كام تساؤل علي السريع بخصوص سيريونتي

**MoToRiZeR** · 20-08-2008 11:59 PM

مساء الخير يا جماعة

عندي كام سؤال كدة بخصوص التوكيل و الكارتيرة و التابلوه

نبدأ التابلوه .. الحتة الدهبي اللي في التابلوه عندي قشرت ( برواز التكييف و الكاسيت ) .. كنت حاطط معطر من اللي بيتعلق في شباك التكييف و الزيت مش عارف ازاي طلع برة العبوة و باحتكاكها مع التابلوه قشرت حتة بقي لونها أسود .. بصراحة هي معكناني جداَ لأنها في وشي علي طول .. يا تري ليها حل ولا اتعايش ؟ يا رب يكون ليها حل !

تاني حاجة دلوقت الكارتيرة مكان المسمار اللي بيشبك في طرف الإكصدام ده اتقطع .. يبقي باظت كدة ؟ و لو باظت هل هي موجودة في التوكيل ولا اشتريها الأول من عرابي و اروح اركبها زي استاذة ara ؟ انا شلتها لأنها كانت بتحك مع العجلة ..

أخر نقطة .. انا العداد عامل 9450 كيلو .. أروح التوكيل اليومين دول ولا استني اعملهم في صيانة العشرة و خلاص ؟

مشكورين مقدماَ

**Ahmed Anwer** · 21-08-2008 03:41 AM

المشاركة الأصلية كتبت بواسطة MoToRiZeR

تاني حاجة دلوقت الكارتيرة مكان المسمار اللي بيشبك في طرف الإكصدام ده اتقطع .. يبقي باظت كدة ؟ و لو باظت هل هي موجودة في التوكيل ولا اشتريها الأول من عرابي و اروح اركبها زي استاذة ara ؟ انا شلتها لأنها كانت بتحك مع العجلة ..

محمود باشااا ،،

دي النقطة اللي ممكن افتيلك فيها ،،

بازت اهه ،، بازت ،، و تغيرها

ياما هيكون فيه حل بديل انك تركب ورده او حاجة بديلة تمسك بيها الكارتيرة

و لازم تعملها بسرعة لانها هيا اللي بتمنع الطين و الميه انهم يتراكموا تحت الرفرف

و الله اعلم ،،

**askoda** · 21-08-2008 01:51 PM

if you want to make syanet el10000 yadoob te7gez mn delwa2ty 3ashaan elmawa3ed kaman shahr :(

**MoToRiZeR** · 21-08-2008 07:48 PM

احمد باشا انور شكرا عالنصيحة

هي انا قلت باظت برضه بس هلاقيها في التوكيل ولا لأ ؟ هذا هو السؤال .. هي الكارتيرة اللي ورا في اليمين ..

انا سمعت ان مواعيد الصيانة بقت بعيد فعلا فبفكر أحجز من دلوقت شكرا استاذ اسكودا

بس هو أكتر حاجة معكننة عليا تقشير التابلوه ده مخلياني عايز اولع في نفسي
يا هل تري ليها حل

**Ahmed Selim** · 21-08-2008 07:59 PM

المشاركة الأصلية كتبت بواسطة MoToRiZeR

احمد باشا انور شكرا عالنصيحة

هي انا قلت باظت برضه بس هلاقيها في التوكيل ولا لأ ؟ هذا هو السؤال .. هي الكارتيرة اللي ورا في اليمين ..

انا سمعت ان مواعيد الصيانة بقت بعيد فعلا فبفكر أحجز من دلوقت شكرا استاذ اسكودا

بس هو أكتر حاجة معكننة عليا تقشير التابلوه ده مخلياني عايز اولع في نفسي
يا هل تري ليها حل

حصل معايا نفس الموضوع ده ومش لاقيله حل

اللى مصبرنى شوية أن التابلوه فى عربيتى أصلاً أسود وعشان كده الحمد لله مش باينة قوى

ممكن تشوف حد بتاع أستيراد يكون عنده الجزء ده مع أنه لو كان موجود هيكون مع تابلوه أو كونسول كامل وممكن ميرضاش يفكه منه

