فعلا معاك مليون في ال 100
انا شوفت ناس بعد جوازهم لغاية دلوقتي متشحطتين
والله كانوا مبسوطين قبل الجواز وبعدها متبهدلين
وبالعكس شوفت ناس قبل الجواز مبسوطين وبعده مبسوطين
وربنا فتحها عليه واغناه من قبل الجواز مش بعده
انت مدمن افلام زي حالاتي
فعلا الجمله دي في منتهي التعبير عن الرجوله و الشجاعه الحقيقيه
فعلا الموضوع مش سهل و متعب
من ناحيه التفكير
التدبير من عند ربنا محدش قال حاجه بس مرتب الوزاره مش مكمل 400 جنيه و بالشغل و اللف و الدوران الموضوع مش محصل الالف جنيه و ياريتها ثابته حتي ان الواحد يحطها في الحسبان
فرضا اقدمت علي الموضوع و الدنيا تمام و الواحد اتجوز
ايه بعد كده
هل ده دخل الواحد يعتمد عليه؟!!!!
بجد انا حزين علي البلد اللي يوصل الحال فيها للناس كده
مش عارف حاسس ان زمن اهالينا كانت فيه فرص احسن للحياه من دلوقتي
خصوصا الناس اللي بتقول ان الشباب بيعتمدو علي الاهل
طيب ايه العمل بس الواحد مش هينفع يعيش سفلقه علي اهله حتي و هو متجوز و في نفس الوقت اي ذنب البني ادمه اللي هرتبط بيها في انها تعيش في المجهول
أنا برضه كان الموضوع ده مضايقني لأني داخل على خطوبة قريب إن شاء الله
و لقيت إن من الحلول اللي ممكن تفيد
إن الواحد يحوش جزء من مرتبه دلوقتي علشان يبقى يصرف منه مع مرتبه ساعتها لحد ما ربنا يفرجها
وميضطرش يستلف من حد ساعتها
او ممكن لو هيستلف للعفش وتجهيز الشقة يستلف بزيادة شوية ويدخر جزء للسنة الأولى مثلاً
لحد ما ربنا يكرمه (وده أكيد) ويبقى اسمه استلف للتجهيز و مغيرش صورته قدام مراته أو أهله
مش عايزين نتعب او نشيل مسئولية
هو كده بالضبط أنالما بفكر في الموضوع ده و اللي بيكلمني أضحك عليه بكل الكلام اللي إحنا بنقوله ده برجع في الآخر وألاقي نفسي خايف من المسئولية "جباااااااااااااااااااااا ااااااان " مش قادر أعمل حاجه مش قادر أغير في نفسي مهما كنت عارف غلطي ومقتنع بيه
أنا مؤمن بالله كويس و عارف يعني إيه الواحد ربنا مابيسبهوش وبيمشيلي حاجات كتير رغم رغم تقصيري
بس مش عارف
يمكن بافكر كتير
يعني مافكرش و أمشي في سكه ماعرفش أرجع منها
يمكن عشان مابعرفش أرجع و متعود أستحمل
بلاقي نفسي في الآخر بقول " ياعم كبببببببببببببببر " هو الواحد ضامن لما يخش ينام يصحى تاني وبخش أنام
المهم باصحى تاني يوم و أرجع أفكر تاني و ألهي نفسي في الشغل و أروح آكل و أخش أنام تاني
الأيام بتجري
صحابي كلهم بقا عندهم زوجه و عيل أو إتنين و بيت
وبما يقابلوني ويقلولي إيه ياعم مش هنفرح بيك أضحك و أقوله ليه يا عم هو أنا أهبل أنا كده باشا
بس من جوايا بقول أنا ضعيف مش قادر أتحمل المسئولية و أتحسر على حالي الصراحة
و بعدين بانسى و أقول كده أحسن و أخش أنام
"ياعم كبررررررررررررررررررررررر ررررر "
والله يا اخ ahbl انت جبت من الاخر وكلامك بيعبر عن حقيقة كتير مننا كانوا بيتهربوامنها لكن واجهنا نفسنا ويا ريت الباقيين يواجهوا نفسهم
ملحوظة على جنب ممكن تغير اسمك لان الاسم صعب اوي ان حد يناديك بيه بالعربي
