أهلك هايساعدوك فى الشقةوالعفش.طيب هاتصرف منين بعد الزواج!مرتبك هايكفى؟انا قلقان.

**M.almaghraby** · 11-09-2010 08:14 PM

الي بيتجوز المفروض يبقي واثق او عامل حسابه بنسبة كبيرة انه يفضل في نفس المستوي المادي الي كان عليه قبل الجواز

و يقدر يعيش شريكته في نفس الوضع دا

غير كدا يبقي ملوش لزوم الجواز و بهدلة عالفاضي

" دا طبعا لو لقيت الي تستاهل اساسا "

**MAX_PIN** · 12-09-2010 01:03 AM

والله يجماعة انا اعرف راجل فقير الى حد ما عنده 3 أولاد جوزهم وعايشين معاه فى البيت
واكتر واحد فى عياله مرتبه لا يتعدى 500 جنية وماشاء الله عايشين ومبسوطين سبحان الله
لكن الراجل ده زكى لأنه عرف يزوج اولاده التلاته من ناس تقريبا فى نفس مستواهم المادى
وعايشين وراضيين ومبسوطين وربنا يغنينا ويغنيهم بالحلال الطيب

**blazer** · 12-09-2010 04:31 AM

المشاركة الأصلية كتبت بواسطة m.almaghraby

الي بيتجوز المفروض يبقي واثق او عامل حسابه بنسبة كبيرة انه يفضل في نفس المستوي المادي الي كان عليه قبل الجواز

و يقدر يعيش شريكته في نفس الوضع دا

غير كدا يبقي ملوش لزوم الجواز و بهدلة عالفاضي

" دا طبعا لو لقيت الي تستاهل اساسا "

بس دا صعب جدا
ازاى هتعيش نفسك فى نفس المستوى
يعنى انت والدك مثل بيقبض 5000 جنيه بعد 25 سنه شغل
عاوز تعيش فى نفس المستوى وانت لسه متخرج ؟
انت طبعا حاول تعيش فى افضل مستوى ممكن توصل ليه بس يبقى بقدر المستطاع
والا على كدا محدش هيتجوز خاااااااالص الا من رحم ربى

**maka** · 12-09-2010 04:51 AM

المشاركة الأصلية كتبت بواسطة blazer

بس دا صعب جدا
ازاى هتعيش نفسك فى نفس المستوى
يعنى انت والدك مثل بيقبض 5000 جنيه بعد 25 سنه شغل
عاوز تعيش فى نفس المستوى وانت لسه متخرج ؟
انت طبعا حاول تعيش فى افضل مستوى ممكن توصل ليه بس يبقى بقدر المستطاع
والا على كدا محدش هيتجوز خاااااااالص الا من رحم ربى

النقطة دى انا قعدت افكر فيها كتيير

لان الواحد هيتنازل فعلا عن حاجات كتيير كان بيحبها و اكيد بالمثل اللى هتجوزها

فهل هى هتقدر ده و تراعى ده ؟؟؟

و هل انا هقدراتنازل قد ايه ؟؟

العملية فعلا صعبة و متتحسبش بالورقة و القلم

**blazer** · 12-09-2010 05:17 AM

المشاركة الأصلية كتبت بواسطة maka

النقطة دى انا قعدت افكر فيها كتيير

لان الواحد هيتنازل فعلا عن حاجات كتيير كان بيحبها و اكيد بالمثل اللى هتجوزها

فهل هى هتقدر ده و تراعى ده ؟؟؟

و هل انا هقدراتنازل قد ايه ؟؟

العملية فعلا صعبة و متتحسبش بالورقة و القلم

ياجماعه والله الموضوع مع صعوبته المستحيله
بس هو فعلا عمرها ما بتكون بالورقه والقلم
من يتوكل على الله فهو حسبه
الارزاق بأيد ربنا
وطول ما انت بتبتغى العفه فى الله
ربنا هيكرمك على طووووووووووووووووول الخط

انا لسه انهارده كنت مع واحد قريبى اتجوز وكانت ظروفه عاديه جدا زى اى حد
والده جاب ليه الشقه واتجوز وكانت المشكله فى المرتب التعبااااان اللى كان بيكفى بالعافيه
كان عنده عربيه بولونيز
بعد 7 سنين جواز ومواجه صعاب الحياه
ربنا كرمه وسافر السعوديه من سنتين
ودلوقتى ما شاء الله عنده كورولا 2010
كل دا عشان توكل على الله حق توكله

فقط ...,,, اعقلها وتوكل وابتغى الحلال

**pro_samir** · 12-09-2010 05:27 AM

تقريبا كل الكلام كلنا عارفينه

بس الموضوع محتاج حسن التوكل و الثقه بالله

و زي ما بنقضيها دلوقتي أكيد هتقضي بعد الجواز .. المفروض يعني

**artyboy** · 12-09-2010 05:55 AM

المشاركة الأصلية كتبت بواسطة blazer

نفس اللى بفكر فيه
على الاقل انا اقدر استحمل البهدله لوحدى
انما مش ابهدل البنت اللى معاى
لان حتى لو هى هتستحمل الظروف دى
انا مقدرش اتحمل انى اكون سبب فى تعب انسان تانى معاى :(:(
وللأسف حتى لو مرتبك معقول يعنى قول 1500 جنيه كبدايه اول ما تتخرج
مش هيكفى اى حاااااااجه
لانه اصلا مش مكفيك وانت قاعد فى بيت اهلك

+11111

**zakiali** · 12-09-2010 06:45 AM

بصوا يا شباب من رأيي أن الواحد لما ييجي يجوز لازم يبقي أسد .. مكفي بيته ماديا ومعنويا يعني ميبقاش خرع وشكله يكسف قدام مراته وأهاليهم .. غير كده يبقي ميفكرش في الموضوع ده خالص .. وده مش كلامي ده كلام سيد الخلق سيدنا محمد صلي الله عليه وسلم .. ( من استطاع منكم الباءة فليتزوج .. ) .. يعني من الاخر اللي معاه فلوس ويقدر يصرف يتوكل علي الله .. غير كده مايفكرش .. أيوه ميفكرش خالص انه يجوز .. انا ما فكرتش اني أجوز غير لما خلصت امتاحانات الماجستير واشتغلت في مكان محترم وجبت عربية .. الحياة مش ناقصة بؤس أكتر من البؤس اللي الواحد عايشة لوحده .. يعني فعلا أوعي تخلي الهم همين !! مش هتعرف تعيش وهتندم في وقت ميفدش فيه الندم .. وسعتها الخسارة هتبقي كبيرة أوي.

وربنا يرزقنا بالحلال ويوسع علينا جميعا ويخرجنا من هذه البلدة الظالم أهلها .