حقيقة حملة الفحص المجانيه.....شكرا كيا كوريا

**sara2001** · 08-09-2010 02:17 PM

يوم السبت روحت علشان حملة الفحص المجانيه على الساعه 9 مساءً

كان في عربيات بيكانتو كتير هناك وعليها ارقام ترتيب دور الفحص او الصيانه
ده غير عربيات كارينز وسيراتو اعتقد للصيانه بس مش لحملة الفحص مجاني ...لحقوا ييجوا امتى!!!

بعد شويه قابلنا موظف الإستقبال وشرحت له مشكلة الفرامل في الإستقبال وكتب في وصف الأعمال
كشف على بدال الفرامل
كشف على تسريب بنزين من طلمبة البنزين !!!!!!!!
سألناه ايه موضوع تسريب البنزين قال انهم هيشيكوا عليه
جهزوا العربيه لبسوا الكرسي اكياس وحطوا كرتون في الدواسه
ونزلنا قاعة الإنتظار الشاشه كانت عطلانه ومفيش حاجه تبين العربيه اللي شغالين فيها
وكل شويه نطلع نشوف ايه الاخبار ..... مفيش جديد

على الساعه 11 فضلنا فوق وشفتهم بيجربوا عربيه بيكانتو حمرا على الطريق
وبعدها بشويه 2 جربوا العربيه بتاعتي كل واحد لوحده كانوا بيشوفوا موضوع الفرامل
ودخلوها تاني وكنت قلقانه جداً احسن الحلم يتحقق

على 11.30 خرجت العربيه ومهندس الصيانه قالنا ثواني بينشفوها بس
وطبعاً ولا حد نشفها ولا حاجه ومغسوله من بره اي كلام

وهو بيسلمنا العربيه قالنا تم تغيير (الزور) او الأنبوبه الواصله بطلمبة البنزين
طيب ليه ؟ انا مش فاهمه حاجه

علشان جالنا order من كيا كوريا بإن في عيوب صناعه في بعض العربيات ممكن تؤدي الى تسريب البنزين
وجالنا اوامر استدعاء للعربيات دي بأرقام شاسيهاتها لتغيير الجزء ده
تصرف محترم جدا من كيا الأم
الوكيل حب يتصرف بذكاء وما يعلنش ان في عيوب صناعه واعلن انها مجرد حملة فحص مجانيه

وبخصوص موضوع الفرامل قال انهم رجلشوها وان كان فيها هواء وان عادي ان الدواسه تضعف او تهبط لتحت شويه
لو واقفه في زحمه او اشاره لأن السيرفو مش بيلحق يجمع
وجربنا الفرامل بس مش ظاهر إذا كانت المشكله اتحلت ولا لأ لازم تتجرب في الزحمه

خلاص هنمشي
اكتشفنا ان لمبة الفرامل اللي في الناحيه اليسرى مش بتنور

جه المهندس وشاف المشكله وجربها بنفسه واتأكد ودخلها الورشه تاني
فكوا الفانوس وقعدوا يجربوا لغاية ما اشتغلت بس العامل مش لاقي المسامير
اللي فكها من الفانوس فين؟ تا ااا تا اا تا
واخيرا لقاها وركبها وخرجنا بسلام الساعه 12

ملاحظاتي على اليوم ده ان المقابله كانت ممتازه من موظف الإستقبال مش زي المعتاد
ومهندسين الصيانه اهتموا بالشكوى من موضوع الفرامل وكانوا بيسمعونا بصدر رحب
المواعيد اللي حددوها للفحص من 9: 11 حاجه وهميه وحاجه تنرفز
تقريبا بدأوا في عربيات الفحص على 10.45 وكل اللي كان قبل كده صيانه
غسيل العربيه من الخارج سىء زي المعتاد
قاعة الإنتظار الشاشه معطله ومفيش مكان منفصل للمدخنين اتعمينا من السجائر
اتمنى يكون في شاشه بتبين العربيات وهما شغالين فيها
العربيات كتير والموظفين والفنيين عددهم قليل جداً واعتقد ان هو ده سبب ان ممكن يحصل سهو او اهمال
ودي سياسة القطاع الخاص بصفه عامه

