موضوعك جميل جدا
والفضفضة بتحصل هنا بس بطريق غير مباشر
انا لو هفضفض ممممم
تصدق من كتر الحجات اللى شغلانى مش عارفة اتكلم عن ولا حاجة هههههههههههه
رقم العضوية : 49520
تاريخ التسجيل : 10Oct2009
المشاركات : 6,024
النوع : ذكر
الاقامة : 6 اكتوبر
السيارة: كيا سيراتو 2010
السيارة[2]: دايو لانوس 2006
الحالة :
السلام عليكم
فى كتير من الاوقات بنحس اننا متضايقين ومخنوقين جدا وعايزين نتكلم مع حد عايزين نفضفض علشان نرتاح وناخد راى ال حولينا ويفكروا معانا
ان شاء الله فى المنتدى نلاقى اخوه واخوات ينصحوا كل انسان عايز يفضفض
يلا مين عايز يفضفض
احمد
====================================
بالرغم من قدم عضويتك
ومعدل مشاركاتك المرتفع الدال علي تواجدك بكثافه في المنتدي
ولكنك تخالف قوانين المنتدي عن عمد وتكتب موضوعك بالاحمر
في حاله تكرار المخالفه سيتم تحذيرك ووقفك
ومع التكرار سيتم مضاعفه الوقف
برجاء مراجعه قواعد وقوانين المنتدي
مشرف عام 3
اللهم ارزقنى بر والدى
[SIGPIC][/SIGPIC]
رقم العضوية : 77994
تاريخ التسجيل : 18Aug2010
المشاركات : 718
النوع : انثى
الاقامة : cairo
السيارة: لايوجد
السيارة[2]: لايوجد
الحالة :
موضوعك جميل جدا
والفضفضة بتحصل هنا بس بطريق غير مباشر
انا لو هفضفض ممممم
تصدق من كتر الحجات اللى شغلانى مش عارفة اتكلم عن ولا حاجة هههههههههههه
اذا لم تستطع أن تنظر امامك لأن مستقبلك مظلم..ولم تستطع أن تنظر خلفك لأن ماضيك مؤلم..
فانظر إلى الأعلى تجد ربك تجاهك إبتسم..فإن هناك من يحبك..
رقم العضوية : 46510
تاريخ التسجيل : 08Sep2009
المشاركات : 90
النوع : ذكر
الاقامة : AL Shiekh zaid City
السيارة: الحمد لله على نعمته
السيارة[2]: Suzuki Maruti 2010
الحالة :
إنت جيت فى وقتك
انا فعلا نفسى اتكلم مع حد اوى .. لو كان ينفع اروح لدكتور نفسى والله كنت روحت ..
أنا عندى مشكله نفسيه بقالى سنتين مش قادره اتغلب عليها ...
أنا كان ليا صديقه اعرفها من و انا فى الكليه بس ماكنتش متصاحبه عليها اوى .. بنتكلم و كل حاجه بس مجرد زمايل .. المهم ان بعد الكليه اشتغلنا مع بعض فى مكان واحد و كان بتقعد على المكتب اللى جنبى و فضلنا كده 3 سنين .. اكتشفت اننا بجد بنى ادم واحد .. نفس الشخصيه بالظبط و نفس الافكار .. نفس الطيبه و السكون ... نفس الشقاوه و المرح .. لدرجه ان كل الشركه كانت فاكرنا قرايب و فيه ناس كانت بتفتكرنا اخوات
اللى حصل انى اتجوزت و نقلت سكنى طبعا فى الشيخ زايد و بقيت بعيد عنها اوى كانت كل علاقتنا بالتليفون بس .. حصل ظروف انى خلفت و انشغلت بابنى لانه كان لسه رضيع فالاتصالات قلت شويه .. انا افتكرت انها برضه مشغوله او مسافره.. اتاريها مرضت اسبوعين و انا مش عارفه .. مرضها كان نادر و منعوا عنها الزياره .. الى جانب انى كنت لسه والده و ابنى رضيع مش عارفه اوديه فين المهم بعد ما عرفت بيومين بالظبط ماتت .. ماتت فى سن 24 سنه
بجد مش قادره اقولك احساسى كان ايه .. فى نفس الساعه اللى هى ماتت فيها انا كنت قاعده مخنوقه لانها وحشتنى و نفسى اكلمها اوىىىى .. لقيت نفسى قاعده على النت باكتب لها ميل و بابكى .. بعدها بساعتين كلمونى قالولى فلانه ماتت من ساعتين ..
