انا مش ناوى أتجوز!
عرض للطباعة
انا مش ناوى أتجوز!
باختصار,
البنت مالهاش ذنب انها اتأخرت فى الزواج فياريت كل واحد فينا يراعى المسألة دى و يضغطش على جرح حد و كل شويه يفكره او يرميه بكلمه لأن ممكن ببساطة اخته او بنته ممكن تتحط فى الموقف ده
هو اية الى مش مفهوم ياشباب ؟؟
الموضوع و ما فية زى ما الاستاذdr_mido ما قال ..
و دة كلام نحترمة فعلا عشان بيناقش حاجة موجودة فعلا ..
بس الموضوع دة معتقدش انه لسة موجود....لان زى ما سن البنات تعدى العشرينات و الثلاثينات...الرجالة كمان تعدى سنهم الثلاثين و الاربعين ولسة متجوزش
الموضوع ملوش علاقة بسن اكتر منه ان ظروف المعيشة هى الخلت سن الزواج يتعدى السن الكان معروف قبل كدة فى القري و المدن
يعنى ولا البنت ولا الولد لهم ذنب فى مشكلة العنوسة
ظروف المعيشة وغلاء الاسعار و ...............
هم السبب
الفكره وصلت بس الموضوع بدون زعل ملخبط شويه يعني الكلام داخل في بعضه كده
المشكله فى العنوسه او تأخر الزواج عند البنات او الرجال مش فيهم او عيوبهم او شكلهم او كانت جميله او وحشه او غيره من الصفات
حضرتك مثلا شاب عنده 25 سنه بيشتغل مرتبه بين 600 جنيه الى 1000 جنيه و قولى لو عنده حظ مثلا و اهله كان عندهم شقه اضافيه و جوزه فيها ده لو محظوظ ياعنى تفتكرى ياعنى بالاف جنيه ديه هيقدر يصرف على بيته و على ابنه المولود و هيعشهم فى مستوى مش عايز اقول عالى لا تحت المتوسط مش هيعرف ده غير ان ممكن يكون جايب حاجات قسط
طب واحد زى كده بلاها جواز و بلاها اى حاجه اه انا عايش و بصرف على نفسى كويس و مش متحمل مسئوليه ومش واجع دماغى و مصاريف و بتاع و مش زانق نفسى و الحياه حلوه
ولو حاول يقضى شهوته و اسف جدا انى هتكلم كده بيضطر ياخد سكه غلط وده بسبب الدوله المعفنه الى احنا فيها يا بياخد كل تحويشه العمر و يروح يسافر على ايطاليا او اليونان او اى حته و شايف روحه على كفه ومش هامه حاجه مات او غرق او اعتقل او اتسجن او غيره غيره غيره
و شوفى الغلاء ياعنى معلش فى الكلمه انا لو حبيت اتعشا فول و طعميه و عيش و شويه مخلل مش اقل من 7 جنيه ده لو عايز اكل فول و طعميه عدليين ياعنى حاجه تشل ولو حبيت مثلا اعزم اهل بيتى اننا ناكل بره فى اى حته احتمال ربع المرتب يتاكل
هو مفيش حد عايز يترجم الكلام ده ليه يا جماعه
ممكن صاحبته الموضوع تضرب واحد نسكافية كدا وتروق وتنزل الترجمة اذ ربما نفهم