولف حلوه
بس حضرتك "معرضها" اوى يعنى

اقتباس:

---

المشاركة الأصلية كتبت بواسطة ahmedsadek82

مافيش اسوأ من توكيل اوبل في مصر ...فولكس سوقها احسن و قطع غيارها متوفرة بكثرة.

---

+1

يا باشا كفايه ان جولف تقفيل المانى 100%
العربيه دى متقفلتش بره المانيه

الاوبل متقفله فى 100 بلد
الفكترا بى من 1997 الى 2003 الموجودة فى مصر اكتر من 90% منها تقفيل مصرى
تقفيل منصور

اقتباس:

---

المشاركة الأصلية كتبت بواسطة khaled ayman

حضرتك جربت الفيكترا ؟
اوبل مش اقل حاجه فى الالمانى و لا حاجه
الفيكترا تفوقت على الجيتا و الاوكتافيا كسياره
اوبل انسينيا خدت سياره العام 2009
شركه اوبل خدت جوايز كتير و عربياتها اثبتت نفسها
ومحدش انكر ان الجولف حلوه
بس حضرتك "معرضها" اوى يعنى

---

اه يا باشا جربت الفيكترا وجربت الجولف
وعارف انا باقول ايه
حضرتك جربت الجولف؟

يا باشا اوبل انسينيا لسه منزلتش مصر ، وبعدين الموضوع بيقارن بين فيكترا وجولف مش انسينيا وجولف
يا ريت بقى متعرضش الموضوع اكتر من كدا

وبعدين يا باشا كلامى عن جولف دا مش كلامى دا كلام الدنيا كلها
النت عندك وعندنا كلنا
دور واقرى كويس وانت تعرف

ولا هتروح بعيد ليه يا باشا
اقرى اراء الاعضاء المحترمين السابقة
كلهم تقريباً متفقين على جولف حتى الى معاه اوبل منهم

والحقيقه انا بأحترم اراء الاعضاء السابقين عشان هما ناس فهمين بجد ومش بيتكلموا من فراغ
ولا حضرتك ليك رأى تانى؟

اقتباس:

---

المشاركة الأصلية كتبت بواسطة MarEgypt

يا باشا اوبل انسينيا لسه منزلتش مصر ، وبعدين الموضوع بيقارن بين فيكترا وجولف مش انسينيا وجولف
يا ريت بقى متعرضش الموضوع اكتر من كدا

وبعدين يا باشا كلامى عن جولف دا مش كلامى
النت عندنا كلنا
دور واقرى كويس وانت تعرف

ولا هتروح بعيد ليه يا باشا
اقرى اراء الاعضاء المحترمين السابقة
كلهم تقريباً متفقين على جولف حتى الى معاه اوبل منهم

والحقيقه انا بأحترم اراء الاعضاء السابقين عشان هما ناس فهمين بجد ومش بيتكلموا من فراغ
ولا حضرتك ليك رأى تانى؟

---

هههههههههه يا باشا انا نفسى نصحت صاحب الموضوع انه يجيب جولف بالرغم من انى راكب فيكترا
بس مش عشان الجولف احسن من الفيكترا كسياره
انا قلت عشان التوكيل و قطع الغيار
حضرتك طلعت اوبل اكنها شركه صينى مبتدئه...
وبالمناسبه التقفيل المصرى مش عيب
bmw بتتقفل هنا ..مرسيدس بتتقفل هنا ...
عربيات بى ام و مرسيدس معديه المليون جنيه و تقفيل مصرى:S_thum1[1]: ايه المشكله مش فاهم ؟
وعموما بردو الفيكترا الشكل بتاع 2007 المانى 100%
عموما ..
مش هدخل معاك فى نقاش "حول" ثبات الفيكترا ..لان الموضوع مش لكده والله اعلم هى اثبت ولا الجولف

جولف وبلاش كلام كتير

اقتباس:

