الموضوع: نضف عربيتك باقل وقت ومجهود وتكلفة

المشاركة الأصلية كتبت بواسطة hishamshafai

[justify] [/justify][justify][/justify][justify][/justify][justify]

كل عام و أنتم بخير جميعا و عيد سعيد, أنا كنت لحد من سنة تقريبا أحب أغسل العربية بنفسى , لغاية ما جه مجموعة شباب و قالولى إحنا نغسل لك العربية مقابل مبلغ شهرى قلت و ماله و أهو أريح نفسى و نشجع الشباب على الرزق الحلال و كانت غلطة عمرى قلة ضمير و قلة أدب ممكن يمر 10 أيام محدش فيهم يمسحها ويوم 25 فى الشهر تلاقيه بيخبط عليك عايز الفلوس ، وإذا تكرم وغسلها أى كلام لاحظت إنه بيعمل مصايب يعنى يادوب كهنة مبلولة ماء و صابون وخلاص بدون شطف و أزعق له و أفهمه إن كدة غلط و لا حياة لمن تنادى و من ساعة ماستلمها بدأت ألاحظ الخدوش تظهر و ده طبعا ناتج إنه بيستعمل كهنة مش نظيفة أو بها رمل و مرة بعد الغسيل لاقيت الزجاج لامؤاخذة وسخ وعليه خطوط و دوائر قعدت 3 ساعات أنظف فيه و استعملت إريال و بنزين و صابون و منظف زجاج لحد ما طلع بالعافية و أعتقد إن الكهنة كانت متعاصة شحم أو زيت معدنى , المهم بعد أن طلع عينى والزجاج خليته بيلمع قابلنى و هو فاشخ ضبه ويقوللى , ها إيه رأيك يا باشا العربية زى الفل منورة ها ها , نزلت و كنت ناوى أضربه و قعدت أفهمه أصول غسيل العربيات و رجوته ألا يلمس العربية مرة أخرى و مفيش مشكلة يجى ياخد الشهرية بس مالوش دعوة بيها , وبرضه مش عايز يسمع الكلام , لازم يضع عليها لمساته السحرية و لما أشتكى له و أقول ملاحظاتى يتعجب و يقول بجد أنا مش عارف الناس كلها بتشتكى منى ليه ؟ بجد أنا قربت أتشل و آخر حاجة إنه جاى من يومين تفتكروا عايز إيه حزر فزر بس إمسك أعصابك ... البيه عايز العيدية ,,, أعصابى ياجماعة قولولى إزاى أخلص من العالم دى الواحد خايف يزعلهم جامد أحسن ينتقموا من العربية.

[/justify]

انا كنت بغسل العربية مرة بنفسي وجالي واحد منهم...قلتله شكرا انا مش بخرج بالعربية كتير وعشان كده مش مهتم اوي بالموضوع ده..وفعلا مكنتش بخرج بالعربية غير مثلا مرتين في الاسبوع....

وهما فعلا بيغسلوا عربيات الجيران بس عندنا كانت العربيات بتتغسل فعلا مش الكلام الفاضي ده

دي بلطجة...حاول تبلغ عنهم في القسم