من غير ضحك او تريقه قبل ما اروح الوكيل حلمت ان الوكيل مشغل مع الفنيين 2 او 3 كده اطفال زي بليه
وان هما دوول اللي بيجربوا العربيات ويتسببوا في خبطها
وان واحد منهم ركب عربيتي يجربها وبسرعه هوووب خبط في الحائط من الجنب وهو بيلف

تقريباً مواضيع الشكاوي الأخيره من الوكيل ومن ان العربيات تروح تتصلح تتبهدل زياده كان مأثر عليا

مش عارفه ايه الرغي ده كله آسفه طولت عليكم

**ahmed_su** · 08-09-2010 03:05 PM

مبروك صيانة العربية

وكده اتكشف سر الحملة المجانية ... هههههههه

والحمد لله ان الحلم طلع فشنك.

**NoRmAl** · 08-09-2010 03:13 PM

طيب والله كويس
بس أنا شايف أن لو هما عاملين موضوع الفحص المجاني دا علشان حوار عيب الصناعه يبقى غلط
منا ممكن أعرف أن فى فحص مجانى وأطنش أو مروحش وأنا حاسس أن معنديش مشكله ألبس بقى :)
المفروض لو فى عيب صناعه أعلن عنه وأستدعى العربيات دى فورا ودا بردو هيدى التوكيل شكل محترم ومش عيب
بخصوص قاعه الاستراحه فى مكان مخصص للمدخنين فقط الى هو أقصى اليمين ومينفعش حد يعد فى أى حته ويدخن
أنا مبطقش ريحه السجاير ولو لقيت حد قاعد برا منطقه التدخين وبيدخن هأكلهالوا
غسيل العربيه من برا فعلا فاشل جدا
والعربيه من الاخر بتتبل وتتركن تنشف
هباله أخر حاجه والعربيه بتبوظ
طبعا موضوع الحلم دا لا تعليق :)

**ahmed_su** · 08-09-2010 03:24 PM

او حتى يعمل حصر لارقام الشاسيهات للسيارات المعيوبه, و يعمل ببساطه
بحث عنده في data base بتاعة العملاء, و كل عميل برقم شاسيه عربيته
و يتصل بيهم, و يطلب منهم بهدوء جداا يتفضلوا يروحوا التوكيل لعمل
اللازم في المشكله الفلانيه, و يشكرح المشكله ببساطه..؟؟؟

هما تقريبا عملوا جزء من الحكاية دى ياغازى

يعنى كيا كوريا بعتتلهم ارقام شاسيهات العربيات التى بها عيب صنع

هما بعتو يستدعوها - كده كويس - بس بالفهلوة المعتادة تحت مسمى حملة فحص مجانى - مش كويس

طيب افرض ماروحتش ؟!!! لانها صيانة مجانية ومش محتاج لها او مش فاضى

بس لو قالى انى عندى مشكلة فى السيارة اكيد اكيد هاروح فورا

لازم نبوظ الطبخة علشان شوية "ملح"

**yasso0101** · 08-09-2010 03:53 PM

اولا بنشكر صاحبة الموضوع على اهتمامها و نقلها لتجربة حملة الصيانه في تقرير يفيد الكل

ثانيا : التوكيل عالج الخطئ بس بخطئ

وزي ما الاعضاء قالت ان ممكن الواحد يطنش و ميروحش فهيكون عربيته فيها عيب تصنيع وهو مش عارف

وده ممكن تفقدني المصداقيه في التوكيل

المهم الجزء المليان من الكأس ونقول للتوكيل برده شكرا على خدمتك وحسن الاستقبال ونرجوا المزيد من المصداقيه

**sara2001** · 09-09-2010 12:24 AM

المشاركة الأصلية كتبت بواسطة ahmed_su

مبروك صيانة العربية

وكده اتكشف سر الحملة المجانية ... هههههههه

والحمد لله ان الحلم طلع فشنك.