**أبو عبدالله** · 23-08-2008 01:06 AM

المشاركة الأصلية كتبت بواسطة MoToRiZeR

مساء الخير يا جماعة

عندي كام سؤال كدة بخصوص التوكيل و الكارتيرة و التابلوه

نبدأ التابلوه .. الحتة الدهبي اللي في التابلوه عندي قشرت ( برواز التكييف و الكاسيت ) .. كنت حاطط معطر من اللي بيتعلق في شباك التكييف و الزيت مش عارف ازاي طلع برة العبوة و باحتكاكها مع التابلوه قشرت حتة

بقي لونها أسود .. بصراحة هي معكناني جداَ لأنها في وشي علي طول .. يا تري ليها حل ولا اتعايش ؟ يا رب يكون ليها حل !

تاني حاجة دلوقت الكارتيرة مكان المسمار اللي بيشبك في طرف الإكصدام ده اتقطع .. يبقي باظت كدة ؟ و لو باظت هل هي موجودة في التوكيل ولا اشتريها الأول من عرابي و اروح اركبها زي استاذة ara ؟ انا شلتها لأنها كانت بتحك مع العجلة ..

أخر نقطة .. انا العداد عامل 9450 كيلو .. أروح التوكيل اليومين دول ولا استني اعملهم في صيانة العشرة و خلاص ؟

مشكورين مقدماَ

للأسف يا محمود اول موضوع ده لا يوجد له حل لأن ببساطة الحته اللي راحت دي خلاص اتحللت من الزيت اللي وقع عليها واحنا هنا في المنتدى كان في تحذير من الموضوع ده

وربنا يعوضك ان شاء الله

اما ثاني موضوع فمعلشي هتعبك صورلي الوضع بالظبط لأني مش فاهمه
يعني انا عارف الكلبس اللي جواه مسمار
ايه بقه اللي اتقطع
لو كلبسات بتتباع عادي وتركبه بأيدك لو الكارتيره هيا اللي اتقطع الفتحه اللي بيدخل فيها الكلبس ممكن تتلحم عن اي واحد بتاع بلاستيك او فيبر في ناس للحاجات دي

بس صورهالي وان شاء الله خير

اما موضوع الصيانه فعادي سواء عديت 10 الفا او معدتشي انت براحتك عادي شوف اللي يناسبك انت

وانا في انتظار ردك ان شاء الله

**MoToRiZeR** · 24-08-2008 11:14 PM

شكرا لأهتمامك ابو عبد الله إن شاء الله اصورها الصبح
اللي حصل ان المكان اللي بيدخل فيه المسمار البلاستيك في الكارتيرة اتقطتع
يعني الفتحة كلها طارت .. مفيش حتة تتلحم حتي .. بقت مسطرة كدة

**osama_alam** · 29-08-2008 12:56 AM

المشاركة الأصلية كتبت بواسطة MoToRiZeR

نبدأ التابلوه .. الحتة الدهبي اللي في التابلوه عندي قشرت ( برواز التكييف و الكاسيت ) .. كنت حاطط معطر من اللي بيتعلق في شباك التكييف و الزيت مش عارف ازاي طلع برة العبوة و باحتكاكها مع التابلوه قشرت حتة

بقي لونها أسود .. بصراحة هي معكناني جداَ لأنها في وشي علي طول .. يا تري ليها حل ولا اتعايش ؟ يا رب يكون ليها حل !

بقولك يا باشا انته ممكن تشتري استيكر ماللي بيتلزقوا من بتوع اكسسوار العربيات حاجة دهبي شيك اوي وتلزقوا على المكان اللي وقع عليه الزيت حيدريها ويحلي شكلها كمان

**OldVic** · 29-08-2008 01:12 AM

مساء الخير،

واضح إنك موسوس زى حالاتى، بالنسبة للتابلوه رأيى انك ما تلعبش فيه، و لا تدهنه و لا تبحث عن قطعة استيراد و لا تخلى حد يقربله لان أى "تلصيمه" من دول حتخلى المنظر اسوأ.

الكارتيره: أى واحد بتاع بلاستيك ممكن يصلحها.