عداد الكيلومتر بالتيجو ستيبترونيك

**emadmoufid** · 10-09-2010 11:56 AM

انا اشتريت سيارتي تيجو 2000 سي سي موديل 2010 ستيبترونيك وكانت على التابلوه عاملة 5101 كيلومتر فقط وبعد ما اشتريتها اكتشفت ان لمبة check engine منورة رحت ارسلتها لمهندس من التوكيل علشان يشيك على العربية ويشوف اللمبة منورة ليه.

وبعد ساعة السيارة رجعتلي وجدت اللمبة فعلاً طفت وقال انها كانت معلقة بس وانه كل الحكاية فصل كابل البطارية ورجعه تاني... ده حتى الكاسيت طلب الكود السري بتاعه لانه رجع لوضع المصنع.

بس المشكلة أني وجدت عداد الكيلومتر عامل 22490 كيلومتر وهو المفروض يكون بالكتييير عامل 5200 كيلومتر بس.

لما قرأت الكتالوج وجدت مفتاح بالعداد ينقل ما بين الكيلومتر وحاجة اسمها الرحلات odometer & trip odometer ولكن بالتجربة الفعلية لاقيت انه مش بيستخدم إلا في ضبط الوقت والتاريخ.

أرجو من الخبراء والمتخصصين إفادتي عن كيفية إعادة ضبط عداد الكيلومتر....لاني مش عارف انا عند كام دلوقتي مقارنة بال 5200 كيلو المقطوعين فعلياً.

**atefadel** · 10-09-2010 05:24 PM

اعتقد
ان 5200 دول عدد كيلو بتاع رحلة وليس عدد التوتال بتاع العربية
يطلق علية كمبيوتر رحلات
ويمكن تصفيرة
اما التوتال لا يمكن تصفيرة

**emadmoufid** · 10-09-2010 09:06 PM

أستاذ/ عاطف عادل

شكراً جزيلا على مساعدتك

بس نفس العداد اللي في اسفل الشاشة والخاص بالكيلومتر هو اللي اتغير من 5200 ل 22490 بعد ما قعدت ساعة مع المهندس والعداد بتاع الرحلات ده موجود في اعلى الشاشة وهو فعلا بيتغير مع المفتاح بس اللي انا اقصده ومتأكد منه هو العداد اللي اسفل الشاشة.

برجاء المساعدة وشكرا

**firstknight_eg** · 11-09-2010 12:43 PM

استاذ مفيد

عداد الرحلات اخره 999

يعني مش ممكن يكون 5200

و فيه 3 اختيارات في زرار العداد

1 الساعة
2 عداد الرحلات
3 استهلاك البنزين

وعشان تحول ما بينهم دوس دوسة بسيطة علي زرار العدادات

لو دوست مدة طويلة شوية هيدخلك علي الظبط

اما العداد اللي كان عامل 5200 وبعدين بقي 22500 بص فيه احتمال صغير ان العداد يكون ملعوب فيه

هي العربية انت شاريها امتي؟

وهي موديل سنة كام شهر كام؟

**atefadel** · 11-09-2010 01:38 PM

كدة عداد العربية ملعوب فية
وانا شفت ناس بتوع عدادات بيقدروا يلعبو في العداد
حضرتك شاري العربية من تاجر ولا من صاحبها
وممكن في التوكيل برقم شاسية العربية يقولك هي عاملة كام كيلو لو بيعمل الصيانة في مواعيدها

**aboomarahmad** · 11-09-2010 10:11 PM

السلام عليكم
أنا رأيي ان العداد احتمال كبير يكون ملعوب فيه
اللي هيؤكد كدة او ينفيه انك تروح تكنوسرفس جسر السويس دول محترمين واعتقد ان شاء الله يفيدوك
بس اللي لافت نظري حاجة!!!!
هل لو العداد اتلعب فيه.. عملية شيل الكابل بتاع البطارية وترجيعه تاني تكشف الملعوب ده؟؟؟
لو كدة يبقى دي طريقة للكشف على العربية ماكناش نعرفها قبل كدة

م.ياسر

**firstknight_eg** · 12-09-2010 01:21 AM

المشاركة الأصلية كتبت بواسطة aboomarahmad

السلام عليكم
أنا رأيي ان العداد احتمال كبير يكون ملعوب فيه
اللي هيؤكد كدة او ينفيه انك تروح تكنوسرفس جسر السويس دول محترمين واعتقد ان شاء الله يفيدوك
بس اللي لافت نظري حاجة!!!!
هل لو العداد اتلعب فيه.. عملية شيل الكابل بتاع البطارية وترجيعه تاني تكشف الملعوب ده؟؟؟
لو كدة يبقى دي طريقة للكشف على العربية ماكناش نعرفها قبل كدة

م.ياسر

يا باش مهندس ساعات عدد الكيلومترات بيبقي متسجل علي الكمبيوتر بتاع العربية زي في الشيروكي فا لو لعبت في العداد مع اول ريستارت هيرجع لاصله

بس مش عارف في التيجو الكيلومترات متسجلة علي ايه

عشان لو علي العداد بس يبقي مش هتعرف

**Hegazio** · 12-09-2010 01:10 PM

الكلام ضارب في بعضه
ماهو لو صاحب العربية كان جايبها زيرو يبقي عارف هيا كام
لو كان جايبها مستعمل .. يبقي شكلها كان علي عداد الرحلة و هو اللي عمره ماغير للتوتال .. عداد الرحلة لغاية 9999 مش 999
اللعب بالعداد بيبقي بطريقة الفلاش و لا يمكن يتكشف غير لما تكشف عن سجلها في التوكيل
بس برضه صاحب الموضوع يقول .. انت اول مالك؟
و خد بالك من حته ما بيغيرش غير الوقت دي .. شكله بيدوس عليه و العربيه مش دايره .. سا عتها بيجيب شاشة واحدة بس

**Hegazio** · 12-09-2010 01:15 PM

الكلام ضارب في بعضه
ماهو لو صاحب العربية كان جايبها زيرو يبقي عارف هيا كام
لو كان جايبها مستعمل .. يبقي شكلها كان علي عداد الرحلة و هو اللي عمره ماغير للتوتال .. عداد الرحلة لغاية 9999 مش 999
اللعب بالعداد بيبقي بطريقة الفلاش و لا يمكن يتكشف غير لما تكشف عن سجلها في التوكيل
بس برضه صاحب الموضوع يقول .. انت اول مالك؟
و خد بالك من حته ما بيغيرش غير الوقت دي .. شكله بيدوس عليه و العربيه مش دايره .. سا عتها بيجيب شاشة واحدة بس

الموضوع: عداد الكيلومتر بالتيجو ستيبترونيك

LinkBack

أدوات الموضوع

عرض

-

-

-

-

المواضيع المتشابهه

عداد الكيلومتر بيجيب زيت

عداد الكيلومتر

عداد الكيلومتر

عداد الكيلومتر لايعمل

عداد الكيلومتر لايعمل

الكلمات الدلالية لهذا الموضوع

المفضلات

المفضلات

ضوابط المشاركة