الله يبارك فيك
والحمد لله على الحلم

المشاركة الأصلية كتبت بواسطة ghazy12

شكراا جزيلاً على المشاركه بتجربتك المهمه, و مبروك على الصيانه...

لكن السؤال بقى... لو انتي من الناس اللي كان عندهم عيب صناعه
و ماكانش فارق معاكي حملة الفحص المجاني او ماعرفتيش عنها حاجه...

كان الوضع هيكون ايه دلوقتي..؟؟ يعني كان ممكن ايه اللي يحصل؟؟

كان هيبقى عندك عيب صناعه, و انتي ماتعرفيش عنه حاجه للاسف

ممكن يكون التوكيل اتصرف بذكاء فعلا, لكن مش بالمصداقيه المطلويه,
لانك لو ماروحتيش.. ماكونتيش هتعرفي ان عربيتك فيها عيب صناعه
و كان ممكن الموضوع يكبر, او حتى يفضل زي ما هو بس تتفاجئي بيه..!!

الفكره من كلامي... ليه التوكيل مايقولش ان في عيب صناعه في البيكانتو
و عايزين كل ملاك البيكانتو يتفضلوا يشرفونا علشان نحل العيب ده,
و يشرح العيب باختصار, و يفهم الناس ان ده شئ بسيط و عادي..؟؟

او حتى يعمل حصر لارقام الشاسيهات للسيارات المعيوبه, و يعمل ببساطه
بحث عنده في Data Base بتاعة العملاء, و كل عميل برقم شاسيه عربيته
و يتصل بيهم, و يطلب منهم بهدوء جداا يتفضلوا يروحوا التوكيل لعمل
اللازم في المشكله الفلانيه, و يشكرح المشكله ببساطه..؟؟؟

ده التصرف السليم و الراقي في نظري لوكيل براند محترم و كبير زي كيا

ده رأي الشخصي, و عموماً حجة حملة الفحص المجاني مش عيب

مبرووك عل الصيانه يا فندم, و شكراا مره تانيه على الموضوع...

العفو يا استاذ غازي والله يبارك فيك
انا فعلاً كنت متردده اروح الفحص المجاني ده ولا لأ خصوصا انه في رمضان
وكنت عامله موضوع بكده
http://www.nilemotors.net/Nile/176796-a.html
وموافقه حضرتك في كل اللي قلته وده اللي خلاني اهتم اني اعمل الموضوع
وان الشكر يكون لكيا الأم
وكان ممكن جداً ما اروحش وما اعرفش ان في عيب صناعه
ويحصل كارثه بعد كده
وبعدين كيا اعلنت ده بدليل انها تحملت تغيير عيوب الصناعه
ليه الوكيل هنا ما يحترمش العملاء ويقولهم الحقيقه
وكده يكسب ثقة الناس اكتر

المشاركة الأصلية كتبت بواسطة NoRmAl

طيب والله كويس
بس أنا شايف أن لو هما عاملين موضوع الفحص المجاني دا علشان حوار عيب الصناعه يبقى غلط
منا ممكن أعرف أن فى فحص مجانى وأطنش أو مروحش وأنا حاسس أن معنديش مشكله ألبس بقى :)
المفروض لو فى عيب صناعه أعلن عنه وأستدعى العربيات دى فورا ودا بردو هيدى التوكيل شكل محترم ومش عيب
بخصوص قاعه الاستراحه فى مكان مخصص للمدخنين فقط الى هو أقصى اليمين ومينفعش حد يعد فى أى حته ويدخن
أنا مبطقش ريحه السجاير ولو لقيت حد قاعد برا منطقه التدخين وبيدخن هأكلهالوا
غسيل العربيه من برا فعلا فاشل جدا
والعربيه من الاخر بتتبل وتتركن تنشف
هباله أخر حاجه والعربيه بتبوظ
طبعا موضوع الحلم دا لا تعليق :)

بالضبط ده اللي كان ممكن يحصل
انا رايحه في الأساس علشان الفرامل
وبخصوص التدخين كلهم مع بعض والتكييف كان ضعيف
العربيه كان على الإكصدام بتاعها طين بعد ما اتغسلت !!!!!!

