الموضوع: سؤال خاص بالشبااااااااااب ليه......؟!!!!

أنتى قولتى فى سؤالك عاوزة أجابة صريحة من غير زواق و لا لف و لا دوران بس وجهت نظرى حتكون مختلفة شوية يعنى مش بتكلم عن الشباب و بس لا بتكلم بوجة عام بصى النت دة عبارة عن قنبلة موقوتة ممكن أبطال مفعولها و ممكن تنفجر و تعمل دمار شامل الاول وجهت النظر الى بتقولها البنت الى فى منتدى تانى ان البنت الى بتقعد على النت و ترد على المنتديات بنت مش محترمة دة كلام غلط بس معلش لازم تكون حريصة أكثر من الطبيعى و اللازم و و تخلى بالها و انا برضو بقول للشباب نفس الكلام بس بشدد على البنت اكتر من الولد احنا مجمع شرقى جدا و دايما المفهوم الى كلنا نشأنا علية ان الولد بيأخذ مساحة أكبر من الحرية و ممكن يدخل و يخرج عادى أكتر من البنت لان البنت محسوب عليها كل نفس و همسة و لكن الولد مش كدة هى ممكن تتشارك بس مش فى أى مواضيع و لا أى مكان و الخطورة مش من ولد يعاكس بنت لآ المصيبة الاكبر البنات بيعاكسو البنات خشى كدة مثلا على skype و بصى كم المراسلات الى حا توصلك من بنات و ولاد و طبعا ممكن الامور تاخذ منحنى جانبى بس الانسان هو الى بيخلى الى ادامة يحترمة او لآ و نوعية المواضيع المشترك فيها البنى ادم و على ما أعتقد ان الولاد و البنات مش اغبياء لآ الجيل دة عندة و عى و تفتح و من نوع المشاركات ممكن يفهم دماغ الى ادامة من كتاباتة و يحكم دى بنت كويسة و لا لا و الولد دة كويس و لا لآ و بعدين هو لو بدأ السؤال و قال انتى مرتبطة و لا لآ ههههههههههههههه معلش دة عندة كام سنة 15 سنة مثلا و لكن السؤال انتى أسمك اية دة من وجهت نظرى عادى انا مبحبش أتعامل مع اللهو الخفى لازم ابقى فاهم انا بكلم مين و ازاى انما اتعامل مع حد معرفش اسمة الحقيقى يبقى بتعامل مع مجهول و كل شيىء مبهم و قابل للصدق او الكذب اما بالنسبة للسؤال انة ممكن يكون فية صداقة محترمة ممكن و جائز بس دة بيكون بالتعرف الحقيقى و معاشرة الشخص المثل بيقول تعرف فلان أة عاشرتة لآ يبقى ما تعرفوش أما بالنسبة للعيب عند مين الولد و لا البنت الاتنين سواسية ممكن الولد و ممكن البنت متساوين تماما مفيش حد على نياتة و كلة ذكى و بالنسبة لموضوع التميز البنت ممكن تميز و الولد ممكن يميز دة راى شخصى منى و أكن الاحترام للولد و البنت و ممكن ان يحمل الخطأ أو الصواب

المشاركة الأصلية كتبت بواسطة Soma_Sooma

وجهة نظرك محترمة جدا بس حكايةال skype دى بصراحة مشفتهاش لأنى مش بدخل علية الا عشان قرايبى اللى بردة نتكلم علية بس هبتدى اركز هههههههههههههه

انت كمان اثرت نقطةمهمة ا مش اى موضوع البنت ترد علية زى ايه مثلا؟؟؟

يعنى انا كمثال بعمل مواضيع و كومينات وممكن يكون فيها هزار دة ممكن يتقابل من وجهة نظرك ازاى محترم او غير محترم ؟

مهو ممكن البنت تكون قصدها شىء ويتفهم شىء تانى خالص وتبقى البنت اتظلمت و اتاخد عنها فكرة غلط لمجرد ان البنت دى بتتعامل عادى مع الناس

شكرا على ذوقك و وجهت نظرك الجمبلة و اقولك بالنسبة ل skype و الله أنا برضو بتكلم منة و بستعملة للدولى و كنت حاطط صورتى بلاقى شباب و بنات بيدخلو بصراحة بخاف و بعمل تجاهل أولا انا معرفش مين دة انا مش فى منتدى ممكن أوصل للى بيكلمنى لآ خالص و جربى تسيبية مفتوح و بصى على كمية الاتصالات الوهمية و المصيبة الكبرى البنات بتعاكس بنات يا نهار أسود بجد شيىء لا يصدقة عقل اما سؤالك ان البنت ترد و ما تردش فى مواضيع الكلام دة مش حا تشوفية هنا فى المنتدى بتاع نايل موتورز خالص هنا الدنيا محكومة و الجو العام زى الفل فى الامان و الهزار مقبول جدا و عادى جدا هنا لو حد مجرد عمل شخصنة حوار بيتوقف مش قل ادبة اكتبى مواضيع يا سيتى زى ما انتى عاوزة و بعدين طالما انتى مشتركة هنا فى المنتدى الناس تقريبا بتعرف بعضها من المشاركات الى بتكتبها لآن الى فى الاجتماعى بيدخل دايما فى الاجتماعى و بيبقى عارف الناس بالتقريب كدة الخلاصة هنا أمان تام و جو محترم بين الاعضاء سواء بالحسنى او بقدرة المشرفين على ظبط الايقاع هههههههههههههه و على فكرة حتى نوعية المواضيع الى بتتكتب هنا ممكن بقليل من الذكاء أدراك جزء من شخصية كاتب الموضوع من الاخر اكتبى براحتك الجو أسرى و فى الامان مية مية و انا برضو بحب الهزار جدا و بحب الصور كمان ههههههههههههههه و السلام ختام

المشاركة الأصلية كتبت بواسطة Soma_Sooma

وعرفت منين ان البنات بتعاكس البنات على ال skype؟؟؟


انا مكنتش بتكلم عن هنا لأن الناس هنا محترمة جدا بغض النظر عن المشرفين

علشان المدام عندى عاملة حساب على ال skype و بنشوف العجب من البنات مش من الولاد هههههههههههههههههههههه