ماحدش قال ان الهروب من الزواج -يبقى جباااااااان-وماحدش قال ان الهروب من الزواج وبقى عديم المسؤلية-طيب صلوا جميعا على حضرة النبى عليه الصلاة والسلام-دلوقتى انت لقيت شغلانة اشتغلت قبضت المرتب التعبااااان-طيب ما اهوة بتشتغل اهو وبيطلع عينك ومتبهدل يعنى شايل مسؤلية مش متنح وبتعتمد على الاهل-بس مرتبك هو اللى هايخليك جباااااان -وخايف من المسؤلية.وكمان شغلانة اقل من إمكانياتاك-وبتتفحت وبيتمص دمك-علشان الملاليم-دلوقتى واحنا عزاب اى كلمة من أى مدير او اى ظلم مش بنسكت- ولو قفلت قوى وجت على كرامتنا-فى ستين الف داهية الشغلانة-وندور على غيرها -دة انا لو قعدت فى البيت اوفرلى -بنزين-واكل برا -وسجاير بزيادة لو بتدخن-لكن بعد الزواج!-لو قالولك اتشقلب على الحيط هاتتشقلب.ماتقدرش تقول لأابدا-هاتصرف منين عليها-هاتقعد جنبها فى البيت.احنا فى بلد منتهية الصلاحية -غير صالحة للاستخدام الأدمى-ياريت البنات والسيدات يشاركونا -يقولولنا رأيهم يمكن يبقى عندهم الحل.
ياعنى اما تبقى شغال ومفحوت -وبال12 ساعة فى اليوم شغال-والمرتب مش مكفى مصاريفك الشخصية-واكلك فى شغلك-وتيجى تسمع كلمة انت مش مسؤؤل-وجبان-يبقى ايه الحال -تنصب تسرق-تبيع هدومك اللى هاتبقى من التوحيد والنور ولا العتبة-مش من كونكريت يعنى.
كلام عين العقل وعلى فكره لما مديرك بيعرف انك شايل مسؤليه بيت بيحط عليك اكتر زى ما بيحصل مع ناس زمايلى فى الشغل انما لما بيعمل معايا حركه مش تمام بشوطه على طول والارزاق على الله
بس احنا لو فضلنا نفكر بالمبدا ده عمر ما الواحد حياخد خطوه للامام فى موضوع الجواز
على فكره عمر ما الموضوع كان هروب خالص
مش معنى انك عايز تامن حياه كوويسه لنفسك و مراتك ده يبقى هروب
هاقولك مثلا
يعنى الواحد بيخلص جامعه بيتسحل شويه على شغل و بعدين بتشتغل فى اى حاته باى مرتب و السلام
تبتدى تحوش شويه فلوس عشان تجيب شقه تبتدى بيها
و بعدين تحوش شويه تانيين عشان العفش و الجو ده
و معاهم حبه كمان عشان مهر و شبكه و فرح و الهيصه دى كلها
و كله فى الاخر على حساب وسطك انت اللى بتقطم من كتر الحمل عليه
و الواحد مش معترض ما هى الحياه كده
و بعدين تتجوز (ربنا يكتبلنا السعاده كلنا و الزوجه الصاحه )
و تبتدى بقى هنا الحوارات (ده اذا كا كانتش ابتدت من قبل كده )
ما انت اصلا عشان تتجوز صرفت 80 % من اللى معاك او اللى انت كنت بتعمله او ايا كان
يعنى انت دلوقتى معكش اللى يامنك
ده يادوب مصاريفك و مصاريفها على الاد مش مستحمله اى حمل تانى
و بعدين ربنا يرزقك بطفل (اللهم ارزقنا الزريه الصالحه )
و مصاريف و حمل زياده
انت اصلا مش شايل حاجه تامنك فى وقت زنقه
و اللى جى على اد اللى رايح
طبعا الموضوع لازم يبقى متعب لانك حتى معملتش حاجه تامنك فى وقت زنقه
اللى بتجيبه او بتحوشه يا دوب اول ما تعمل مبلغ مناسب تعمل بيه حاجه
و تبتدى تانى
بالظبط كانك بتحفر فى رمله
تحفر و تعمل حفره صغيره
و شويه تلاقى الرمل نزل تانى فيها
و تحفر فى مكانك من الاول
لازم الواحد يفكر مره و 2 و 10000000000
متبقاش الحياه كده و ششكرا
و ربنا يعينا فى الايام دى