الفرامل قفشت

**abo_lamar** · 07-09-2010 10:53 PM

السلام عليكم وكل عام وانتم بخير

النهاردة الصبح بدور العربية وبنزل فرامل اليد عشان امشي لقيت الفرامل قافشة كأني لسه شادد فرامل اليد حاولت كذا مرة اني اطلع بالعربية بس برضه الفرامل محجرة ... لغاية ما قرصت عليها وزوت بنزين وطلعت بيها غصب عنها وسمعت صوت خبطة جاية من الكاوتش الخلفي ومشيت بعد كده عادي وجربت فرامل اليد كذا مرة لقيتها شغالة زي الفل .
ياترى المشكلة كانت ايه ؟

**samirayad** · 07-09-2010 11:17 PM

وسمعت صوت خبطة جاية من الكاوتش الخلفي ومشيت بعد كده عادي وجربت فرامل اليد كذا مرة لقيتها شغالة زي الفل .

المفروض تطمن على بلى العجل الخلفى

**abo_lamar** · 08-09-2010 04:03 AM

المشاركة الأصلية كتبت بواسطة samirayad

المفروض تطمن على بلى العجل الخلفى

والله زمان يا هندسة وحشتنا ردودك ومشاركاتك
بخصوص بلي العجل الخلفي انا مابسمعش اي حكة جاية من ورا وانا ماشي بالعربية ... ده معناه ان بلي العجل سليم ولا ايه رأي حضرتك ..؟؟
طيب بخصوص ان الفرامل كانت قافشة والعربية مش عايزة تمشي ده ايه سببه يا ترى ؟

**karimfahmy99** · 08-09-2010 07:42 AM

كدة معناة التيل الخلفى انتهى فالمستر بيفتح للاخر و بيخرج عن مسارة . او الماستر بيعلق وساخة او كاوتش ماستر او السلك بيعلق صدا و وساخة و فى كلا الحالات لازم تفك و تكشف .

فى اى حالة انت لما قرصت حركت التيل هبابة خلت المستر رد مكانة او السلك اتهز فك القفشة . و فى الحالتين الاولى و التانية ممكن العربية تقفش منك و انت ماشى و دوست فرامل . كويس انها فكت القفشة و فك و شوف المشكلة بدل ما تقفش منك و تبقى حوسة فى الفك . و برضة بص اذا كان فى زيت او تنشيع زيت على الجنط بس مش مقياس لان ممكن لسة موصلتش للمرحلة دى

طبعا انت ادرى واحد امتى عملت اخر مرة صيانة او فك للطمبورة الخلفية

**MMamdouh** · 08-09-2010 01:22 PM

فك الطمبورة و راجع على مكونات الفرامل الخلفية حتلاقى حاجة مصدية او تراب الفرامل مانع حركتها بشكل سلس

MMamdouh

**abo_lamar** · 10-09-2010 06:36 AM

المشاركة الأصلية كتبت بواسطة mmamdouh

فك الطمبورة و راجع على مكونات الفرامل الخلفية حتلاقى حاجة مصدية او تراب الفرامل مانع حركتها بشكل سلس

mmamdouh

كل سنه وحضرتك طيب يا هندسة
انا فعلا عملت كده عند الميكانيكي ولقيت الطنبورة جواها تراب كتييييييير اوي المهم الراجل نظف الطنبورتين وخلاهم زي الفل يالهواء والبنزين وخدت العربية ومشيت الكلام ده امبارح
جيت النهاردة الصبح بقوم بالعربية لقيت نفس المشكلة حصلت تاني .