اول مره احس ان الدنيا فضيت .. صحيح باحب جوزى و ابنى و اهلى .. بس مش عارفه ايه اللى جرالى من ساعتها .. مافيش حاجه حلوه .. باضحك بس مش من قلبى .. ما بقاش فيه حاجه مستمتعه بيها .. و مش عارفه اجيب المود بتاع المرح تانى .. حاسه انى من جوايا مستنيه الموت و خلاص .. ما بقاش عندى طموح فى الشغل و الا فى البيت و سايبه الايام تودينى مطرح ما هى عايزه .. مش حاسه بطعم الدنيا .. مش هاقولك انى عايشه فى نكد
انا حاولت كتير اندمج فى الحياه لدرجه انى بطلت اكلم اهلها علشان انسى . بس فيه حاجه جوايا مكسوره .. مش قادره ادوق طعم الدتيا .. مش عارفه انت فاهمنى و الا ايه ... انا اللى يشوفنى من بره يفتكر انى عايشه عادى .. بس انا من جوه حاسه بفراغ بجد .. ما فيش حاجه بقى ليها قيمه عندى .. بالمناسبه انا ليا اصحاب كتيير و لسه باكلمهم و اخرج معاهم .. عايشه الدنيا بس مش حاساها .. نفسى ارجع تانى زى الاول و مش عارفه
نفسى افرح مره زى زمان .. عارف احساسك لما بتاكل الفراوله اللى شكلها حلو و حمرا لكن طمعها مش طعم الفراوله الحلوه .. انا كده ... عايشه الدنيا و مش حاسه بطعمها فى بقى ..
رقم العضوية : 77994
تاريخ التسجيل : 18Aug2010
المشاركات : 718
النوع : انثى
الاقامة : cairo
السيارة: لايوجد
السيارة[2]: لايوجد
الحالة :
بجد موضوعك دة اثر فيا جدا اصعب حاجة فعلا هى الفراق
بس هقولك حاجةانتى المفروض تروحى لدكتور نفسى بجد هترتاحى قوى
اللى عندك دة اكتئاب
وطالما مش عارفة تخرجى نفسك منة لوحدك فا لازم تطلبى مساعدة دكتور
قبل ما حالتك تتطور وتبتدى تأثر على ابنك او بنتك وزوجك طبعا
اذا لم تستطع أن تنظر امامك لأن مستقبلك مظلم..ولم تستطع أن تنظر خلفك لأن ماضيك مؤلم..
فانظر إلى الأعلى تجد ربك تجاهك إبتسم..فإن هناك من يحبك..
رقم العضوية : 55956
تاريخ التسجيل : 16Dec2009
المشاركات : 3,827
النوع : ذكر
الاقامة : EGYPT
السيارة: BMW
السيارة[2]: LANCER
دراجة بخارية: ISA
الحالة :
اعتقد انه في نسبة احساس بالذنب او التقصير في حق صحبتك في ايامها الاخيرة بس خففي عن نفسك الاعمار بيدي الله وانتي مكنتيش تعرفي بخبر مرضها بسبب ظروف ولادتك وابن الرضيع. فادعيلها بالرحمة والمغفرة وحاولي تفتكري الايام الحلوة اللي قضتوها مع بعض وتكون هي عذاكي وربنا يجمعو مع تاني ان شاء الله في جناته.
