الى ملاك النيو سيراتو سؤال واتمنى الأجابه بكل موضوعيه ؟

**M.Mostafa80** · 08-09-2010 08:47 PM

انا أخوكم من قسم فولكس وحاليا معايا بولو 98
بدأت الحاله الأجتماعيه ليا تلح بأنى لازم أغير العربيه
وبعد تفحيص وتمحيص فى كل الحاجات اللى اتمنى انى أركبها للأسف لا هينفع أوربى ولا يابانى
فى رينج الميزانيه اللى حاطيتها للعربيه الجديده وخصوصا أن هدفع 50 % وهقسط الباقى
السؤال بقى هو ان أحد أصدقائى نصحنى بالأبتعاد عنها ودا نظرا لوجود عيب فى سيارته وانو حتى لأن الوكيل مش عارف يحلها الا وهى وجود رعشه فى الموتور وان خلال زيارته للتوكيل
شاهد أكثر من مالك يعانى من نفس المشكله فا كنت حابب اعرف هل المشكله دى موجوده عند حد منكم ولا لأ وهل بعد الفتره دى كلها لأستخدامكم العربيه ايه ملاحظاتكم عليها انا عارف ان فى تقارير كتير اتعملت
بس انا هزنق نفسى جدا وهحط الفلوس اللى معايا فيها وهتحمل اقساط فا عايز ابقى مطمن
فايريت لو حد شايف حاجه مش كويسه فى عربيته يقولى لأنى بقارن بينها وبين الكروز
وبصراحه بالرغم من ان كل اللى حواليا بيقولولى الكروز افضل الا ان كافه السيراتو راجحه عندى

**Ahmed Samy** · 08-09-2010 08:58 PM

يا مرحب يامرحب يا مرحب

و تهون عليك ألمانيا و أسبانيا ياراجل هههههههههه

شوف يا سيدي

موضوع الرجة ده مش عندي شخصيا و ما سمعتش عنه

ممكن يكون موجود طبعا عند حد تاني ..بس مش منتشر وسطنا خالص

الاختيار بين السيراتو و الكروز بحسبة بسيطة محسوم للسيراتو من كل النواحي ماعدا الشكل و الصالون الداخلي فقط

عموما هاقولك على نصيحة ممكن تحطها في اعتبارك

الشكوى من الخليجي أقل من الشكوى من عربيات الوكيل

معظمنا راكبين خليجي ولو هاجيب كوب هاجيب خليجي برضه

العربية صدقا كويسة و بنت حلال

ولما تستقر ان شاء الله اشركنا معاك لو تحب في الاختيار و الصيانة و غيرهم ممكن تلاقي نصايح كويسة

صيانة الخليجي و ضمانه ماعادش مشكلة ابدا و حتى ان في أخبار انك ممكن تشتري ضمان و صيانة الوكيل ب5000 جنيه (لو انت عاشق صيانة الوكيل يعني) و غير كده في ضمان و صيانة تكنو وان و الناس بصراحة مستواهم المهني عالي قوي

ربنا يوفقك للخير سواء في السيراتو أو في غيرها

و دايما هاتلاقينا معاك في اي حاجة

على فكرة أنا ex-polo برضه

**M.Mostafa80** · 08-09-2010 09:07 PM

دكتور / احمد بشحمه ولحمه بيرد عليا دا ايه النور ده
والله يا دكتور انا ميال للسيراتو أكثر عشان هاخد كماليات اعلى وسعر اقل وضمان والضامن الله فى اعاده البيع
طبعا كنت بفكر فى الأبيزا والفلونس بس بسبب عدم الأنتشار والحجم الصغير بالنسبه للأبيزا خلونى بدأت أفكر فى بديل وا\لسكودا فانتازيا اول فئه هتبقى محمله عليا ماديا شويه وبالتالى السيفك اول فئه
فا حاليا مفيش قدامى غير السيراتو والكروز

**M7amD_7amDy** · 08-09-2010 10:22 PM

يا أهلا وسهلا بجارنا البعيد شوية بس بكرة الأيام تقربنا :)

بخصوص الرجة فهى مش عندى برده وأول مرة اسمع الموضوع ده

والدكتور أحمد فادك فى كل النقاط تقريبا

ويتبقى شيىء واحد وهو ...

إنك تنزل وتشوفها وتركبها وتركب الكروز أو غيرهم وأنت اللى هتحدد أنت هتختار ايه

هتلاقيك خارج بواحدة منهم :)

وأنا كمان أبيزا 2000

يعنى أوروبى الأصل كورى الجنسية

**mido** · 09-09-2010 01:56 AM

انا من يومين كنت في نفس موقفك روح شوف الكروز اللي ب119 والسيراتو اللي ب 118وانت تعرف الفرق :)

**M.Mostafa80** · 09-09-2010 02:09 AM

زى ما قلت انا ميال للسيراتو وعلى فكره من أوائل الناس اللى ركبو العربيه دى وعملولها تست درايف وكان التست بعربيه زميلكم فى القسم ناكش بفئتين مختلفين ex وكيل وال sx خليجى وجمعت بيهم سرعه لحد 170 ورجلى اللى فتحت موتور العربيتين ينقصنى فعلا انى اركب الكروز

**M.Mostafa80** · 09-09-2010 02:11 AM

المشاركة الأصلية كتبت بواسطة m7amd_7amdy

يا أهلا وسهلا بجارنا البعيد شوية بس بكرة الأيام تقربنا :)

بخصوص الرجة فهى مش عندى برده وأول مرة اسمع الموضوع ده

والدكتور أحمد فادك فى كل النقاط تقريبا

ويتبقى شيىء واحد وهو ...