**sara2001** · 09-09-2010 12:54 AM

المشاركة الأصلية كتبت بواسطة ahmed_su

هما تقريبا عملوا جزء من الحكاية دى ياغازى

يعنى كيا كوريا بعتتلهم ارقام شاسيهات العربيات التى بها عيب صنع

هما بعتو يستدعوها - كده كويس - بس بالفهلوة المعتادة تحت مسمى حملة فحص مجانى - مش كويس

طيب افرض ماروحتش ؟!!! لانها صيانة مجانية ومش محتاج لها او مش فاضى

بس لو قالى انى عندى مشكلة فى السيارة اكيد اكيد هاروح فورا

لازم نبوظ الطبخة علشان شوية "ملح"

المشاركة الأصلية كتبت بواسطة ghazy12

بالظبط يا هندسه... و هو ده تحديداً قصدي من كلامي...

كيا كوريا ملتزمه تماما, و عارفه هي بتعمل ايه, المشكله بقى في وكيلها في مصر
و هو ده اللي ماعرفش يتصرف على نفس الرقي و المستوى و الشفافيه اللي تصرفت
بيها كيا كوريا معاه..!!! و هو ده اللي بوظ الطبخه زي ما انت قلت...

لو حد مايعرفش موضوع حملة الفحص, او مش مهتم بيها اصلا, او مش فاضي.....
كان هيفضل عنده عيب, و هو ولا داري و لا عارف حاجه... و مش بعيد لما يروحلهم
بعد كده في صيانه مثلا, يقولوله ان عنده عيب في كذا (عيب الصناعه) بس في صوره
اخرى انه عيب حصل منه هو, او من تلقاء نفسه, و يطلع التوكيل هو البطل المغوار اللي
بيدافع عن حقوق المظلومين, و المتضررين من عيب هو نفسه مالوش دعوه بيه يا ولداااااااه,
و يصلح العيب (قال يعني عمل جميله في الراجل)... يرجع الراجل بيشعر في التوكيل

و عجبي...

المشاركة الأصلية كتبت بواسطة yasso0101

اولا بنشكر صاحبة الموضوع على اهتمامها و نقلها لتجربة حملة الصيانه في تقرير يفيد الكل

ثانيا : التوكيل عالج الخطئ بس بخطئ

وزي ما الاعضاء قالت ان ممكن الواحد يطنش و ميروحش فهيكون عربيته فيها عيب تصنيع وهو مش عارف

وده ممكن تفقدني المصداقيه في التوكيل

المهم الجزء المليان من الكأس ونقول للتوكيل برده شكرا على خدمتك وحسن الاستقبال ونرجوا المزيد من المصداقيه

شرفني مروركم جميعاً
واسعدتني آرائكم جدا
واتمنى من الوكيل المصداقيه في التعامل

**sara2001** · 09-09-2010 04:04 AM

http://www.nilemotors.net/Nile/156863-20-777-a.html

-

-

الموضوع: حقيقة حملة الفحص المجانيه.....شكرا كيا كوريا

LinkBack

أدوات الموضوع

عرض

حقيقة حملة الفحص المجانيه.....شكرا كيا كوريا - انشر الموضوع فى :

-

-

-

-

-

-

المواضيع المتشابهه

حملة الفحص المجاني من 6-6 الي 20 6

حملة الفحص المجاني من 6-6 الي 20 6

حملة الفحص المجاني

حملة الفحص المجاني

الكلمات الدلالية لهذا الموضوع

المفضلات

المفضلات

ضوابط المشاركة