أهلك هايساعدوك فى الشقةوالعفش.طيب هاتصرف منين بعد الزواج!مرتبك هايكفى؟انا قلقان.

**chato_eg** · 08-09-2010 10:14 PM

المشاركة الأصلية كتبت بواسطة i_am_legend

طيب..حاجة تانية واحد صاحبى.
بيصرف من والدة ووالدتة-راكب جولف من الزيرو وهو فى 2 ثانوى-واهلة مرتاحين جدا-بقولة اتجوز يابنى بقى انت احسن من غيرك-بيقولى يابنى هاصرف عليها منين- دة مرتبى يا دوب سجاير وبنزين-هايبقى شكلى ايه قدامها-وقدام اهلها- دلوقتى هو 27 سنة.وعندة شقة محترمة .

مش قلت لك....هى الفلوس كده كده رايحة....
مادام الدنيا ماشية...أكيد مش بسلاسة..و هو الثواب على تحمل الضيق..مش علشان قررت الزواج دونا عن الرذيلة...يبقى اسعى و تفاهم على قد ما تقدر مع شريكة حياتك..وربنا يكرم الجميع

**maka** · 08-09-2010 10:22 PM

المشاركة الأصلية كتبت بواسطة chato_eg

و غالبا مش هتتفتح لك بوابة العبور إلى الثراء الحلال بالشكل إللى متخيله غير لو اتجوزت...ما هو إنت لازم تقدم السبت علشان ربنا يديلك الأحد..أمال يعنى يحدف عليك فلوس و إنت ماعندكش مسئوليات ...يبقى كده بيفتنك بالفلوس و ده اختبار صعب جدا جدا..غالبا هتسقط فيه...ادعى ربنا إنك ما تمتحنش فى اللجنة دى

كلامك صح يا استاذى بس العملية مش كده بس , ظروف بلدنا وحشة و من اسوء الى اسوء

هنفرض ان المرتب هيكفى و ربنا رزقنى باولاد و نفسهم فى حاجة و مصاريف تعليمهم و افرض عيل منهم عيىء بمرض عضال اعلجه منيين - زى معظم اطفال مصر دلوقتى -

زى ما فيه نظرة امل فى الموضوع فيه نظرة حذر , مش كل اللى اتجوزوا الدنيا فاتحت فى وشهم فى ناس العكس

علشان كده الواحد بيفكر كتيير اوى و مش قادر يوصل لاى حل

**i_Am_Legend** · 08-09-2010 10:25 PM

ماحدش يقولى بعد الجواز بتتحل لااااا-معظم اصحابى-اتجوزوا-يادوب اول اسبوع المرتب يخلص-وهوب احزم الشنط وكام غيار فى شنطة يالا على بابا وماما يا اما ياخدوا مساعدة حبة مجمدات وزيت وسكر ورز-يا اما ياخدوا فلوس -وياترى الإستضافة دى هاتبقى عند حماتك ولا حماتها-هل هاتبقى مرتاح هناك-شكلك ايه وانت قاعد علشان إعانة هنا او هنا-وممكن فى بعض الاهل حالتهم ماتستحملش ضيوف جداد-وفى بعض شباب اصلا مش بيوافقوا انهم يروحوا عند الاهل-وفى شباب بتضر تطاطى وتوافق يقولك هاعمل ايه يعنى ما المتجوزين كلهم كدة اهلهم بتساعدهم.كل الشباب حديثى الزواج كدة -بص على شقتهم هاتلاقيها مقفولة على طووول ودايما عند الاهل.

**Soma_Sooma** · 08-09-2010 10:31 PM

انا مش هقولك غير ان ربنا سبحانة وتعالى كاتبلك رزق هتاخدة هتاخدة انشاء الله ومراتك ليها رزق ولو جبتو طفل ليه رزق بردة،،،

اهم حاجة انك تثق فى الله انة معاك ومش هيسيبك وهيرزقك برزقهم والله انا بشوف ناس كانت حاجة وبقت حاجة تانية خالص بعد الزواج وكلة عشان هم توكلو على الله وكلهم ايمان ان ربنا مش هيسيبهم

انا عارفةانكم مؤمنين بس ناقص حتة الثقة فى الله

ولا تيأس من رحمة الله ...

