سؤال إلى ملاك ابيزا 94-99

**thedeveloper87** · 09-09-2010 07:17 PM

السلام عليكم ورحمة الله وبركاته

كنت عايز أعرف معلومات عن الابيزا 94-99 من حيث:
1. سعة الموتور
2. نظام حقن الوقود: (كاربيراتير ولا انجيكشن)
3. قوة الموتور (بالحصان)
4. استهلاك البنزين
5. الكماليات المتاحة (الأصلية اللي نازلة مع العربية)
7. سعر السوق

جزاكم الله خيرا

**medo18** · 10-09-2010 10:44 AM

1 1000سي سي وفي منهم 1400
2 انجيكشن
3 50 ده للالف
4 550 كم للربعين لتر
5 تكييف-سنتر-ازاز كهربه-كاسييت
6 30000-38000

**RimonWagdy** · 10-09-2010 12:12 PM

ال ibiza 99 1000 cc بتكون 50 حصان فقط !!

**windofchange** · 10-09-2010 02:53 PM

50 حصان الماني مش كوري او ياباني طريقة القياس بتختلف الموتور بيتقاس وهو راكب في العربية علي جسمها ووزنها بيتفاس عالداينو مش عالأرض وهو مش متحمل عليه العربية ودي الطريقة الأسيوية

**ibiza50** · 10-09-2010 03:10 PM

المشاركة الأصلية كتبت بواسطة thedeveloper87

السلام عليكم ورحمة الله وبركاته

كنت عايز أعرف معلومات عن الابيزا 94-99 من حيث:
1. سعة الموتور
2. نظام حقن الوقود: (كاربيراتير ولا انجيكشن)
3. قوة الموتور (بالحصان)
4. استهلاك البنزين
5. الكماليات المتاحة (الأصلية اللي نازلة مع العربية)
7. سعر السوق

جزاكم الله خيرا

الصديق العزيز
بعد التحيه و كل عام و انت بخير،،،،
هكلمك عن ابيزا 98 و الـ 99
العربيات دى اللى نزلت مصر عن طريق التوكيل كلها 1000cc وبتكون 50 حصان مافيش فى مصر عربيه اصليه سعه موتورها اكبر من كده من عن طريق التوكيل لو اكبر من كده يعنى 1400 او 1600 cc اما ان تكون متغير موتورها او تم استيرادها عن طريق غير التوكيل
و ايضا هناك على حد علمى سيارتين دخلو مصر عن طريق التوكيل ابيزا كوبرا 2000 cc بعدد احصنه 255 حصان واحده لونها اصفر و التانيه اخضرفسفورى
و وكيلها مانزلش من الموديلات العاديه الـ 2 باب كلها كانت 4 باب ماعدا الـ 2000cc
وكان منزل 3 فئات من الموديل 98 و 99
الموديل الاول Basic من غير كماليات
الموديل الثانى SE كانت نص كماليات
الموديل الثالث SXE فى موديل 98 كل الكماليات(سنترال لوك -زجاج كهرباء للزجاج الامامى فقط- مريات كهرباء - جهاز انزار- مفتاح بريموت-علبة شرايط - فوانيش شبوره امامى و خلفى- مساند راس خلفيه - كرسى السائق يمكن التحكم فى ارتفاعة- درج التابلوه بمفتاح)
اما الـ99 فيها كل اللى فات بالاضافه الى التحكم فى ارتفاع الدركسيون - فيها باور و تعديل فى اماكن ازرار الباب الخلفيه - و تعديل فى الهوايه الاماميه اللى تخرج منها المساحات و 4 زجاج كهرباء

الموديلات دى كلها التوكيل كان بيستوردها من غير سماعات او تكييف و اللى كان بيطلبها مكيفه كان التكييف بيتركب فى مصر(وماكنش اصلى و تركيبه كان سىء بالرغم انه فى التوكيل)

بالنسبه لنظام الاشتعال هو انجيكشن و نوعه كويس جدا بس هناك عيب فى العربيه ان البنزين الموصى باستخدامة من المصنع 98 او 95 وده مكتوب على غطاء تنك البنزين
استهلاك البنزين حولى 5.5 لتر لكل 100 كيلو فى الطوالى على سرعه من 90 الى 100 كيلو متر اما داخل البلد حولى 7 لتر مع التكييف بتوصل لـ 8.5 لتر
السعر لو العربيه مش كويسه من 25 الى 29 الف- لو متوسطه الحاله من 29 الى 34 اما لو حالتها ممتازه ممكن توصل الى 39 او 40 الف بحد اقصى

انا كنت شارى العربيه زيرو لما كان سعرها 42 الف جنيه فى اخر سنة 98

اتمنى انى اكون قدرت اساعدك فى حدود معلوماتى و عموما لو ليك اى سئوال انا فى خدمتك
تحياتى محمد مصطفى

**thedeveloper87** · 10-09-2010 08:02 PM

ألف شكر ليكم يا جماعة وكل عام وانتم بخير ، وربنا يعود عليكم الأيام السعيدة بخير وصحة وسلام يارب.

