سؤال بالنسبة لمواتير البيجو

**moataz200730** · 06-03-2011 08:48 AM

كنت عايز اعرف هل من الممكن تسقيط موتور 406 فى عربية 405 ؟؟ اقصد الموتور 1600 العادى .... و هل تابلوه 406 ممكن يركب على 405 عادى و لا فيه مشكلة ؟؟ و هل لو التعديل ده ينفع محتاج تغيير نظام الفرامل و العفشة الامامية؟؟؟ و يا ترى الموتور بكام و التابلوه كمان بكام؟؟ معلش اسئلتى كتير... شكرا

**ME5EMR** · 11-03-2011 07:20 PM

شوف يا ابن عمي الماتور ال406 ده جبار هو في منه 1600 و 2000 انت ناوي علي انهي
علي العموم التكلفه هتفتح معاك جامد لان انت هتحتاج عفشه من اول و جديد و فرامل و بارات للعربيه

**moataz200730** · 12-03-2011 09:18 PM

اولا شكرا لاهتمام حضرتك... ثانيا انا كنت عايز اعرف الموتور العادى بتاعها 1600 بكام و التعديلات اللى ححتاجها حتبقى ايه بالظبط؟؟ و هل حتنفع عندى بصراحة انا عايز موتور 406 .. عشان نفسى فى موتور ناعم اوى و يكون ف نفس الوقت جامد .. طيب يبقى الموضوع كله يتكلف كام؟؟

**powerofhelll** · 31-08-2011 04:57 PM

لو عايز تسقط موتور في بيجو 405 يبقي تسقط موتور mi16
و تشتري دماغك من الي انت بتفكر فيه ده
الموتور ده
2000 cc
160 hp
139 t

**ana** · 07-06-2012 02:51 AM

على فكره موتور ال406 ال1600 سى سى نفس ال405 البرستيج ال2000 بالضبط

**ME5EMR** · 16-06-2012 01:22 AM

ال mi16 ده 1900 cc مش 2000
و بسم الله ماشاء الله مفتري تتفرج علي اداءه في ال 205

**Unendlich** · 16-06-2012 11:37 AM

بنسبة 99% مش هتلاقي 1600 في ال 406 لأن ده كان نادر جدا جدا جدا و مجالناش منه مصر الا صدف
في 3 مواتير 2000cc يركبوا عندك بدون أي مشاكل و بدون أي تعديل في القواعد
405 برستيج بحوالي 5000
406 الموتور الأسود 8000
406 الموتور الفضي (ده الأجدد) 12000
ال 3 بالفتيسات الاوتو و ده لو شلته هينزل من السعر جااااامد عشان الأوتو بتاع ال 406 غالي
مصمم بقى تدور على 1600 بتاع ال 406 يبقى استحمل بقى دوخة قطع الغيار و التصليح

**ana** · 21-06-2012 05:30 AM

باشا مفيش دوخه ولا حاجه من الكلام ده وانا ال406 بتاعتى 1600 سى سى و انا جايبها من المانيا و الموتور ال1600 هو نفسه موتور 405 برستيج مع اختلاف الكنترول طبعا اما قطع الغيار موجوده بس بقى تلاقى الموتور ده فين فده بقى معرفش لانى اللى اعرفه ان الموتور ده نزل فى المانيا و فرنسا فقط وغير موجود فى406 فى مكان تانى بالعالم 1600