مش عارف اقول ايه بس انا كمان معاكم وكل شويه اتجنن واقول هاخد خطوه وبعدين ارجع تاني في كلامي وفعلا انا خايف من البدايه والحسابات اللي بالاله الحاسبه بتجنني اكتر
مش عارف اقول ايه بس انا كمان معاكم وكل شويه اتجنن واقول هاخد خطوه وبعدين ارجع تاني في كلامي وفعلا انا خايف من البدايه والحسابات اللي بالاله الحاسبه بتجنني اكتر
خدوني معاكوا في صف الحيرة من الموضوع دا
بس
دلوقتي في قرارين
الاول: انك لازم تفكر وتعرف هتعمل ايه وترتب امورك وتحسبها كويس وفي الاخر هتقرر انك تأجل الفكرة.
الثاني: انك ترمي همك على ربنا وتبدأ وبإذن الله ربنا هيكون في عونك ومعاك وبشهادة ناس كتير.
انا مع الرأي الثاني وناوي اخطب بعد ما اخلص السنة دي..
ربنا اقسم انه يرزق الذي يريد الزواج من اجل العفاف - كما قيل من الاعضاء - فهل انت ما عندكش ثقة في كلام ربنا ومش قادر تتوكل عليه. (ويرزقكم بغير حساب)
ملحوظة: انا مش موافق على موضوع الاستلاف من الاصدقاء او ان يكون في مساعدات من العيلة. (اللي معايا اعيش بيه او ادور على شغل تاني) علشان الواحد ما يبقاش فاتح بيت ويطلب او مستني مساعدة من اهله.
ناس كتير متجوزة وعايشة بمرتب 800 جنيه ومحدش عارف مرتبه كام ولا عايش بيه ازاي. (بركة ربنا)
اتوكل على الله
المرتب مش هيكفي في جميع الحالات بس المهم انك تجيب طلبات البيت كلها أول ما تمسك الفلوس و تقعد عليهم لأول الشهر
و ربنا وعد بالمساعدة لكل اللي ناوي يتجوز ..........
ياسيدى القاضى حضرات المستشارين
ان المتهم الماثل امامكم والذى يدعى انو هيبهدل بنات الناس معاه يجى يشوف
انا كنت نفس ظروفك
وخايف من نفس مخاوفك بس اتكلت على الله
وقريت فاتحه وقولت رزقى على الله
وبعد كده ربنا رزقنى من حيث لا احتسب ولا ادرى
وانا دلؤتى جبت شبكه وشبكتى بعد العيد
وما من دابه فى الارض الا وعلى الله رزقها
توكل على الله
من يتوكل على الله ويتقيه يجعل له مخرجا ويرزقه من حيث لا يحتسب
واسف للاطاله
اهوة قدامى اهو-ابن عمتى اتفحت جمعيات ومساعدات من الاهل-والله العظيم -اخد شقة قانون جديد-ايجارها 400 جنيه فى منطقة -استغفر الله العظيم-والله العظيم ما كملوا شهر فى بيتهم-وأهو قاعدين عند عمتى بقالهم شهرين والشقة مقفولة والإيجار بيتدفع.
يا استاذ مكة والله انا مش بسودها ولا حاجة-انا بتكلم فى الواقع-يعنى انا غلطان.لازم كل شاب مننا يعمل حسابة ويشوف هايقدر ولا لأ-ولا بعد ماتقع الفاس والراس-ويقول ياريتنى كنت صبرت-وفكرت وحسبتها كويس-احنا فى زمن ما ينفعش نسيبها وزى ماتيجى تيجى.وبالذات فى مصر-المرتب تعبان-والحاجة غالية جدا.والمرتب أخرة 15 يوم وبيتبخر-دة لوحدك-فين بقى الإيجار -والأقساط -والمرافق-والترفيه.....
كفاية !ده إحنا في عييييد إن شاء الله خير
و اللي قداموا بنت عايز يخطبها يقول لأهلها من الآخر ده اللي أقدر أجيبه و دي إمكانياتي
و ما يورطش نفسه في جمعيات و ديون عشان يرضيهم مهما كان حاسس إن البنت دي مافيش زيها في الكون
الدنيا دى علشان تتظبط-ونسبة العنوسة تتعدم-يبقى _اول شئ-الخطوبة بدبلة وخاتم ومحبس-ودول مش رخاص يعنى-مش اقل من 2500-3000_فكرة الشبكة دى تتلغى-اى بنت اتقدمتلها_واهلها يتكلمو فى شبكة سيبهم وأخلع_وخليهالهم.اروح ادفع دم قلبى فى شوية حديد.دة مبدئيا.وممكن بدبلة بس كمان-وتشترى باقى الحاجة صينى_دة لو هى باقية عليك_لأن الدهب مظرة قدام الناس-عايزة تتمنظر _هى واهلها -اشترى صينى.وافقوا كان بها ما وافقوش -يبقى شكرااا-شاب فى بداية حياتة هايجيب شبكة ب7_وب1٠ منين.الشاب فى مصر على ما بيتخرج ويخلص جيش-يبقى وصل لل26 سنة.انا كلامى غلط.