إنك تنزل وتشوفها وتركبها وتركب الكروز أو غيرهم وأنت اللى هتحدد أنت هتختار ايه

هتلاقيك خارج بواحدة منهم :)

وأنا كمان أبيزا 2000

يعنى أوروبى الأصل كورى الجنسية

هو الموضوع صعب طبعا من أنك تنزل من اوروبى وخصوصا ان أول بختى كان أوروبى بردو كانت فورد ايسكورت وبعدها البولو بس نعمل ايه فى بلدنا هى اللى عامله فينا كدا ومولعه أسعار العربيات
يعنى هيبقى ليا زميل اوروبى سابق كياوى حاليا

**NoRmAl** · 09-09-2010 02:24 AM

ربنا يوفقك ويعينك على الاختيار الافضل
طبعا مقدرش أزود كلام على الى أتقال
لكن أسمع بس أن الكروز بعض قطع غيرها غير متوافره فى التوكيل
وإن عربيات كروز كتير واقفه عند منصور مستنيه قطع غيرها توصل
لكن لو حد معاه كروز يقدر يأكدلك دا بأمانه من عدمه
كمان كنا بنسمع عن مشاكل فى الكروز المانيوال
فلو هترسى على الكروز خليك فى الاوتوماتيك
طبعا بدون جدال الكروز أجمل من السيراتو خارجيا وداخليا
لكن السيراتو ليها سحرها بردو مش عارف ليه :)
بخصوص الرجه أنا سمعت أنها عند بعض الناس
لكن فى الحقيقه محصلتش معايا
وكان فى عضو هنا معانا عنده الرجه دى لكن عند تشغيل التكييف وتقريبا أتحلت فى التوكيل
صلى صلاه أستخاره وأسأل ربا يهديك للأصلح ليك
ربنا معاك

**ابو ليلى** · 09-09-2010 02:33 AM

اهلا بيك ومنور قسم كيا ودائما ضيف عزيز علينا

موضوع الرعشه دى مش موجوده عندى الصراحة ولا حسيت بيه .
واضح جدا انك حضرتك مرتب تفكيرك على حسب السعر ودى اهم شى عند الاختيار .
السيراتو رغم انها تعتبر جديدة فى السوق المصرى الا انها اكتسحت كل العربيات الموجوده فى نفس القيمة السعرية امامها وده مش معناه انها احسن عربية موجوده حاليا ولكن بسعرها يجعلها احسن عربية .
مش معنى كده انها مش فيها عيوب لا فيها برضه بس عيوبها مش واضحه لحد دلوقتى يعنى منعرفش بعد 100000ك ممكن يكون شكلها ازاى وايه العيوب اللى ممكن تظهر فيها .بس اللى يطمن الواحد بعد كده ان هيلاقى قطع غيراها منتشر جدا وبسعر رخيص ودى ميزة ومش موجوده عند عربيات كتير فى نفس الفئة .
قررت تشترى وعقدت النية نصيحة اوعى تستجعل وقارن بين الموديلات على حسب احتياجاتك .
حط المواصفات الضرورية فى الاول يعنى مثلا جنط 16 - ايرباج - abs دول اهم شى فى السيراتو والباقى يعتبر كماليات .
اتجه للوكيل الاول ودور والجديد اللى نازل فيه المواصفات دى زهقت ومش لاقى اللى انت عاوزه ...اتجه للخليجى هتلاقى كل شى ومازلت الناس بتقول السعودى فى المقام الاول علشان موضوع المواصفات الخليجية وبعد كده اشترى الضمان ضرورى جدا على راى المثل ( اعور ولا اعمى )
اما الكروز فمعرفش عنها حاجه غير عن سمع بس ومقدرش انصحك عن سمع بس .

وربنا يهديك للى فيه الخير

الموضوع: الى ملاك النيو سيراتو سؤال واتمنى الأجابه بكل موضوعيه ؟

LinkBack

أدوات الموضوع

عرض

الى ملاك النيو سيراتو سؤال واتمنى الأجابه بكل موضوعيه ؟ - انشر الموضوع فى :

-

-

-

-

-

-

-

-

المواضيع المتشابهه

سؤال الى ملاك النيو اكسنت عن مراكز الصيانة

طلب مساعدة من ملاك النيو سيراتو

استفسار هام جدا لكل ملاك النيو سيراتو sx خليجي

ملاك النيو سيراتو ... برجاء الكشف على ضغط كاوتش سيارتكم للأهمية

الى كل ملاك النيو سيراتو

الكلمات الدلالية لهذا الموضوع

المفضلات

المفضلات

ضوابط المشاركة