مشكلة كبيرة يا جماعة ارجوا الافادة

**meero31** · 11-09-2010 12:59 PM

أنا معايا لانسر 2007 كنت شايفها زيك كده لونها فضي بس هي مكتوبة في الرخصة ذهبي ولما روحت أرخص من خمس شهور المهندس قال لونها ذهبي مظبوط وأنا وكل أصحابي شايفينها فضي متخفش حتى أنا أتناقشت مع المهندس ولما زهق مني بص على الدواخل والفليتو وقالي العربية زيرو ولونه ذهبي

**ab_1090** · 11-09-2010 02:58 PM

علي فكره انا كان معايا عربيه دايو بردوا مكنتش عارف لونها فضي ولا ذهبي وبعد كدا عرفت ان لونها ( شامبين ) مش معروف دا فضي ولا دهبي وكنت اول مره بصراحه اسمع عن اللون دا فانشاء الله خير وكل سنه وانت طيب

**magic_done** · 12-09-2010 12:57 AM

و انت طيب يا باشا انا رحت لسمكرى و قالى انها مش رشة و قالى هيا ممكن تكون المريات سودة عادى بس كنت عايز اعرف هيا خليجى ولا مصرى و ل اردنى ازاى ؟؟؟؟؟؟؟؟؟؟؟ على فكرة هيا مانيوال 1300 و فيها ايرباج للسائق بس

**Adham** · 12-09-2010 01:10 AM

دلوقتي فية الوان جديدة بتبقى بين الفضي و الدهبي انا باسمية ترابي ميتاليك لأنة زي لون التراب (العفرة)

زي بتاع الشيروكي الليبرتي هو بيبقى دهبي باهت قوي ماتميزش ان كان فضي و للا دهبي

طالما كلهم قالولك ان العربية سليمة و فابريقة مش مغيرة نص مثلا و لا حاجة لا قدر الله يبقى اتطمن خير ان شاء الله اتقلقش

و المرايات عادي انها تكون سوداء مش كل العربيات بتبقى مرشوشة لون البودي

**temokemo** · 12-09-2010 01:17 AM

انا عندي ابن خالي معاة ديوا لونها دهبي بس في الرخصة مكتوبة فضي

**hesham69** · 12-09-2010 01:41 AM

عادى الون ده اسمه شامبين وده لا هو فضى ولا دهبى ده شامبين بس بيتكب فى الرخصه
دهبى

والعربيه خليجى او وكيل ازاى اقولك انا
الوكيل بيبقى الاريال فى القايم

انما الخليجى بيبقى السقف ورا فى النص

**Adham** · 12-09-2010 03:38 AM

المشاركة الأصلية كتبت بواسطة hesham69

والعربيه خليجى او وكيل ازاى اقولك انا
الوكيل بيبقى الاريال فى القايم

انما الخليجى بيبقى السقف ورا فى النص

غريبة دي

اللانسر اللي معانا خليجي و ايريالها في القايم

**Ralliart** · 12-09-2010 04:17 AM

عادي
عربيتي نفس اللون ومكتوب في الرخصه ذهبي وهي لونها شامبين

**haroun707** · 12-09-2010 04:47 AM

بص ياباشا

من واقع الخبرة
اولا فى درجات لونيه بتكون خارجه من المصنع وليها اسم مثلا زى ذهبى ميتالك بس هى بتميل للفضى ( مثلا فى النيسات صنى )

ثانيا احياناً بتحصل ان اللى بيفحص العربيه فى المرور بيكون انعكاس الشمس مخليه شايفها ذهبى او بيكون عنده عما الوان

فا متقلقش خالص الموضوع بسيط جدا لانها حصلت مع واحد صديقى عربيته هو اول يد ليها وهى لونها فيرانى ميتالك وكانت مترخصه فسدقى ميتالك تخيل العمـــــــــــــا وبعد كده وهو بيجدد عملها ببساطة ومن غير مشاكل خالص

بس حضرتك ممكن تشوف اللون اللى فا القوايم والحوض وتقارنه باللون الخارجى مع مراعاة العوامل الجويه وكمان لو العربية راشه بره ممكن يكون فيه اختلاف بسيط جدا

وبالنسبة للمرايات ان لونها مختلف ممكن تكون المرايات اتخربشت منه وهو رشها واختلاف اللون ده وارد