السلام عليكم ورحمه الله وبركاته

كل سنه والجميع بخير
دلوقتي القسم زي ما كلنا واخدين بالنا نايم في الدره خالص وفي مرحله احتضار وتدرحج دائم نحو الهاويه والانيهار
وفي اقسام كتيير كانت زيينا و بعدين عملوا ثوره والبليه لعبت معاهم وبقو اقسام 100 100
فقلت اشمعنى احنا يعني وقلت ابدأ انا بنفسي (رغم اني كنت مقرر اني معملش مواضيع تانيه غير استفسارات زي ما الجميع ما بيعمل ) بس بصراحه انا زعلان على حال القسم بتاعنا بعد ماكان في جديد كتييير بقه مفيش اي جديد خالص
فقلت انا هعمل مواضيع بالحاجات اللي عملتها او ركبتها او عدلتها في عربيتي
المواضيع هتكون كالتالي
1-موضوع خاص بالفلتر الاسبور بالصور وممكن صوت وصوره كمان لو تحبو
2-موضوع خاص بالزينون بالصور وبرده بفيديو لو تحبو
3-موضوع بصراحه انا مقتبسه من قسم تاني هقول اسمه واسم صاحب الموضوع وكمان هحوط لينك للموضوع الاصلي بتاعه عشان حقوق النشر طبعا

زدي الحاجات المهمه اللي انا عملتها في العربيه بالاضافه لتركيب كاسيت وسماعات وتفييم الزجاج الخلفي وجزء في الاكصدام وباب الشنطه مع تعديه بسيط في شكل الاكصدام الامامي بس دي طبعا كلها استيكرز فمش مهمه اوي




بسم الله هنبدأ الحلقه الاولى وهبدأ بالموضوع المقتبس من القسم الزميل وهو قسم تويوتا (اخوتنا برده) وصاحب الموضوع هو الاستاذ asemx1

وده لينك للموضوع بتاعه بس انا مقتبش جزء منه مش كله http://www.nilemotors.net/Nile/175635-a.html
الموضوع يتعلق بزياده عزل العربيه وكمان عزل المواسير بتاعت التكييف بحيث تزيد من كفاءه التكييف وده عن طريق عزل المواسير عن الموتور بحيث لا تتأثر بسخونه الموتور وبالتالي يقل التبريد

انا اقتبس فكره الجزء التاني وهو زياده كفاءه التكييف لان دي الاسهل نوعا ماا

انا هحوط صور الاول وبعدين نتكلم



Uploaded with ImageShack.us

الاسهم تشير الى المواسير اللي هنقوم بعزلها وطبعا لازم هنشيل الفلتر عشان هو مخبي جزء كبيرر من الماسوره تحته




Uploaded with ImageShack.us

ودي صوره كمان وصباعي مشاور على الماسوره


هنستخدم في الحوار ده مقس وبكره شيكرتون والخرطوم العازل اللي صورته تحت
الصراحه انا ملقتش اللزق اللي asemx عامل به والراجل قالي ده عازل برده بيستخدموه بتوع التكييفات والتلاجات هو بيبتاع قطعه كده تقريبا 1.5 او 2 متر ب 4 جنيه



Uploaded with ImageShack.us



(ملحوظه لازم يكون عندك صبر عشان الموضو رخم بجد لان الحوض صغير جداااااااااا وفي جزء من الماسوره تحت قدام الفرن ومفيش مساحه تدخل ايدك وحاجه تقرررررررررف الاسهل بقه تشيل الاكصدام الامامي عشان يبقى في مساحه ويطلع شغل صح )



المهم هنبدأ نجيب الكاوتش ونقطعه ( الاحسن طبعا تبقى الماسوره معزوله كجزء واحد لكن للاسف لصعوبه الموضو لضيق المساح اضطريت اقطعه اجزاء) نقص قطعه وبعدين نشقا نصفين ونلبسها للماسوره (نخليها تاخد الماسوره بالحضن )ونبدأ نلف عليها شيكرتون عشان تثبت جزء جزء كده الموضوع اخد مني بتاع 1.30 ل 2 ساعتين شغل

وطبعا اريت الشيكرتون يكون اسود او تجيب افايز حديد صغيره تبقى احسن كمان(للاسف ملقتش وكمان الشيكرتون لونه ازرق فالمنظر مش عاطفي بس دي تجربه اولى لو عجبني هعملو من الاول على نضافه اكتر )


ودي الصور النهائيه

دي الماسوره الي تحت الفلتر




Uploaded with ImageShack.us



وده الجزء الارخم على الاطلاق واللي مش راضي عنه ننهائي وهو الجزء اللي تحت عند الفرن اما الاكصدام اللي هو البدايه بتاعت الماسوره من الكومبريسور




Uploaded with ImageShack.us


وبكده يكون خلص الاجزء الاول من pimp my sirion او ظبطلي سريونتي
وشكرا خااااص للاستاذ asemx1 اللي ساعدنا كلنا ويارب ما يزعلش اني اقتبس منه الفكره دي

ياريت المشاركه بس الله يكرمكم عشان الواحد ما يكسلششششش يكمل وياريت نصحصح كده ونشوف تفاعل ومواضع مفيده

اخوكم شريف

تم تعديل العنوان بما يتناسب مع الذوق العام
3أ
11092010/0418