---

المشاركة الأصلية كتبت بواسطة maregypt

ياباشا اذاى الفكترا افخم وأحسن ؟
أوبل معروف انها أقل حاجه فى الالمانى بعد البورشه والمرسيدس والبى ام والأودى والاسكودا والفولكس

انت ما تعرفش ان جولف فى سنه من السنين فازت بأفضل سيارة للمستهلك فى العالم

انت جربت ثبات الجولف ؟ لو ثبات الفكترا رهيب يبقى ثبات الجولف رهييييييب والله رهييييييب

يا باشا قولى الفيكترا اعلى وأحسن من جولف فى ايه بس؟

---

اوبل اقل من سكودا و فولكس !!!!!!

ازاي يعني؟؟!!! الاسترا " مش حقولك الانسينيا " احلي من الفئة الاولي و افضل و تتفوق عليها علي حسب كلام الالمان نفسهم ,, يبقي ازاي اقل الالماني

الالماني مفيهوش قليل و كبير

انا لو فاوروبا اركب اوبل طبعا افضل من الجولف .... شوف الاسترا الجديدة ... انضف بكتير من الجولف 6 في رأيي

لكن في مصر ارجح الجولف 2007 , عربية محترمة

انا جوبت اذا كنت ركبت فيكترا ولا لأ
بس انت ما جوبتش اذا كنت ركبت جولف ولا لأ؟

وايه أقل حاجه فى الالمانى؟

اقتباس:

---

المشاركة الأصلية كتبت بواسطة KHALED AYMAN

وبالمناسبه التقفيل المصرى مش عيب
bmw بتتقفل هنا ..مرسيدس بتتقفل هنا ...
عربيات بى ام و مرسيدس معديه المليون جنيه و تقفيل مصرى:S_thum1[1]: ايه المشكله مش فاهم ؟
وعموما بردو الفيكترا الشكل بتاع 2007 المانى 100%

---

أقول لحضرتك ايه المشكله وبدون جدال
هل مرسيدس او بى ام ممكن تخرج من عندهم عربيه مخبوطه ؟

وهل تقفيل منصور ذى تقفيل بى ام ومرسيدس؟

انا مش هاتكلم بس هافكر حضرتك برأيك فى منصور فى http://www.nilemotors.net/Nile/97283-esp.html

اقتباس:

---

المشاركة الأصلية كتبت بواسطة KHALED AYMAN

منصور ده حرامى بشكل غير عادى

---

والموضوع http://www.nilemotors.net/Nile/173262-a.html

اقتباس:

---

المشاركة الأصلية كتبت بواسطة KHALED AYMAN

الله يخرب بيتك يا منصور
...
...
...
حسبى الله و نعم الوكيل
حسبى الله و نعم الوكيل
حسبى الله و نعم الوكيل

---

والموضوع http://www.nilemotors.net/Nile/156300-a.html

اقتباس:

---

المشاركة الأصلية كتبت بواسطة KHALED AYMAN

مثال بسيط
عربيتى الفيكترا الى انا شاريها من منصور وواخد عربيتى من المخزن بتاعهم
اكتشتف انها راشه جزئين فى الكبوت
عرفت منين ؟؟

بكل بساطه احب اقولك انها لون الجزء المرشوش مختلف عن باقى الكبوت

المفاجاه كمان ان الرفرف طلع مرشوش و السقف مشكوك فيه
فياريت حضرتك تعرف ان مش كل الى عند منصور زيرو

و عشان محدش يقول ان عربيتى هى الوحيده الى منصور رشها و حظى طلع وحش
احب اقوله لا مش انا الوحيد
انا اعرف واحد جاب فيكترا و فى صيانه ال 5000 منصور قالوله دى واخده خبطه جامده مسمعه فى الشاسيه !!و هو برده شارى العربيه من منصور
ده غير انى بشوف بعنيا عربيات كتير جدا زيرو فى فروع منصور بتترش
و شفت بعنيا عربيه فيكترا فى معرض من معارض منصور فيها قلم بويه فى الاكصدام هههه دى مسخره والله....