معلش عندي شوية أسئلة:
1. أنا كان نفسي أعرف بالنسبة لاستهلاك البنزين (عمليا) معاكم شخصيا؟ بتمشي كام كيلو في الصفيحة(20 لتر) جوه البلد باستعمال بنزين 92؟
2. أخبار عفشتها ايه؟ ثابتة على الأرض خاصة في السفر؟ العفشة ناعمة ولا ناشفة؟
3. هل العربية بتحك في المطبات؟
4. بالنسبة لشكل التابلوه ، أنا ماشفتهوش قبل كده؟ ممكن تقيموه؟ أنا سمعت فيه مشكلة في برواز أو حاجة كده ، وإن دي مشكلة شائعة.... هو ايه البراوز ده؟
5. ايه تقييمكم لشكل الصالون عامة؟ تقليدي (زي العربيات القديمة) - جيد - جيد جدا - زي العربيات الزيرو
6. العربية واسعة من جوة ولا ضيقة؟ لو ثلاثة ركبوا ورا هيبقوا مستريحين ولا مزنوقين. ولو رجعت الكرسي بتاع السواق هل هيضايق اللي ورايا قوي ولا ايه؟
7. هل ليها ميكانيكية وكهربائية بيفهموا كويس؟ ليها محلات قطع غيار (أصلية)؟
8. الموديلات من 94 - 99 واحد ولا مختلفين شوية؟
9. تنصحوني لو قدامي واحدة مكيفة أجيبها ولا هيبهدل الموتور؟

معلش سامحوني ، أنا عارف إني ضيف تقيل خصوصا بأسئلتي الكتيرة دي ، وربنا يجزيكم عني كل خير

وعلشان تعرفوا دماغي فيها ايه أكتر..... استخدامي للعربية 90% جوه البلد ، لا بجري ولا بغرز ولا الكلام ده ، نفسي في عربية ناعمة وصوت الموتور هادي و عزل كويس واستهلاك أقل للبنزين وعفشة ناعمة ومش ناشفة. وفي نفس الوقت لو العربية شكلها حلو وشبابي من بره (زي الابيزا كده) وشيك من جوه (الصالون يعني) يبقى كده في الجون..

بارك الله فيكم وكل عام وانتم بخير.

**medo18** · 12-09-2010 04:38 AM

اولا بالنسبة لاستهلاك البنزين فهي بتعمل من 250 ل300 لل20 لتر بس مع سواقة سريعه نسبيا

العفشة تعتبر ناشفة يعني مش زي الكوري بس طبعا الثبات ممتاز والعربية بتحك في المطبات العليا لو فيها 5 افراد

انا شايف التابلوه كويس مفهوش مشاكل عندي وهو منظم وشيك(جيد و بيستحمل)

العربية من ورا ضيقة لو رجعت الكرسي للاخر يعني انا 180 سم لو حد طويل هيعد ورايا بس مش مستريح

عيب العربية الوحيد عندي ان مفيهاش باور غير كده مفيش زي الابيزا

**RimonWagdy** · 12-09-2010 11:28 AM

المشاركة الأصلية كتبت بواسطة windsofchange

50 حصان الماني مش كوري او ياباني طريقة القياس بتختلف الموتور بيتقاس وهو راكب في العربية علي جسمها ووزنها بيتفاس عالداينو مش عالأرض وهو مش متحمل عليه العربية ودي الطريقة الأسيوية

شكــــراً لرد و أهتمام حضرتك :)

المشاركة الأصلية كتبت بواسطة medo18

اولا بالنسبة لاستهلاك البنزين فهي بتعمل من 250 ل300 لل20 لتر بس مع سواقة سريعه نسبيا

العفشة تعتبر ناشفة يعني مش زي الكوري بس طبعا الثبات ممتاز والعربية بتحك في المطبات العليا لو فيها 5 افراد

انا شايف التابلوه كويس مفهوش مشاكل عندي وهو منظم وشيك(جيد و بيستحمل)

العربية من ورا ضيقة لو رجعت الكرسي للاخر يعني انا 180 سم لو حد طويل هيعد ورايا بس مش مستريح

عيب العربية الوحيد عندي ان مفيهاش باور غير كده مفيش زي الابيزا

تقييم ممتــــاز :))

**thedeveloper87** · 12-09-2010 02:43 PM

المشاركة الأصلية كتبت بواسطة medo18

اولا بالنسبة لاستهلاك البنزين فهي بتعمل من 250 ل300 لل20 لتر بس مع سواقة سريعه نسبيا

العفشة تعتبر ناشفة يعني مش زي الكوري بس طبعا الثبات ممتاز والعربية بتحك في المطبات العليا لو فيها 5 افراد

انا شايف التابلوه كويس مفهوش مشاكل عندي وهو منظم وشيك(جيد و بيستحمل)

العربية من ورا ضيقة لو رجعت الكرسي للاخر يعني انا 180 سم لو حد طويل هيعد ورايا بس مش مستريح

عيب العربية الوحيد عندي ان مفيهاش باور غير كده مفيش زي الابيزا

تسلم ياباشا