الموضوع: عايزة اتجوز-------------------------(1)

باختصار,
البنت مالهاش ذنب انها اتأخرت فى الزواج فياريت كل واحد فينا يراعى المسألة دى و يضغطش على جرح حد و كل شويه يفكره او يرميه بكلمه لأن ممكن ببساطة اخته او بنته ممكن تتحط فى الموقف ده

المشاركة الأصلية كتبت بواسطة khaled_bibo

على النعمه الراجل ده بيكلم كلام زي الفل و لو اني مش فاهم حاجة بس فكرة الموضوع حلوه

كلام زى الفل مدام قال دراع مرسي يبقى بتتكلم صح

المشكله فى العنوسه او تأخر الزواج عند البنات او الرجال مش فيهم او عيوبهم او شكلهم او كانت جميله او وحشه او غيره من الصفات
حضرتك مثلا شاب عنده 25 سنه بيشتغل مرتبه بين 600 جنيه الى 1000 جنيه و قولى لو عنده حظ مثلا و اهله كان عندهم شقه اضافيه و جوزه فيها ده لو محظوظ ياعنى تفتكرى ياعنى بالاف جنيه ديه هيقدر يصرف على بيته و على ابنه المولود و هيعشهم فى مستوى مش عايز اقول عالى لا تحت المتوسط مش هيعرف ده غير ان ممكن يكون جايب حاجات قسط
طب واحد زى كده بلاها جواز و بلاها اى حاجه اه انا عايش و بصرف على نفسى كويس و مش متحمل مسئوليه ومش واجع دماغى و مصاريف و بتاع و مش زانق نفسى و الحياه حلوه

ولو حاول يقضى شهوته و اسف جدا انى هتكلم كده بيضطر ياخد سكه غلط وده بسبب الدوله المعفنه الى احنا فيها يا بياخد كل تحويشه العمر و يروح يسافر على ايطاليا او اليونان او اى حته و شايف روحه على كفه ومش هامه حاجه مات او غرق او اعتقل او اتسجن او غيره غيره غيره

و شوفى الغلاء ياعنى معلش فى الكلمه انا لو حبيت اتعشا فول و طعميه و عيش و شويه مخلل مش اقل من 7 جنيه ده لو عايز اكل فول و طعميه عدليين ياعنى حاجه تشل ولو حبيت مثلا اعزم اهل بيتى اننا ناكل بره فى اى حته احتمال ربع المرتب يتاكل

المشاركة الأصلية كتبت بواسطة seiffoz

انا مش ناوى أتجوز!

اشطه اوى يا سيف خدنى معاك انا كمان شكلى هكبر