الموضوع: حادث سيارة لوجان

المشاركة الأصلية كتبت بواسطة AbO_FaRaH

هو طبعا التوكيل اضمن...بس لوتسطيع دفع المبلغ للتوكيل ثم استلام فلوسك بشبيك بعدها بفتره مع نسبه تحمل 10%

اما الورش بتكون اسرع وبدون نسبه تحمل وانت بتدخل عليهم بالبوليصه من غير ما تدفع اى حاجه ....

المشاركة الأصلية كتبت بواسطة AbO_FaRaH

وطبعا شركه التامين بتحاول تخليك تصلح فى ورشه عشان التوكل بيكون غالى جدا.....من راى شوف الورشه ديه كويسه ولا ايه نظامها.....

او تروح للعقيد خالد وهو ها يصلح العربيه وتطلع لك فاتوره من عنده وانت تحسب شركه التامين لو ينفع

بس الاهم ان شغل العقيد خالد مضمون 100%..العربيه ها ترجع زيرو

انا عن نفسى عندى خبطه فى العربيه بس ناوى اعملها اخر السنه هاتشوف كده لو شركه التامين رضيت انى اصلح بره عن حد معرفتى ويكون مضمون........والعقيد خالد ممكن بدنى فاتوره هاعمل كده على طول

- على فكره انا جربت موضوع التوكيل وشوفت ازاى شركه التامين بتحاول تقرف فيك وتعمل خمسين مشور لحد
مايجى المهندس ويشوف العربيه وفيه حاجات يوفق عليها وحاجات...ويفصل مع التوكيل.....وبعد كده يصلح العربيه
وتورح نستلم وتدفع انت من جيبك.........وتروح الشركه وتطلع شيك بعدها بااسبوعين....
بعد كده تروح تصرف الشيك مطروح منه 10% نسبه تحمل

وانا هفكر فى حوار الورشه مشكور اخى على ردك وتعاونك

وبص دى بعض الصور للعربيه عايز اخد رايك
الحاجات دى سهله التصليح فى الورشه
ولا التوكيل احسن

وكنت عايز اعرف الحاجات اللى انا كاتبها فى التقرير صح ولا فى حاجه زياده انا نستها عشان تصلح

اولا الف سلامه عليك وخدت الشر وراحت والمهم انك سليم ويخفف عنك الزعل انك مامن ولو انى حاسس ان التامين ده بيجيب الفقر للعربيه عشان الشبهه فيه قدر الله ماشاء فعل استفسار صغير واضح ان العربيه واخده الجنب كله ياريت توضحلنا ازاى حصلت ومع عربيه نوعها ايه وايه التلفيات اللى حصلتله وهل اللى عندك ده منطقى مع الحادثه ولا بسبب ضعف الشديد للصاج والف سلامه عليك

المشاركة الأصلية كتبت بواسطة abo_farah

انا قولت لك غلى حور الورشه عشان مش عارف ظروفك هل انت ممكن تدفع للتوكيل الاول من جيبك الخاص؟؟؟
...وانت فاضى تعمل كذا مشور مع التوكيل وشركه التامين....هو طبعا التوكيل هاراجع العربيه زيرو...

ربنا معاك وانت عاوز اى حاجه منى انا تحت امرك طبعا....مش هاينفع اقول راى فى الموضوع ده والعقيد خالد موجود

ربنا يكرمك يارب وان شاء الله هكلم العقيد خالد وآخد رايه

ومن ناحية التوكيل المهم عندى ان العربيه ترجع زى الاول مش مهم حكاية انى ادفع فى الاول او اروح كذا مشوار
المه ترجع زى الاول

المشاركة الأصلية كتبت بواسطة amrelzawawy

اولا الف سلامه عليك وخدت الشر وراحت والمهم انك سليم ويخفف عنك الزعل انك مامن ولو انى حاسس ان التامين ده بيجيب الفقر للعربيه عشان الشبهه فيه قدر الله ماشاء فعل استفسار صغير واضح ان العربيه واخده الجنب كله ياريت توضحلنا ازاى حصلت ومع عربيه نوعها ايه وايه التلفيات اللى حصلتله وهل اللى عندك ده منطقى مع الحادثه ولا بسبب ضعف الشديد للصاج والف سلامه عليك

الله يسلمك يا غالى
هى مشكله حكاية الشبهه دى ربنا يستر بقى وانا هبقى اسال فى الموضوع ده

بالنسبه للحادثه حصلت ازاى

انا كنت ماشى فى المعادى طريق الكورنيش عند المدخل التانى كده
وفجاه لاقيت عربيه تيوتا كورولا طايره من الاتجاه التانى وعدت الرصيف ودخلت فيا وعملت اللى انت شوفته
هو كان ماشى بسرعه كبيره وكان بيفادى بنت معديه فى الطريق

هو عنده العربيه ادمرت من الامام خالص

يلا ربنا سترا الحمد لله ان الخبطه جت ورا مش قدام

وقدر الله وماشاء فعل