الموضوع: عن تجربة سنتين يونايتد جروب لأ لأ لأ - السبع يكسب يكسب

احب اسجل مشاركتى فى موضوعكم وابلغكم انى روحت عملت صيانة ال10 الاف لعربيتى فى يونايتد جروب يوم الاحد 3-10-2010 ولأنى كنت مستعجل جدا ومشغول كلمتهم يوميها الصبح الساعة 10 كده احجز قالولى مافيش حجز نفس اليوم ولو عاوز اروح اخد دورى
طبعا قررت اروح وامرى لله وصلت هناك على 3 العصر وهما اساسا بيقفلوا 5 وحصل انى سلمت العربية وقولت لمهندس الاستقبال على ملاحظاتى وطلعت الاستراحة
وفعلا الحمد لله خلصوها على 5 وربع كده وكانت اخر عربية خارجة من الورشة مع عمل الاتى:
تغيير زيت موبيل 1 10 الاف كم وفلتر وتربيط عفشة واستكمال سوائل العربية وضبط التيل ورجلاش فرامل اليد والذى منه
انا كان ليا شكوى من مفتاح زجاج الباب الامامى يمين بيعلق يعنى ساعات بيطلع وما ينزلش
المهم لقيتهم غيروا وحدة تحكم مفاتيح الزجاج والسنتر اللى فى باب السائق لأنها تقريبا كانت عاملة قفلة او مش موصلة الامر وطبعا فى الضمان من غير اما اطلب وتمنها ب450ج
انا كمان كنت عاوز ازبط زوايا واعمل تبديل للعجل
لقيته عندهم بالحجز وغالى قولت اطلع على كالتكس عباس العقاد عند بريدجستون بدل العجلات ب10ج وزبط الضغط نيتروجين من جديد وزبط زوايا ب25ج والعربية رجعت تمام وزى الفل