استفسار بالنسبة لمواتير الـ e90

**yehia** · 09-09-2010 09:44 PM

السلام عليكم يا جماعة وكل عام وأنتم بخير ......

الحقيقة أنا كان عندي استفسار بالنسبة لمواتير البي ام e90 وبالأخص الـ 316 ......

هل المواتير بتاعتها stock ولا فيها تربو ؟

وبتحتاج بنزين 92 ولا 95 ؟

وهل فيه شكاوى ظهرت من الفتيس الستبترونيك اللي راكب فيها ولا لا ؟

وهل موتور الـ 316 اللي بيطلع 115 حصان وعزم 150 كافي بالنسبة للعربية ووزنها وبيدي أداء كويس ولا دون المستوى المرضي؟

وهل المفاضلة بينها وبين الباسات الزيرو البيزلاين بترجح أي منهما؟ مع العلم ان المقارنة بين الزيرو فقط وليس المستعمل حتى لو كسر زيرو .... ولكم جزيل الشكر مقدما

**inspiron** · 10-09-2010 02:14 AM

بالنسبة للمواتير من أول 316 لحد 330 كله stock بدون turbo.

بالنسبة لأداء الـ 316 مرضي ومش بطال.

بالنسبة للبنزين عادي 92.

بالنسبة للمقارنة فأنا إستحالة أركب عربية ألماني الفتيس بتاعها صيني.( عربية باسات 2006 في الحرفيين الفتيس بتاعها مفكوك ومحفور عليها Made in china ).

**yehia** · 12-09-2010 05:11 AM

ألف شكر يا جماعة ... طب لو سمحتم كنت عايز أعرف نماذج لأسعار قطع غيار الـe90 مثلا زي الفوانيس الأمامية والخلفية والتيل والرفارف وخلافه ( قطع الغيار الأساسية دون الكمالية منها زي الزينون والسنسور وكده ) ...... ومصاريف استهلاك العربية في المتوسط مع الأخذ في الاعتبار انها لعربية 316 أوتوماتيك أو 318 ....

**foshiahmed** · 10-10-2010 09:11 AM

up up up up

**ahmedsadek82** · 10-10-2010 12:25 PM

المشاركة الأصلية كتبت بواسطة yehia

ألف شكر يا جماعة ... طب لو سمحتم كنت عايز أعرف نماذج لأسعار قطع غيار الـe90 مثلا زي الفوانيس الأمامية والخلفية والتيل والرفارف وخلافه ( قطع الغيار الأساسية دون الكمالية منها زي الزينون والسنسور وكده ) ...... ومصاريف استهلاك العربية في المتوسط مع الأخذ في الاعتبار انها لعربية 316 أوتوماتيك أو 318 ....

-فانوس امامي : حوالي 2700
-فانوس خلفي: حوالي 2000
-تيل : 1000 ج
-فلتر زيت: 150
-فلتر بنزين: 250
- بربريز امامي: 3500

**samifahmy** · 10-10-2010 03:28 PM

ده ملخص من :: نــايــل مــوتــورز:: - :: NileMotors.net ::l

بوجيهات 500 ج ( كل 60000 كم) و تغيير زيت فرامل ( كل سنتين) 200 ج بالبافارية

تيل فرامل حوالى 900 جم. ( يتغيير حسب استعمالك من 30 الى 40 الف كم ).
فلتر زيت 150 جم ( كل تغييره زيت )
فلتر بنزين 250 جم ( كل 40 الف كم )
فلتر هواء تكييف 650 جم. ( كل سنتين )
الكاوتش الrunflat ماركة CONTINENTAL الماني و مقاس 205\55\16 سعره 1000 ج و الميشلان 1350
side mirrors if folding 12000 le !!
if normal mirrors @ 6500 le.
brake disks @ le 4000 le
الزينون حوالي 16000 ج
بطاحات أمامي حوالي 3000 جنيه

زوج مساعدين أمامي حوالي 5500 جنيه

**Elsarrawy** · 10-10-2010 03:41 PM

المشاركة الأصلية كتبت بواسطة yehia

السلام عليكم يا جماعة وكل عام وأنتم بخير ......

الحقيقة أنا كان عندي استفسار بالنسبة لمواتير البي ام e90 وبالأخص الـ 316 ......

هل المواتير بتاعتها stock ولا فيها تربو ؟

وبتحتاج بنزين 92 ولا 95 ؟

وهل فيه شكاوى ظهرت من الفتيس الستبترونيك اللي راكب فيها ولا لا ؟

وهل موتور الـ 316 اللي بيطلع 115 حصان وعزم 150 كافي بالنسبة للعربية ووزنها وبيدي أداء كويس ولا دون المستوى المرضي؟

وهل المفاضلة بينها وبين الباسات الزيرو البيزلاين بترجح أي منهما؟ مع العلم ان المقارنة بين الزيرو فقط وليس المستعمل حتى لو كسر زيرو .... ولكم جزيل الشكر مقدما

فعلاً زي ما قال الزميل inspiron مواتير البي ام بدون تربو

في المقابل موتور الباسات الجديد 1400سي سي تربو بيطلع 122 حصان والبي ام على فكره 120 حصان بداية من موديل 2010 على ما اتذكر دي الي هي 1600 سي سي بدون تربو وبنزين 92 طبعاً

انا ماسمعتش عن مشاكل في فتيس البي ام صراحة

اما فتيس الباسات انا سمعت فعلاً انه مكتوب عليه made in china لما بتوع المستعمل في الحرفين فكوه بس دا ما يمنعش ان الفتيس الجديد DSG ممكن يكون الماني مش صيني

مش بس كده الي اعرفه ان في مصنع لفولكس فاجن في الصين وبالتالي العربيات الي بتيجي لينا متقطعة بتبقى غالباً جايه من شرق اسيا وعلشان كده ممكن تلاقيها متجمعة في مصنعهم بالصين وفي حاجات فيها صيني

لكن اعتقد عربيات التوكيل بتبقى جايه من المانيا ومتقفلة هناك

وفي الاول والآخر طالما المنتج اصلي ومكتوب عليه فولكس فاجن يبقى مش هاتفرق في حاجه صيني ام الماني

والدليل على كده ان في عربيات بي ام مرسيدس بتتجمع في مصر وبيبفى في مدخلات كتير فيها مصرية فهل دا معناه ان بي ام او مرسيدس وحشة لأ خالص بس دا بيتعمل لتقليل التكلفة والجمارك والاقتراب من سوق المستهلك

بالنسبة للأفضل بي ام شبابي اكثر من الباسات لكن الباسات هاتلاقي فيها كماليات مش موجودة غير في 320 مع العلم انها ارخص واوسع بكتير من الفئة الثالثة لبي ام

بس برده مشكلة الفتيس DSG في الباسات تخلي الواحد قلقان خصوصاً ان ثمنه في التوكيل 71000 جنيه ولسه مافيش منه استيراد

وفي الآخر ربنا يوفقك