**chato_eg** · 08-09-2010 10:36 PM

بص
فى السبعينات..كانت الظروف وحشة..فى الثمانينات كانت أسوا.. و دلوقتى مهببة ب 60 طين....معاك فى كل ده...
لكن القاسم المشترك فى كل الأزمنة هى البشر و الرب...طول ما فيه ربنا...هيفضل فيه أمل...و إللى عياله ماتوا من المرض دول تعرض لموقف سىء فعلا..بس هو امتحانه كده..مش معناه كلنا بقى ما نتجوزش لنفس السؤال يجى و مانعرفش نجاوب ..الإجابة ببساطة الاحتساب عند الله و الصبر على الشدائد..هيعمل إيه تانى يعنى...يروح يموت نفسه....
إنا لله و إنا إليه راجعون...و إللى مكتوب لنا هانشوفه...ما تفتكرش إن الامتحان بيكون أسهل لو مقضيها single و ذو مسئولية محدودة من وجهة نظرك
I have seen cases like this
مش النهاية إللى أتمناها لأى حد..إنت يمكن لو فتحت عينك حبتين ..هتقول حقى برقبتى و أطير على أى واحدة ست أتجوزها لأحسن أبقى كده
دى سنة الله فى خلقه...مخالفة تلك السنة إللى ربنا خلقنا عليها شىء متعب ليك إنت شخصيا أكتر و قبل أى حد تانى..و إنت إللى هاتشيل المعاناة كده كده

**walidzakzok** · 08-09-2010 10:38 PM

انا شايف ان الموضوع يعتمد على اهل الزوجة والزوجة نفسها لو اخترت ناس صح خلاص خلصت انت ممكن تتجوز بعفش قديم ومن غير شبكة مجرد انتريه واوضة نوم وشوية اجهزة الموضوع مش هيتكلف اكتر من 10 الاف جنيه بس المهم تلاقى الناس اللي تفهم وتقدر وتصبر
وانت بتتعامل مع اهل اللى انت هتتجوزها لازم تفهم منهم اذا كانو فاهمين انه جواز وتيسيير والا فاكرين انهم تجار مواشي وبيبيعو لمواخذة الجاموسة اللي عندهم الفلوس مش كل حاجة
واحد زميلي مهندس اتجوز بنت لواء شرطة فى الخدمة بعفش قديم وشقة ايجار جديد ودلوقتي ما شاء الله

**chato_eg** · 08-09-2010 10:40 PM

هو ده الكلام....
إللى عايز يعمل الصح..لا يمكن أبدا ربنا يسدها فى وشه

**chato_eg** · 08-09-2010 10:44 PM

افتكرت أحد مشاهد فيلم أجنبى قديم..إسمه the significant seven ..إللى هو مقابله العربى "شمس الزناتى "
فى قرب النهاية...كان أحد الأطفال بيمدح فى أحد اللصوص إللى بيعملوا لأول مرة حاجة كويسة فى حياتهم و بيدافعوا عن أهل القرية من المعتدين و بيذم فى أبوه الجبان من وجهة نظره علشان بيحاول يتجنب الصراع مع الجبابرة
قام أحد اللصوص ال 7 رد عليه بحزم ..قاله...أبوك أكثر جرأة منى ب 1000 مرة..هو أقدم على تحمل مسئولية أسرة..أنا ما قدرتش أعمل كده زى أبوك..علشان كده ماسك مسدس و متحامى وراه...أبوك كل همه سلامة الأسرة مش هدفه الأساسى دحض الطغاة ..!!!
هى دى حكمة الفيلم الطويل العريض :-)

**beetleMOSH** · 08-09-2010 10:47 PM

الموضوع ده متعب اوى
و بجد انا ابتديت افكر انى اعيش كده مع نفسى و خلاص
و اهو الواحد هايبقى مستحمل التعب لوحده
و لو ارتاح بعد كده ممكن يبقى يفكر فى الموضوع تانى
بس ساعتها بقى ممكن تلاقى بنت الحلال الكويسه ؟!
المعادله دى بجد تقيله على المخ انه يحسبها بخطوات محسوبه
بس فى نفس الوقت ماينفعش اروح اتجوز كده و اقول زى ماتيجى تيجى

تعب اوى بجد :(

**chato_eg** · 08-09-2010 11:02 PM

المشاركة الأصلية كتبت بواسطة beetlemosh

بس فى نفس الوقت ماينفعش اروح اتجوز كده و اقول زى ماتيجى تيجى

تعب اوى بجد :(

الحاجة الوحيدة فى إيدك هى اختيار الزوجة..غير كده...مش فى إيدك...و دى لوحدها مش سهلة أبدا...لكنها جزء من اجهد المطلوب بذله للوصول للهدف
لاحظ إن كلام ربنا و رسوله كله فى الإطار بتاع الاختيار.....مافيش كلام اتقال بمعنى اشتغل و اكسب علشان تتجوز....بل كل المناقشات المالية كانت بتدعو إلى التيسير فقط

الموضوع: أهلك هايساعدوك فى الشقةوالعفش.طيب هاتصرف منين بعد الزواج!مرتبك هايكفى؟انا قلقان.

LinkBack

أدوات الموضوع

عرض

-

-

-

-

-

-

-

-

المواضيع المتشابهه

لما تقبض مرتبك بتعمل ايه

النتائج المترتبة على الزواج الثاني ردا على موضوع منافع الزواج الثاني

لسة بتاخد مساعدات مادية من أهلك؟

قسط السيارة كم % من مرتبك

الكلمات الدلالية لهذا الموضوع

المفضلات

المفضلات

ضوابط المشاركة