الموضوع: تسارع البومة مع الشارك والسيراتو والمازدا 3 ... مفاجأه

بالنسبه للسوبر اكشن هى اوتو وهى معايا هى تسرعها تحفه بفضل الفتيس السى ف تى لحد سرعه 100 وبعدى من كل دول مرتاح بس بعد الميه مش اوووى وضبط عربيتك فلاتر وبوجيهات وزيت موتور نظيف وتطلع منهم بسهوله بس يا جماعه خلى بالكو الموضوع بس عايز تبقى بتعرف تطلع قوه العربيه صح فى الدوسه مش اى كبسه وخلاص لان فى ناس بتكبس العربيه صوت الموتور يعلى ومفيش اى استجابه وطبعا ديه بتبقى من رجلك انت

انا بدوس بنزين بسيط جدا مش بقرص ولا بخلى الار بى ام يعلى انا لو خليته يعلى هجيب 100 فى اقل من 7 ثوانى انما انا قصدى انى بجيب السرعات مستريح اوى وبلمس بنزين وده معناه انها عربيه قويه جدا انها تجمع وتسبقهم بطريقه السواقه ديه والدليل انى لما بجيب السبورت العربيه تسبق اى عربيه تانيه مهما كان موديلها او نوعها .. فى رأيى الشخصى وبامانه الانسر السوبر اكشن احسن عربيه فى مصر بالنسبه للفئة بتاعتها ومحدش يزعل لو قلت انها احسن من الكرولا والسيفك والمازدا وبالتاكيد هى لا تقارن بالعربيات الكورى لان فرق السما من الارض من الظلم ان ناس تشبهها بالالنترا او السيراتو او الكروز الانسر اقوى بكتير جدا وموتورها كامه واحده بس جاحد ومفترى

السلام عليكم
طبعا موتور اللانسر 1600 ممتاز ولا خلاف عليه لكن المشكلة ان التكييف بياثر عليه جامد و لو حضرتك جربت سحبه مع التكييف هتلاقى الموضوع مختلف.
اما بالنسبة للسباق اللى حضرتك ذكرته فاسمحلى اختلف معاك فى حالة المازدا لانها عربية فعلا جراية جدا جدا و انا جربت اسافر بيها اسكندرية و سحبها كان اكثر من راااائع و طلعت بيها من لانسرات كتيير علما كمان انها كانت ايجار فاكيد لو عربية شخصيه هاتكون احسن و كمان بصراحة اتقطعت منها كتيييير على الطريق لغاية لما اتعقدت علما انى معايا فيرنا مانيوال و قوة ماتورها معروفة للجميع.
اما بالنسبة للشارك و السيراتو انا مش مجربهم فى الجرىز

تحياتى

المشاركة الأصلية كتبت بواسطة boma

يا جماعه اللانسر بومه سوبر اكشن فى التسارع تعدى من المازدا 3 و الشارك والسيراتو ولا لاء وبالنسبه للثبات هى ولا العربيات ديه ... انا امبارح تسابقت مع واحد صاحبى معاه شارك مانوال وانا بومة 1600 اتوماتيك فؤجئت بيه عدى وطار من 0 الى 100 وانا لسه عند 60 مثلا ولكن لما جمعت السرعه وعديت ال 140 طلعت منه وسبقته واختفيت من اودامه كمان ... و جربت التسارع مع السيراتو وحصل نفس الحكايه بس اسهل بكتير لان السيراتو كانت اتوماتيك زيى بس طلعت منها بسهوله عند 120 تقريبا انما المازدا 3 عدى منى وطار ومعرفتش اجيبه خالص الا لما غيرت الفتيس على dsوكانت المفاجأه انى عديت منه وبفارق كبير جدا وهو كان مستغرب اوى وفرحت باللانسر حبيبتى وعرفت ان البومة سوبر اكشن هى فخر الميتسوبشى ودايما تشرفنا ومتكسفناش ابدا ... يا ريت اعرف ارائكم

مع احترامي لكلام لحضرتك لاكن من عاشر المستحيلات ان بوما اوتوماتيك تطلع من شارك مانيوال الا ادا كان عيب سواق

المشاركة الأصلية كتبت بواسطة khaledmekawy2008

هو عربية حضرتك خليجي ولا وكيل ؟؟ ومعلش سؤال كان في استاذ معانا فالمنتدي كنت اتناقشت معاه وقالي معلومة حابب اعرفها منك برضه الرخصة بتاعتك مكتوب فيها عدد السيسيهات كام 1600 بالتمام ولا اقل شوفها فالرخصة مكتوبة كام؟؟

خليجى يا باشا و الرخصه مكتوب فيها 1600 سى سى وعلى فكرة قوة الحصان فى الخليجى اكبر بكتير من المصرى وطبعا ده بيفرق فى قوة السحب .