الموضوع: في حد بيفهم في التعديلات في اسكندرية ؟؟؟؟؟؟؟؟؟؟؟ تقريبا مفيش .

المشاركة الأصلية كتبت بواسطة magyver

انا كنت لسة هاقول كلامك بالظبط ياميسو
اكيد هو مش عراف يعني اية تربو ولا سوبر شارجر
دة اسكندرية فيها عربيات متعدلة كتييييير ومكن تربو
ياراجل انت بتتكلم في اية لو شفت اي واحد من الناس دة وقفهم وقلهم اكيد هايفيدوك
دة انتوا عندكوا كام عربية ميرا مسقطة مكن تربو
تقلي اسكندرية مفيهاش حد فاهم في التعديل

لو حد فعلا غاوى تعديل حيعرف يا محمد وانا عرفت منين منا سألت ودورت

ابسط حاجه لو حد نزل المعموره ولا العجمى واتفرج على العربيات الى هناك

والعجمى فيها كمان فريق اسمه (عجمى كار تيم ) معاهم عربيات كانت نازله الاتو كروس الى فات بسم الله ماشاء الله وكان ليها صور هنا فى المنتدى فاكر منهم الفرنا الاسود المط لحد دلوقتى

واهو الاتوكروس جاى والى غاوى يروح يتفرج ويسأل الاسكندرانيه الى هناك

المشاركة الأصلية كتبت بواسطة smsm_nabawy

لا طبعاً ،، أنا مش بستهزأ من حد ، ده أولاً ،،،[/color]

طب الحمد لله انا بس حسيت انك مش مصدف كلامى
ثانياً . هو ايه العيب أن الواحد ميعرفش واحد بتاع تعديلات يعني :o_stupid[1]: !!!
لا والله مقصدش بس لو متعرفش ممكن تسأل ومش عيب انا كمان بسأل وزى مقولت فى المشاركه الى فوق انا كنت بدور واسأل وسعات بسأل ناس معدلين عربياتهم واعرف منهم معلومات لحد موصلت للى انا عاوزه

كلنا بنسأل بعض ، واللي يعرف يقول للتاني !!، لو حضرتك تعرف ،، ممكن تقولنا من غير تلميحات عجيبة على الأعضاء التانين،،


تقصد ايه بتلميحات غريــــــــــــبه ومين الاعضاء التانين ياريت توضح كلامك عشان انا ولا لمحت تلميحات غريبه ولا قصدت بكلامى اى عضو
ثالثاً ،، يا سيدي أتشرف أني أشوف حضرتك و عربيتك .. :e_braces[1]:

وانا الى اتشرف بمعرفه اى حد من نايل موتورز والله سواء كان معاه عربيه او معهوش لان نايل موتورز مليان ناس محترمه ومعرفه الرجال كنوز

المشاركة الأصلية كتبت بواسطة misoalex

لو حد فعلا غاوى تعديل حيعرف يا محمد وانا عرفت منين منا سألت ودورت

ابسط حاجه لو حد نزل المعموره ولا العجمى واتفرج على العربيات الى هناك

والعجمى فيها كمان فريق اسمه (عجمى كار تيم ) معاهم عربيات كانت نازله الاتو كروس الى فات بسم الله ماشاء الله وكان ليها صور هنا فى المنتدى فاكر منهم الفرنا الاسود المط لحد دلوقتى

واهو الاتوكروس جاى والى غاوى يروح يتفرج ويسأل الاسكندرانيه الى هناك

بالظبط كدو والاوبل المط بردة
وفريق مينز كمان

المشاركة الأصلية كتبت بواسطة smsm_nabawy

الله يخليك الشرف لينا يا أخي في الله ،، أما عن قصدي فهو عن الكلام ده



فأنا مش شايف أن فيها عيب ،، و فهمت من تعلقيك ده تلميح عجيب عني و عن باقي الأعضاء ،، علشان كلنا شاركنا في الموضوع مستفسرين عن "هل فيه حد فعلاً ولا" و حضرتك دخلت قلت الكومنت ده ،،

حسيت أن فيها أستهزاء منك ،، سواء بيا ، أو بينا عامةً هشان مش عارفين حد يعني !!

