رجة الدريكسون بعد 120 تقريبا

**ahmed78787** · 09-07-2012 05:09 PM

بسم الله الرحمن الرحيم

رجة الدريكسون بعد 120 تقريبا وسماع صوت ذي ماكينة الغاز مش عارف جاي من الكفرات ولا منين

وديتها المكيكانيكي قال عايز ترصيص ونصحني بواحد شافها قال عطني السيارة بجربها وطلع معايا وجربنها واحنا رايحين مسافة على السريع وراجعين ابتدا يظهر الصوت قال عادي صوت الكفرات مع الوش وصوت المكينة عادي ورجة الدريكسون موجودة كانت موجودة قال هارفع السيارة واشوف رفعها وقالي اركب ودور واطلع على الغيار التاني ودعست وهي بتلف قعد يقلب ويلف بايده في الكفر قال تمام لاعيزه ترصيص ولاحاجة وكفرتها ميه ميه قال روح للمكانيكي خليه يشحم المقصات والعكوس والادرعة والعفشة عموما انا مرديتش اوديها واخليه يلعب فيها ايه رايكم في كلامه

معلش طولت عليكم

ارجو حذف الموضوع اللي على الرابط ده

http://www.nilemotors.net/Nile/298195-120.html

**storm2020** · 09-07-2012 05:49 PM

يا باشا لازم تتقاس بالجهاز لولا لما العداد يصفر كله يبقى العربيه مترصصه تمام ... مينفعش بمجرد انه فحصها بنظره او بايده يبقى تمام مترصصه! دى حاجه..
بالنسبه للتكتكه دى بيبقى فى الاغلب تشحيم ...زى ما قالك^.. اغسل العربيه الاول وشحمها فى اى بنزينه نضيفه ..
موفق ان شاء الله

**ahmed78787** · 09-07-2012 08:11 PM

والله يا اخي كلامك معقول
عموما انا بفكر اوديها التوكيل وياريت اي حد عنده اي حل يوافينا

**M.Radwan** · 09-07-2012 08:44 PM

ترصيص..المشكلة دي مشهورة جدا وأي حد عارف انها مشكلة ترصيص

**zinger** · 09-07-2012 09:37 PM

المشاركة الأصلية كتبت بواسطة ahmed78787

والله يا اخي كلامك معقول
عموما انا بفكر اوديها التوكيل وياريت اي حد عنده اي حل يوافينا

انا عربيتى صنى 2011 وكانت الرجة دى موجودة من بعد 110 كم , وفى صيانة ال1000 كم ف اوتو ايجبت رصصوا العجل الأمامى (ببلاشاش) والنتيجة بقت 100% , بجيب 160 كم والرجه مالهاش اثر ,

**mohsunny2009** · 10-07-2012 11:31 AM

لوكنت مركب جنوط سبور غير الاصليه ممكن تكون السبب حتى لو رصصتها مش بيحل المشكله قوى معظم الجنوط اللى فى السوق فيها رفه على العموم رصص و جرب لو المشكله استمرت انصحك بتركيب الجنوط الاصلى

**szaalouk** · 10-07-2012 11:37 AM

هي مشكله ترصيص و لو مركب جنوط اسبور مش أصلي تأكد ان الفني ركب لك رنجات علشان تظبط الجنط علي مقاس صره الطنبوره لأن ده ممكن يحصل لو مافيش رنجات او لو مقاس الرنج مش مظبوط او لو الرنج مش بايت في مكانه مستريح.

تحياتي

**ahmed78787** · 10-07-2012 01:55 PM

لا يا اخي مش ركب جنوط
هي كلت كم مطب بسرعة عالية ومطبات معتبرة كبيرة بس هي المطبات تؤثر
وباين انها نتجت مشكلة بس ما حسيت بالسيارة كنت جوه البلد ولما خرجت لبره مسافات طويلة ظهرت