رقم العضوية : 6201
تاريخ التسجيل : 22Feb2008
المشاركات : 12,866
النوع : ذكر
الاقامة : cairo
السيارة: nissan sunny ex 2008
السيارة[2]: Sonata 2013
دراجة بخارية: لا
الحالة :
رقم العضوية : 4703
تاريخ التسجيل : 21Jan2008
المشاركات : 17,465
النوع : ذكر
الاقامة : alex
السيارة: none
السيارة[2]: lada samara 1990
دراجة بخارية: none
الحالة :
عذاب الضمير
واضح ان حضرتك مصاحبتيش ناس كتير
او مكانش في حياتك حد قريب منك زيها فتره ما قبل انشغالك ببيتك
وواضح ان حضرتك برضه حاسه ان زعلها منك او بعدك عنها كان ليه تاثير علي حالتها خصوصا ان كان جزء من المرض علاجه نفسي
وكان حيكون ليكي دور كبير في تخفيفه عنها لو كنت قريبه منها او معاها
وواضح ان من قربكم من بعد انها كانت قريبه من روحك وقلبك
الحزن والفراق مش بادينا
بس حاولي تبري اهلها لو فيه فرصه
وتساعديهم بالي تقدري عليه طبعا مش قصدي مساعده ماديه
انما معنويا ممكن يكون ليكي تاثير في ادخال الفرحه علي قلوبهم
وساعتها احساسك بالذنب حيقل
ولو كنتي قصرتي معاها
فتقصيرك ده كان بهدف رعايه ابنك وميعتبرش تقصير علي قدر ماهو اهتمام بابنك حفظه الله
احيانا بتعدي علينا مواقف في حياتنا
او ربنا بيخلينا نسهي عن حاجات وننساها في وقتها
حمايه لينا
زي لما الواحد بينزل يلاقي كاوتش عربيته بايظ ويتاخر عن ميعاد سفره
والتاخير ده يكون اتقاء لحادث او مكروه كان ممكن يحصله لو وصل في ميعاد تاني
الخيره فيما اختاره الله
واتمني ان حياتك يتغير ايقاعها قريب وتتاكلي الفراوله وتحسي انها فراوله
مع انه عموما الفراوله دلوقتي ملهاش طعم ولا فيه حاجه ليها طعم
حاولي تختلطي بناس اكتر ومتقعديش لوحدك كتير
لان الوحده هي غذاء الاكتئاب
والاكتئاب هو مرض المثقفين واصحاب الضمير
وهو بدايه لامراض كتير ملهاش علاج
-------------------------
الحزن
هو الحاجه الوحيده اللي بتبدا كبيره وتصغر
ومع الوقت حزنك حيقل
مش حتنسيها طول عمرك وحتفضل في قلبك
حاولي تفتكريها بذكريات جميله وحاجات حلوه كانت بينكم
ومتعذبيش نفسك اكتر من كده
ربنا يخليكي لاهل بيتك ويباركلك فيهم ويباركلهم فيكي
لا تحزن إذا فاتك قطار الزواج، فلأن يفوتك القطار خير من أن يدهسك..
---------------------------------
رقم العضوية : 79648
تاريخ التسجيل : 06Sep2010
المشاركات : 20
النوع : ذكر
الاقامة : italy
السيارة: ford
السيارة[2]: swift
الحالة :
انتى مؤمنه بربنا وبالبعث والحياه الابديه
احنا كلنا راكبين قطار وكل واحد بينزل محطته
بس حنتقابل فى الحياه الابديه
طيب ايه الى نقدرنمله لاهلنا واحبائنا الى نزلوا محطتهم
نفتكرهم بالخير ونحاول نعمل لهم حاجه تنفعهم فى رحلتهم التاليه
قران صدقه اى حاجه حتى لو كلمه طيبه دعاء
يارب هون عليكى وعلينا كلنا امين
الفاتحه ليها ولموتى المسلمين
تصدقى بالله
الصاروخ بينزل يعمل حفره ياخد فيها ابطال ورجال ويسيب احبائهم جنبهم يكملوا المشوار ويفتكروهم بالخير هيا دى فلسفه الدنيا وحمكه ربنا (الاتعاظ علشان الناس تحسن من نفسها)
كل سنه وانتى طيبه وربنا يصبرنا كلنا
وخللى بالك من ابنك وجوزك
رقم العضوية : 4703
تاريخ التسجيل : 21Jan2008
المشاركات : 17,465
النوع : ذكر
الاقامة : alex
السيارة: none
السيارة[2]: lada samara 1990
دراجة بخارية: none
الحالة :
انا اسف علي تعقيبي
بس لازم الناس تفهم
ان القران والصدقه مينفعوش الميت بحاجه
دول الواحد يعملهم في حياته علشان ينفعوه في مماته
انما الدعاء الصالح فقط هو اللي بينفعه
قال صلى الله عليه و سلم " إذا مات ابن آدم انقطع عمله إلا من ثلاث : علم ينتفع به ، وصدقة جارية ، وولد صالح يدعو له
لا تحزن إذا فاتك قطار الزواج، فلأن يفوتك القطار خير من أن يدهسك..
---------------------------------
رقم العضوية : 20140
تاريخ التسجيل : 25Sep2008
المشاركات : 6,879
النوع : ذكر
الاقامة : Cairo
السيارة: مافيش عربيه تانيه!!
السيارة[2]: ميجان
دراجة بخارية: عجله شوبر
الحالة :
فيه واحد و ابوه مضايقنى
مصر هتفضل غالية عليا
-------------------------------
الديك الحلبي هايفضل يدن لغاية ما يتدبح
المفضلات