---

وهاستشهد ببعض اراء الاعضاء المحترمين
http://www.nilemotors.net/Nile/3873002364-post20.html

اقتباس:

---

المشاركة الأصلية كتبت بواسطة Ahmed Samy

منصور توكيل قذر "بيعمل حركات كده يعني مش ولا بد" و أجدع عربية تغوووووووووووووور من وشه

---

http://www.nilemotors.net/Nile/134217-a.html


التوكيل الى بيعمل كدا وسياسته كدا
تفتكر ممكن يعمل ايه فى العربيات لما بيقفلها؟

يا باشا
اوبل مصر يختلف عن اوبل اللى بره خاالص
واصلا اوبل المانيه بريئه من اوبل منصور فا رجاء من حضرتك فهم الموضوع كويس
لا تقولي اوبل اقل الماني ولا حاجه طب مدام بتقول كدا تعال شوف اوبل هنا عامل ازاي
وهيا واخده اكتر مبيعا ف السنه اللى فاتت
وبعدين دي شركه معروف عنها ومش ح نكلم عنها كتير وعموما انا احترم كل راي بتقال فا عادي يعني

وبحب اضيف انه الوكيل الوحيد اللى بنزل عربيات اوبل تقريبا كلها مش المانيه توكيل منصور
واستحاله شركه المانيه كبيره تنزلك عربيه مخبوطه او فيها حاجه غلط
معاك حق تقول انه الاوبل وحشه عشان حضرتك مشوفتش منصور منزلش الاوبل بشكلها الصح
وهدف الراجل دا تشويه سمعه الشركه دي للاسف لصالح حاجات تانيه ربنا يعلمها

اقتباس:

---

المشاركة الأصلية كتبت بواسطة maregypt

ياباشا اذاى الفكترا افخم وأحسن ؟
أوبل معروف انها أقل حاجه فى الالمانى بعد البورشه والمرسيدس والبى ام والأودى والاسكودا والفولكس

انت ما تعرفش ان جولف فى سنه من السنين فازت بأفضل سيارة للمستهلك فى العالم

انت جربت ثبات الجولف ؟ لو ثبات الفكترا رهيب يبقى ثبات الجولف رهييييييب والله رهييييييب

يا باشا قولى الفيكترا اعلى وأحسن من جولف فى ايه بس؟

---

ايوا جربت
ثبات الاوبل اجمد من الجولف اللى احنا بنكلم عليها
طبعا اخويه معا الجولف والكلام دا بقوله كمان هوا
كفايه الصاج بتاعها لا مثيل له
اقولك ايه ولا ايه عن العربيه دي مش ح نخلص
وسلامي للجميع

اقتباس:

---

المشاركة الأصلية كتبت بواسطة maregypt

انا جوبت اذا كنت ركبت فيكترا ولا لأ
بس انت ما جوبتش اذا كنت ركبت جولف ولا لأ؟

وايه أقل حاجه فى الالمانى؟




أقول لحضرتك ايه المشكله وبدون جدال
هل مرسيدس او بى ام ممكن تخرج من عندهم عربيه مخبوطه ؟

وهل تقفيل منصور ذى تقفيل بى ام ومرسيدس؟

انا مش هاتكلم بس هافكر حضرتك برأيك فى منصور فى http://www.nilemotors.net/nile/97283-esp.html