و بالنسبة لمنطقة عزبة سعد ،، أنا لسة شايف تعليق حضرتك عليهم ،، هما أنا شايف أن محدش غلط فيهم ،، و أن محدش قال أنهم بتوع تسقيط مواتير ،، و لكن في كلمة أنهم نصابين ،، أنا مش شايف أنها غلط ،، لأنه أقل وصف لهم ، و أنت محق تمممااااماً في حكاية أنهم مش فيهم حد كده بيفهم أوي في ابتعديل للدرجة،، و أنهم كلهم بتوع أكسيسوارات ،، لكنهم نصابين في الأكسيسوارات اللي بيبيعوها ،، ماعدا "و لله شهادة الحق" محل كده بتاع واحد ،، الصراحة مش فاكر أسمه ،، لكن هو المحل لواحد "مسيحي" و ده اللي لفت نظري في المحل ،، حيث أن الكام محل اللي أتعاملت معاهم من ضمن مجمع المحلات اللي هناك مكنوش مسيحين ،، و لكن للأسف ،، ضحكوا عليا في أكتر من حاجة ،، و الراجل ده اشتريت من عنده أكتر من حاجة ،، مضحكش عليا خالص فيهم ،، و كان قاللي كلمة ،، خلتني أكن ليه أحترام كبير كبياع
قاللي :
"بص أنا بياع و أكيد عايز أكسب ، لكن أستحالة أكسب على حساب واحد جي يشتري مني ،، و ممكن يكون زبون بسبب امانتي معاه"
،، و كان نصحني قبل كده في أكتر من حاجة جيت أشتريها منه ،، أدت أني مشتريهاش، و النتيجة كالتالي ،، هو يمكن خسر أني مشترتش الكام حاجة دول ،، لكنه كسب كتير أوي في المقابل

كسب زبون يثق فيه "أنا و العياذو بالله من كلمة أنا :)) "

و كسب زباين تانية أكتر ،، "صحابي اللي معايا في الكلية و يجو يسألوني ، عايزين كذا أو كذا" و أوديهم المحل ده ..

بس والله يا أخي في الله ،، هو ده قصدي في ردي اللي رديته ،،

و مازلت مصرر ،، فين بقى الراجل بتاع التعديلات أياه اللي أنت تعررفه !! :)) :))

ولا أنت عايز تخبي علينا عشان ندوخ و ندور ونسأل أحنا ؟؟!!

لا يا سمسم انا لم اقصد اى استهتار بيكم والله بس انا الى زعلنى طريقه الاستفسار انكم بتسألو عن حد بتاع تعديلات عشان انتم مش لاقين حد وفى نفس الوقت بتقولو مفيش حد وكلهم نصابين طب السؤال وراه اجابه بالنفى فى نفس الوقت فاهم قصدى ايه

بس ده الى زعلنى انكم بتقولو اسكندريه مفهاش والى فى اسكندريه نصابين ووووو

طب انتو كده حتشمتو بتوع القاهره فينا عاجبكم كده يعنى احنا نتفشخر بالعربيات المعدله الى عندنا وانتم تقولو معندناش حد بتاع تعديلات

بالنسبه لعزبه سعد هما اغلبهم نصابين لكن مش كلهم زى منت قولت اهو فيه واحد طلع عنده ضمير وانا برضه اتعاملت مع محل هناك صاحبه محترم واقل اسعار فى اكسسوارات عن الى حواليه يعني فيه الكويس وفيه الوحش زى القاهره واى حته بس عيب اسكندريه ان مفهاش مستوردين كتير

وبالنسبه لاكتر محل شفته معدل عربيات وبيفهم مينز بتاع 45 وطبعا الفريق بتاعه مشهور وبينزل اوتوكروس وعربياته مشهوره فى اسكندريه وانا اعرف كام صنايعى من الى بيتعاملو معاه فى الدوكو والفيبر

وفيه ناس ومحلات تانيه بس قول انت عاوز تعدل ايه فيبر ولا صاج ولا قطع زى فلاتر وشدادات و لا ايه

وعلى فكره انا معرفتش الناس دى غير فى فتره قليله لما كنت بعدل عربيتى وطبعا واحد بعرفك بواحد يعنى انا كنت زيكم ولكن كنت بسعى وبسأل وادور ولو شايف حد فى المنتدى او بره المنتدى معدل حاجه اسأله عاملها فين وكده لحد موصلت لناس ولسه بحاول اوصل لحد اكتر من كده

وده موضوع كنت عامله من فتره عشان يبقى مرجع للاسكندرانيه لكل اماكن التعديل

http://www.nilemotors.net/Nile/150012-a.html