أنا قصدي إني مش بشوف البنت اللي بتعد على النت كده بقيت مش محترمة ولا برده علشان واحدة مش بتعد على النت بقيت محترمة أنا بحكم من تعملي معها
عرض للطباعة
أنا قصدي إني مش بشوف البنت اللي بتعد على النت كده بقيت مش محترمة ولا برده علشان واحدة مش بتعد على النت بقيت محترمة أنا بحكم من تعملي معها
أنتى قولتى فى سؤالك عاوزة أجابة صريحة من غير زواق و لا لف و لا دوران بس وجهت نظرى حتكون مختلفة شوية يعنى مش بتكلم عن الشباب و بس لا بتكلم بوجة عام بصى النت دة عبارة عن قنبلة موقوتة ممكن أبطال مفعولها و ممكن تنفجر و تعمل دمار شامل الاول وجهت النظر الى بتقولها البنت الى فى منتدى تانى ان البنت الى بتقعد على النت و ترد على المنتديات بنت مش محترمة دة كلام غلط بس معلش لازم تكون حريصة أكثر من الطبيعى و اللازم و و تخلى بالها و انا برضو بقول للشباب نفس الكلام بس بشدد على البنت اكتر من الولد احنا مجمع شرقى جدا و دايما المفهوم الى كلنا نشأنا علية ان الولد بيأخذ مساحة أكبر من الحرية و ممكن يدخل و يخرج عادى أكتر من البنت لان البنت محسوب عليها كل نفس و همسة و لكن الولد مش كدة هى ممكن تتشارك بس مش فى أى مواضيع و لا أى مكان و الخطورة مش من ولد يعاكس بنت لآ المصيبة الاكبر البنات بيعاكسو البنات خشى كدة مثلا على skype و بصى كم المراسلات الى حا توصلك من بنات و ولاد و طبعا ممكن الامور تاخذ منحنى جانبى بس الانسان هو الى بيخلى الى ادامة يحترمة او لآ و نوعية المواضيع المشترك فيها البنى ادم و على ما أعتقد ان الولاد و البنات مش اغبياء لآ الجيل دة عندة و عى و تفتح و من نوع المشاركات ممكن يفهم دماغ الى ادامة من كتاباتة و يحكم دى بنت كويسة و لا لا و الولد دة كويس و لا لآ و بعدين هو لو بدأ السؤال و قال انتى مرتبطة و لا لآ ههههههههههههههه معلش دة عندة كام سنة 15 سنة مثلا و لكن السؤال انتى أسمك اية دة من وجهت نظرى عادى انا مبحبش أتعامل مع اللهو الخفى لازم ابقى فاهم انا بكلم مين و ازاى انما اتعامل مع حد معرفش اسمة الحقيقى يبقى بتعامل مع مجهول و كل شيىء مبهم و قابل للصدق او الكذب اما بالنسبة للسؤال انة ممكن يكون فية صداقة محترمة ممكن و جائز بس دة بيكون بالتعرف الحقيقى و معاشرة الشخص المثل بيقول تعرف فلان أة عاشرتة لآ يبقى ما تعرفوش أما بالنسبة للعيب عند مين الولد و لا البنت الاتنين سواسية ممكن الولد و ممكن البنت متساوين تماما مفيش حد على نياتة و كلة ذكى و بالنسبة لموضوع التميز البنت ممكن تميز و الولد ممكن يميز دة راى شخصى منى و أكن الاحترام للولد و البنت و ممكن ان يحمل الخطأ أو الصواب
بسم الله الرحمن الرحيم
الاجابه:
معرفش ههههههههههه
لا بجد انا شاب اهو ..بس مش بفكر بالطريقه دى ..
ممكن لان علاقاتى على النت لا تتجاوز ان دى "معرفه نت" و مش بفكر فى اكتر من كده ..
بس ده مجرد اعتقاد
فى كلمه قريتها هنا فى المنتدى ممكن تفيدكو فى الموضوع
واحد قال ان صعب شاب فى الحقيقه يروح لبنت يقولها ممكن نتعرف؟
بس على النت بيملك الجرأه دى ..وبيقول لاى بنت تقابله ممكن نتعرف ؟؟
الانسان على النت اكثر جرأه ..
الفكره الى عايز اوصلها لحضرتك ان بعض البنات بتوع الشات والفيس بوك والكلام دا بيبقوا عايشين فى دور البنت الفرى شويه وعايزه كام بوى فريند ليها عالنت .. فدا بالضبط الى بعض الشباب بيدور عليه عشان كدا الفكره بتتكون عندهم عن كل بنات النت انهم كدا بس طبعا الكلام دا مش صحيح ابدا هما خادوا بمبدأ السيئه تعم... اتمنى وجهه نظرى تكون وصلت
تحياتى
المنتديات حاجة .... و الفيس بوك و الشات و النيمباز و الحاجات دي حاجة
مفيش بنت محترمة يبقي عندها 1200 فريند متعرفش ولا واحد فيهم عالفيس و حطة صور ليها و فرحانة بنفسها و تبقي محترمة
لاء طبعا مش محترمة
ولا الي كل الايميلات الي عندها ولاد و مفيش الا 5 بنات مثلا و محترمة .... يا اما عندها عقدة نقص !!!!
الموضوع نسبي جدا ... و مينفعش تعميم فيه
و في بنات عالشات بياخدوا راحتهم بزيادة اوي.... و كذلك علي بعض المنتديات
و انا شايف ان الموضوع عادي,, لان المجتمع الواقعي اصلا بايظ و متنيل
طبيعي ان العالم الافتراضي يبقي كدا ,,, و اسوأ !
وجهة نظرك محترمة جدا بس حكايةال skype دى بصراحة مشفتهاش لأنى مش بدخل علية الا عشان قرايبى اللى بردة نتكلم علية بس هبتدى اركز هههههههههههههه
انت كمان اثرت نقطةمهمة ا مش اى موضوع البنت ترد علية زى ايه مثلا؟؟؟
يعنى انا كمثال بعمل مواضيع و كومينات وممكن يكون فيها هزار دة ممكن يتقابل من وجهة نظرك ازاى محترم او غير محترم ؟
مهو ممكن البنت تكون قصدها شىء ويتفهم شىء تانى خالص وتبقى البنت اتظلمت و اتاخد عنها فكرة غلط لمجرد ان البنت دى بتتعامل عادى مع الناس
حضرتك ده مش فى النت بس ده فى الشارع وفى كل حته لأنه ما يعرفهاش قبل كده بيختصر وبيطلع إللى فى دماغه بسرعه بأختصار بتبقى بالنسبة له مجرد واحدة بنت المفروض تنبهر بيه كراجل بس كده (تسليه) و لو كسفته مش مشكلة هو كده أو كده مش هيشوفها تانى و لو وافقت يبقى تمام تنضم لسلسلة بطولاتة كحسين فهمى العصر الحالى ده غالبا بيكون الفكر يعنى عندك مثلا الحلاق إللى بحلق عنده لسه كان يحكيلى من كام يوم أنه صاحب واحده من على الشات بتاع مصراوى ومفهمها أنه محاسب قانونى فى مكتب محاسبة كبير و كل ما يروح يقابلها يأجر عربية من واحد فى الشارع عنده ومفهمها أنو هيتقدملها تسألينى بيكسب إيه من ورا كده أقولك ما عرفش؟؟؟