الادب للاسف مبينفعش فى كل وقت
عرض للطباعة
دة فعلا البيحصل لان القدامك بيستغل الادب و انم مبتعرفيش تردى فبيزود...لكن لما يلاقى المثل بالمثل و صوت عالى و كل كلمة بردها...بيعمل حسابه 100 مرة قبل ما يقل ادبه
و البادى اظلم...لان انا مش بمشى اقل ادبى على خلق اللع...لكن لما اكون سايق مثلا فى حالى والاقى واحد بيغلط و بيشتم اكيد مش هقوله شكرا...انا لو ماخدتش حقى هفضل مضايق طول اليوم لان فعلا الناس بقت مزوداها...و بيطلعوا قرفهم على بعض...حاجة تقصر العمر
الرسول صلي الله علية وسلم بيقول انما بعثت لاتمم مكارم الاخلاق
يعني الحياة في الاول والاخر اخلاق
يجب اننا نتخلق بالاخلاق الحميدة ونبعد بقدر الامكان عن الشتيمة وخصوصا الي بنسمعة من سب الدين وقزف الامهات ولكلام الي بينقص من الاخلاق بتاعتنا
وانت فهمت كلامي خطء وانا مش بوجهلك اتهام
لما بنشتم بنبقي وصلنا لحالة من الاخلاق غير الحميدة
سواق شتمني شتمية قزرة وفضل يشتم وانا مردش عليه وبعدين جي يمد ايده عليا طحنطة طحنة محترمة
واخدت حقي من غير ماشتم في حدود الموقف الي انا بتعرض ليه
يعني لما يكون ناس كبار وبيغلطوا فيك بدون سبب ومتعرفش ترد عشان انهم كبار ولازم تحترمهم وتسكت او اقصى ردة فعل اقعد اعيط لوحدي
في حين انهم مبقوش يقدروا يغلطوا في فلان ولا علان عشان بيرد عليهم
طيب جربوا بقه انا كمان عندي لسان واعرف ارد واعلي صوتي
اما موضوع استكراد البياعين ده فكان خجل اوضعف او استسهال وهم فهموني اني بتنازل عن حقي
طيب خلاص مدام دي طريقتكم مفيش تنازل من هنا ورايح
يمكن الادب مينفعش فى اغلب الاوقات بس القران بينفع فى كل الاوقات.
ولصاحب الموضوع انت فكرتنى بواحد عزيز عليا خلقه ضيق وساعات بيمر بحالات غضب زيك كدة من وقت لتانى ويبقى نفسه حد يجر شكله عشان يتخانق او حتى يشد معاه او بس يفرغ الشحنة اللى جواه.ودايما بدعيله ربنا يشفيه من الضغط والسكر والرعشة اللى فى ايديه اللى جاتله فى سنه الكبير ده من كتر الضغط .
اشغل دماغك بحاجات تانية,ممكن تقرا قران لو مسلم.حاول تتعامل مع الناس اللى مضايقاك تصرفاتها واكنهم مش حواليك او بابتسامة خفيفة ولا مش عاوز او بنظرة حادة جدا لا مينفعش كدة او مش عاوز....
ربنا يرحمك ويرحمنا و يبعدنا عن الشيطان واعوانه
هو ليه حضرتك بتفسر كلمة الادب يعني مش بيشتم وقلة الادب يعني بيشتم
يمكن احنا استخدمنا مصطلح (( الادب)) في غير موضعه وكان اولى استخدام كلمة خجل من المواجهة اوضعف وده ايا كان اللي قدامك بيستغله لو لمسه فيك
انما اسلوب تبادل الشتائم فده بيقلل من قيمة البني ادم
ولو الظروف وقعت الواحد في شخصية من النوعية دي فالافضل تجنبهم وعدم الرد اصلا عشان الواحد ميقللش من قيمته معاهم
المقصود بكلمة الادب على الاقل بالنسبة لي هو كظم الغيظ سواء بارداتك او غصبا عنك بسبب خجلك من المواجهة
الاول كل سنة وانتم طيبين
مش معنى قلة الادب انى اشتم لكن معنها انى اوقف اللى قدامى عن اهانتى او يدوس على حقى بكلام جارح او زعيق او ........ حسب الموقف
فيه مواقف مينفعش تقول فيها غيرالله يسامحك او تكتم غيظك و فيه مواقف تلاقى اللى قدامك بيتمدى فالسكوت هيبقى تخاذل منك انك تتدافع عن حقك
و ياجماعة مين يكره الادب و الكلمة الحلوة بس الناس خلاص بقت مستفزة
كمال باشا ...
اولا كل سنه و انت طيب وبصحه وسلامه
تانى حاجه ..ازيك عامل ايه ؟؟
تالت حاجه سلام
ههههههههههه
بهزر طبعا
بص الى انت عملته ده انا اعتقد ان انت ممكن يكون فى حاجه مضايقاك اصلا فاعصابك مش مستحمله حاجه ...
عموما بغض النظر عن السبب ..
البياع يستاهل بس مكنش ليها لازمه تشتم والدته ..(جده بتاع رمسيس مش مشكله مات من زمان ههههههه) لا بجد مكانش ليها لازمه انك تشتمه ..زعقله و مسخره و امسح بكرامته الارض ..بس من غير شتيمه الاهل
البنت بتاع البخور دى بجد انت قهرتها ...وحاول تطلع صدقه بدل الى عملته فى البت دى يا راجل ههههههه
بتاع الاسانسير ..
انا مستنى التقرير
يا ريت تتقبل كلامى من اخوك الصغير قليل الادب خالد ايمن