والموضوع http://www.nilemotors.net/nile/173262-a.html


والموضوع http://www.nilemotors.net/nile/156300-a.html




وهاستشهد ببعض اراء الاعضاء المحترمين
http://www.nilemotors.net/nile/3873002364-post20.html




http://www.nilemotors.net/nile/134217-a.html


التوكيل الى بيعمل كدا وسياسته كدا
تفتكر ممكن يعمل ايه فى العربيات لما بيقفلها؟

---

حضرتك حولت الموضوع لحاجه تانيه خالص ...
اولا عربيتى ملهاش دخل فى الموضوع ..
تانى حاجه عربيتى مخبوطه اه ..بس مخبوطه من الوكيل مش من شركه اوبل ...
وبعدين الراجل بيقول هيجيب فيكترا 2007 ودى المانى مش مصرى ..اقولها لحضرتك تانى عشان تفهمها ؟؟
وقلتلك مشكله اوبل فى مصر مشكله وكيل مش مشكله عربيه ...اقولها لحضرتك تانى عشان تفهم ؟؟
وقلتلك انا نفسى راكب اوبل فيكترا 2008 تقفيل المانى 100% طالعه من المصنع الرئيسى
عامله حادثه فى التوكيل و انا يا سيدى خبطها تانى ..
وقلت عربيتى مش مقياس فى اعطالها لانها عامله حادثه
شركه اوبل ملهاش ذنب ان الوكيل لبسنى عربيه ...اه هم متحملين مشكله ان وكيلهم حرامى ...بس هما عملو العربيه مظبوطه

حضرتك مسألتش انا ركبت جولف ولا لا ..ومن غير ما تسال قلتلك مركبتش...
حضرتك بتقول للراجل جولف عشان شركه اوبل وحشه واقل الالمانى و ده كلام غير صحيح ..
وكيل اوبل وحش ماشى ..انما الشركه لا مش وحشه ..
لازم كل شىء يبقى فى مكانه يا استاذى
اخر حاجه عاوز اقولهالك وقلتها قبل كده ..
مش معنى انك تجيب لينكات مواضيع ليا انك اكتشفت الخلطه السريه بتاع كنتاكى ...
وانك فضحتنى مثلا بقى فى وسط الاعضاء انى بقول حاجه و هى غلط و بنتقم من الاعضاء مثلا انهم سابونى اجيب اوبل هههههههه
برده مش هقولك انى عارف منصور و حاقظه اكتر منك ويمكن اكتر من الى شغالين فيه ...
وليا طريقتى معاهم ...وكل المشاكل الى انت جيبت اللينكات بتاعها دى وصلت لحل مع الوكيل و حل مرضى تماما ليا ...
كده انا خلصت كلامى معاك ومش هرد عليك تانى عشان "انت" بوظت للراجل الموضوع بكلام ليس له اساس من الصحه

تمااام ياخالد

يا ريت صاحب الموضوع ميزعلش مننا

انا مش بأجادل حد والهدف خدمه لكل الى هيحتاج الموضوع دا بعد كده وخدمة فى الاول صاحب الموضوع
العربيه مش بالف ولا الفين
انا بأنصح لوجه الله
الراجل صاحب الموضوع هنا فى مصر بشوارعها وميكانيكيتها
مش فى المانيا او اوربا
وبيسأل عن ظروف العربيه دى فى مصر

وانا بصدق شكرت الأخ SrOrR4EvER لأمانته ونصحه وقدمت له الشكر فى http://www.nilemotors.net/Nile/173116-93.html

لأنى كنت بأفكر فى أوبل فيكترا وعلى وشك شرائها
والأخ SrOrR4EvER نصح بأمانه ودا خلانى غيرت رائى عن الفيكترا فى الموضوع http://www.nilemotors.net/Nile/171784-a.html

اقتباس:

---

المشاركة الأصلية كتبت بواسطة SrOrR4EvER

لو عاوز تكييف قوى فعلا فى الصيف ومتبصش على عداد حرارة ومتشتريش قطع غيار كتير ووقت ماتحب تبيع تعرف تبيع بسعر كويس بدون خسائر وعربيات ناعمة ومالهاش مشاكل تقريبا....يبقى ابعد عن الاوبل كلها على بعضها لأنى كل اللى فات دة عيوبها....وخليك فى الكورى...ولو عاوز فى اليابانى يبقى عليك وعلى الهوندا سيفك او النيسان صنى....

