بالنسبة لرفع العربية

**tot** · 08-09-2010 08:52 PM

السلام عليكم يا اخوة، عايز اعرف ايه اللى الواحد يعمله لو مش هايركب العربية لفترة 6 شهور او سنة، يعنى ايه اللى بيتعمل عند رفع العربية كما يقولون

**imca** · 22-09-2010 06:45 AM

متابع

**tot** · 23-09-2010 07:28 AM

شكلك هتستنى هنا كتير يا زعيم ماحدش رد هنا اصلا و انا عملت الموضوع ع المنتدى العام و هتلاقى ردود

**aymanmaly** · 23-09-2010 08:10 AM

لا ياستاذى انا هارد
الكاوتش : تفك الاربع فرد كاوتش و تحمل العربية على اربع قوايم حديد ( الكاوتش يخزن فى مكان جاف بعيد عن الشمس و الرطوبة )
البطارية : تروح لحد يفضى الشحن منها و فهمة انك هاتخزنها علشان يعمل اللازم( بس فى الغالب هاتبوظ )
الماتور : تجيب حد ينزل الزيت و يحط زيت جديد فى مكان الرفع ( يعنى تنزل الزيت و تحط زيت جديد بدون ما العربية تمشى بالزيت الجديد او تدورها )
تغطيها كويس بغطاء و اركنها فى مكان بعيد عن الشمس و المطر ( طبعا تغطيها علشان ما تبردش )
هى فى الغالب بتبقى المشكلة فى التخزين كل ما هو كاوتش فى السيارة من عافشة و خلافة مع الركنة الطويلة بينشف الكاوتش ( و بصراحة انا مالقتش حل للموضوع دة عملى او فعال يمكن فية حد فى المنتدى يقول تجربتة فى مووع الكاوتشات دى مع العلم ان كان فية اقتراح برش الكاوتش فى العربية بمادة تحافظ على ليونة الكاوتش
اما لما ترجع بالسلامة نقول هاتنزل العربية من الرفع ازاي
و بالتوفيق

**MOK3336** · 23-09-2010 10:15 PM

طيب سؤال بسيط يا جماعة طيب مش العربية ممكن تفضل في المصنع مثلاً 6 شهور يبقي إية ايلي بيحصل بقي

**ayman97** · 23-09-2010 10:36 PM

ركن العربية لفترة طويلة ممكن يؤثر على العجل بأنه بيريح من ناحية الأرض وبيزيد في الجهة الأخري وبيبقى ملحوظ لما تمشي ، كمان لو العربية فيها مياه عادية اكيد هيحدث صدأ في الأجزاء الداخلية للماكينة ، الزيت ممكن تمشي به العربية عادى بس ده ممكن يؤثر على أداء المحرك.
بصفة عامة ينصح بتفريغ السوائل ، والبطارية ممكن تديها لحد يحطها في عربيته ويبدل فيها مع بطاريته عشان ما تبوظش