اقتباس المشاركة الأصلية كتبت بواسطة adham مشاهدة المشاركة
من غير ما تفك الغطاء

هل و انت بتدي مارش بتحس ان صوت العربية اختلف قوي و سرعه المارش بقت عالية جدا

يعني صوت الموتور و هوة بيدور شبة صوت الشنيور

لو كدة يبقى كاتينة اتقطعت

غير كدة حاول ان تشوف فية كهرباء واصلة للبوجيهات و للا لأ

من خلال انك تقرب البلج بتاعه البوجية باي مكان معدني في الموتور بأنك تحط فيها مفك و تخللي المفك قريب 2 مللي من اي مسمار في الموتور او جسم الموتور و حد يدور و شوف فية كهرباء طالعه زي شرارة زرقاة بين المفك و جسم الموتور و للا لأ

لو مافيش يبقى العربية قاطعه كهرباء حاول تراجع اسلاك البوبينة و الالكتروني و تشوف حاجة مفكوكه

لو فية بلف بنزين في مسطرة الانجكشن دوس علية سنة صغيرة ببوز مفتاح و شوف حايبخ بنزين و للا لأ

لو مافيش يبقى فية مشكلة في دورة البنزين سواء طلمبة او وصلات
شكرا يا باشا على كلامك الموزون وفعلا صوت دوراة المارش طبيعى ومش عالى خالص ..بس اللى حصل انى بالفعل جبت كهربائى وفك بوجية ولقى الدنيا واصلة وبعدين فكينا طلمبة البنزين ولقينا الدنيا واصلة ودة اللى خلانا نفكر فى الميكانيكا مش الكهربا على طول...بس على كلامك كدة ممكن احاول مع كهربائى تانى اشطر لان الكاتينة مكملتش 10000 كيلو واصلى من الكتاب ..