---

اقتباس:

---

المشاركة الأصلية كتبت بواسطة SrOrR4EvER

صباح الفل ياباشا ومعلش على التأخير...
هرد على كلامك بعد اذنك..
طيب وطالما انا قدامى اركب عربية ممكن تتصلح بسهولة عند اى حد...ليه اسيبها واروح لعربية عاوزة كتالوج عشان تتصلح؟؟؟ليه اسيبها واروح لعربية عشان اصلحها لازم ادوخ السبع دوخات عشان الاقى الشخص المناسب...ودليل كلامى هنا المنتدى كل شوية مواضيع عن كهربائى كويس وعن طلب ميكانيكى كويس او مركز صيانة كويس او او او....ده معناه ان العربية دى معقدة....طب وانا بالنسبة لى كراجل زى معظم المصريين بشتغل وكل وقتى محسوب...ليه اقرف نفسى بعربية تخلينى اضربلها مشوار مخصوص فى اخر الدنيا عشان اصلحها؟؟؟فى حين ان قدامى عربية تانى لو واحد تحت بيتنا هيصلحها زى الكورى واليابانى مثلا؟؟؟؟؟؟؟؟؟
بص ياباشا هنا فى المنتدى على قسم الاوبل هتلاقيه كله مشاكل وده بيشتكى من كذا وده من كذا وده من كذا....
اما بقى روح لقسم اى عربية من الكورى وليكن على سبيل المثال الهيونداى لأنى روحت القسم وشوفت بنفسى وشوف الناس بتتكلم عن ايه....
هتلاقيهم بيتكلموا عن طقم فوجات وزينون واسبويلر وكماليات وحاجات غريبة....مفيش فيهم حد اتكلم مثلا عن موتور قفش....او عن موتور سخن زى مامعظمنا كركاب اوبل بنتكلم.....كلنا هنا بنتكلم عن مشاكل فيزياء وهما هناك بيتكلموا ازاى يدلعوا العربية....مااعتقدش مثلا ان حضرتك قابلت واحد صاحب عربية كورى وقالك انها بتسخن...فى حين ان 90% من ركاب الاوبل بيشتكوا من مشاكل مالهاش اول من اخر ....
اما بالنسبة لجزئية برة بيركبوا الاوبل فتعقيب بسيط جدا انهم فعلا كل الدول دى بيركبوا الاوبل ماعدا المانيا نفسها بيكرهوا العربية دى جدا هنا وانا ليا زوج خالتى شغال هناك من 20 سنة تقريبا كل مرة ينزل فيها يقولى ويأكد عليا ان العربية دى محدش فى المانيا بيحبها بسبب مشاكلها الكتير وكتر احتياجها للصيانة.....ويفضل يزن على دماغى انى ابيع وانا اكبر دماغى....بس فعلا لما عاشرت عربيات تانية بدون مشاكل عرفت الفرق.....
كمان برة ياباشا العقلية والامكانيات وطبيعة الطرق اريح بحيث ان اللى يحب يركب عربية زى دى هناك هيلاقى 1000 مركز صيانة يصلحها والطرق نفسها هناك جميلة وممتعة وتحسسك بقيمة العربية غير عندنا...
بكرر تانى ان الاوبل عربية ممتازة لكن محتاجة عناية خاصة وطرق خاصة والكلام ده مش عملى مع اغلبنا كمصرين...
تحياتى لك

---

اقتباس:

---

المشاركة الأصلية كتبت بواسطة SrOrR4EvER

ياباشا عاوز اقول لحضرتك حاجة....اولا مينفعش تقارن مصر بألمانيا نهائى..لأن المانيا بلد الاوبل اساسا يعنى اكتر ناس يفهموا فيها ومع ذلك بكرر ان معظم الناس هناك العاديين مش مؤسسات حكومية مش بتفضل العربية دى....لأن مشاكلها كتير....ودى حقيقة محدش يختلف عليها....نيجى بقى بالنسبة لهنا فى مصر والكلام بتاع حضرتك فهرد عليك بحاجة بسيطة جدا انت نسيت ترد عليا فيها لما قولتها....قولتلك اشمعنى الاوبل بالذات اللى كلها مشاكل عند اغلب اللى راكبينها مع ان فيه عربيات تانى كتير فى نفس سنين انتاج الاوبل كورى ويابانى محدش اشتكى منهم بالطريقة دى؟؟؟؟؟؟ هتقولى عشان محتاجة عناية خاصة...هرد عليك واقولك طب وانا ايه يجبرنى انى اجيب عربية تحتاج كتالوج عشان تتصلح فى حين قدامى عربية تانى ميكانيكى تحت السلم زى ماحضرتك بتقول يقدر يصلحهالى؟؟؟؟؟ يعنى باختصار وجهة نظرى ان قدامى عربية بسيطة ومش معقدة وكماليات كتير ومش بتطلب صيانة كتير ومش كل شوية تصليح ليه اسيبها واسيب كل ده واروح لعربية عاوزة دكتور عشان يصلحها؟؟؟؟؟ ياباشا معلش مع كامل الاحترام لمة لمبة فى التابلوه بتبوظ بتنور بتروح مركز صيانة متخصص عشان تعرف العيب فين وياعرفته يامعرفتوش.....لما العربية بتسخن بتبتدى تحط خطة حرب عشان تعرف سبب السخونة ايه وتبتدى تدور وتمشى ورا كل حاجة وتفكر وتخطط عشان تعرف ايه السبب اللى خلى العربية تسخن..ياترى رادياتير ولا مراوح ولامراواح سرعتها مش مظبوطة ولا شكمان ولا وش سلندر ولا ايه ولا ايه ولا ايه؟؟؟..فى حين ان باقى العربيات مفيهاش المشاكل دى كلها والتعقيد ده كله......كل حاجة بتكون معروفة وسهلة....
حضرتك برده بتقول ان اغلب المشاكل دى بتكون فردية...طلب ليه اكتر عدد مشاكل فردية فى مصر موجود ف العربية الاوبل ومش موجود فى غيرها؟؟؟؟؟؟؟ بص حضرتك فى القسم هنا على كم المشاكل وبص فى باقى اقسام الكورى واليابانى على عدد المشاكل ونوعها وقارن وانت تعرف بنفسك.....
انزل السوق وقول ان معاك اوبل وعاوز تبيعها وابقى قابلنى لو بعتها بسهولة.وهتخسر كمان فى السعر...وانزل وانت معاك كورى او يابانى وقول هبيع ومش هترجع من غيرها وانت كسبان...
ياباشا انا بكلمك بشكل عملى على الواقع اللى احنا فيه مش مجرد بندافع عن حاجة وخلاص ومتنساش ان راكب العربية دى وعارفها مش لسة بفكر اشتريها...الاوبل عربية ممتازة جدا لكن مش لمصر ولا تنفع لظروف مصر...

---

اقتباس:

---

المشاركة الأصلية كتبت بواسطة SrOrR4EvER

حاجة كمان نسيت اقولها....ان حضرتك متنساش ان الاوبل اللى بتنزل مصر هنا حاجة تانى خالص غير الى بتنزل برة...
دى مواصفات ودى مواصفات تانى خالص وطبعا انت عارف اننا هنا بتنزلنا ارداء واسوأ مواصفات فى العالم مع البرازيل....
سواء مواتير او دايرة تكييف متركبة بطريقة سيئة او تقفيل سىء...
وكمان وكيل حرامى فى الاسعار وقطع الغيار وتصليح زفت فى التوكيل...
كل دى عوامل بتخلى العربية هنا فى مصر مكروهة جدا ودى حقيقة اسأل عنها اى مواطن عادى راكب اى عربية عادية...
ويارب متكونش زعلان منى وانا مبسوط جدا بالكلام معاك

---

اقتباس:

---

المشاركة الأصلية كتبت بواسطة SrOrR4EvER

لالا يازيزو باشا مين قال ان اللى بينزل هنا زى اللى بينزل برة؟؟
بص على العربيات المتقطعة هنا اللى نازلة من برة او بص على عربيات المعوقين وارد الخارج وشوف الفرق وقارن مابين هنا وهناك...هتلاقى الفرق كبير جدا...
هتلاقى ان هنا فى مصر بينزل موتور من اضعف المواتير على الاطلاق فى فئته مقارنة بوزن العربية اللى هو 1600 الموتور الاسود...
هتلاقى العربيات هنا بتنزل بادنى مواصفات الامان حتى الارباج مش موجود فيها...
هتلاقى نظام الكهرباء مختلف كتير عن اللى برة...
هتلاقى المشاكل هنا فيها كتير عشان التقفيل سىء وطبعا قصة الرقابة دى حضرتك عارف بقى شغل السبوبة والمصالح اللى على كبير اللى بتحصل عشان تعدى الحاجات دى....
ياباشا صدقنى ونصيحة عن تجربة جامدة جدا...
لاتثق فى 90% من المنتجات التقفيل المصرى...خصوصا الحاجات المعقدة منها زى العربيات الالمانى....

---

حضرتك تاعب نفسك ليه ؟
عمال تجيب فى لينكات لمواضيع ليا ؟
وتجيب لينكات لمشاركات للاستاذ سرور
عاوز تثبت ايه؟
عاوز تثبت ان اوبل وحشه
حااااااضر
اوبل شركه وحشه "كخه" اوعو يا جماعه حد يجيب اوبل لحسن دى شركه "كخه"

اقتباس:

---

المشاركة الأصلية كتبت بواسطة khaled ayman

حضرتك تاعب نفسك ليه ؟
عمال تجيب فى لينكات لمواضيع ليا ؟
وتجيب لينكات لمشاركات للاستاذ سرور
عاوز تثبت ايه؟
عاوز تثبت ان اوبل وحشه
حااااااضر
اوبل شركه وحشه "كخه" اوعو يا جماعه حد يجيب اوبل لحسن دى شركه "كخه"

---

يا باشا كل سنه وأنت طيب
عيد فطر مبارك

اقتباس:

---

المشاركة الأصلية كتبت بواسطة maregypt

يا باشا كل سنه وأنت طيب
عيد فطر مبارك

---

حضرتك احرجتنى بذوقك يا بااشا ..
انا اسف لو كان كلامى فى نوع من العصبيه ..
بس بجد انا لا متعصب لاوبل ...ولا لاى حاجه تانيه ..حتى انا من الناس الى قالت للراجل هات جولف ..
بس مش عشان الفيكترا عربيه وحشه لا ..هى مرفوضه من الاساس بسبب الوكيل ...
فى الاخر كله حديد فى حديد ..
بس بما اننا فى منتدى سيارات و هوايتنا هى السيارات يبقى الموضوع مهم بالنسبه لينا فقط للمعرفه و العلم بالشىء ..
انا بصراحه الى ضايقنى ان حضرتك جيبت لينكات مواضيع ليا معنى كده ان انا بكدب و حضرتك بتقدم دليل انى بكدب او بنافق ..
وانا الحمد لله بعيد عن الكلام ده
فى الاخر ده سوء تفاهم بينى و بين حضرتك
ومفيش اى مشكله
وكل سنه و حضرتك طيب و ارجو متكونش زعلان منى
ويا عم لو عاوز نتكلم على رواقه ههههههه ماشى:36_1_1[1]:

منه لله السبب
طبعا منصور هوا السبب
ربنا يكون ف عونها الشركه دي
يا اخي يغووووووووور من وشها ويريحنا
وبعدين عادي ولا تزعل نفسك يا خالد مصر وحدها اللى بتشتم العربيه دي فا انسى
كفايه العالم كله بيحب العربيه دي

جووووووووووووووولفففففففف فففففففففففففففففف