الموضوع: تسارع البومة مع الشارك والسيراتو والمازدا 3 ... مفاجأه

لازم تقرا الموضوع من الأول يا شريف علشان تفهم يعني إيه لانسر...

المشاركة الأصلية كتبت بواسطة boma

يا جماعه اللانسر بومه سوبر اكشن فى التسارع تعدى من المازدا 3 و الشارك والسيراتو ولا لاء وبالنسبه للثبات هى ولا العربيات ديه ... انا امبارح تسابقت مع واحد صاحبى معاه شارك مانوال وانا بومة 1600 اتوماتيك فؤجئت بيه عدى وطار من 0 الى 100 وانا لسه عند 60 مثلا ولكن لما جمعت السرعه وعديت ال 140 طلعت منه وسبقته واختفيت من اودامه كمان ... و جربت التسارع مع السيراتو وحصل نفس الحكايه بس اسهل بكتير لان السيراتو كانت اتوماتيك زيى بس طلعت منها بسهوله عند 120 تقريبا انما المازدا 3 عدى منى وطار ومعرفتش اجيبه خالص الا لما غيرت الفتيس على dsوكانت المفاجأه انى عديت منه وبفارق كبير جدا وهو كان مستغرب اوى وفرحت باللانسر حبيبتى وعرفت ان البومة سوبر اكشن هى فخر الميتسوبشى ودايما تشرفنا ومتكسفناش ابدا ... يا ريت اعرف ارائكم

عفوا استاذى المحترم هذا الكلام غير صحيح بالمرة دة عيب سواق بكل تأكيد انا معايا شارك اوتو وشديت مع واحد صحبى بومة مانيوال والعربيات كانت شادة مع بعضها من البداية وفرقت منه بعد 140 ماشفنيش
يعنى لو معايا شارك مانيوال تخيل كنت هاعمل ايه معاه علشان القصة اصلا ازاى تشد مش فى قوة العربية وخلاص ولا موتورها الدوسة بتفرق
ولو عايز تجرب وتشد معايا انا مستعد و اوتو قصاد اوتو
واسف على الاطالة

يا جماعة انا شايف ان التجارب الفردية دي كلها مش هتبين انهي عربية من دول اسرع لان حالة العربية في كل مرة من المرات مش بتكون ثابتة اكيد مش كل العربيات اللي من نفس الموديل بنفس الحالة و اكيد كمان مش كل اللي بيسوقوا العربيات دي زي بعض.. المقارنة ما بين العربيات دي في الغالب ممكن تعملها من مواصفات كل عربية و تشوف امكانيات الموتور من عزم و هورس باور عشان تعرف انهي منهم فعلا اقوى بعيدا عن كل التجارب الفردية اللي عند الناس اللي فعلا هتختلف من واحد للتاني ... على فكرة انا معايا كريستالة فيها 2000 cc بيطلع 130 حصان و 177 عزم و طلعت بيها من عربيات كتير موديل السنة منهم الشارك والسيراتو على فكرة عربيتي موديل 98 ...