[QUOTE=ams;3873030225][QUOTE=charming;3873030045]
هههههههههههههههه
ربنا يكرمك
بس لا يا عم مش عاوز عمر مديد
الامتحان صعب و انا عاوز اروح بدرى :36_9_4:
حلو قوى التوقيع بتاعك على فكرة :vctry:
دى قصيدة الاصمعى صوت صفير البلبلى
عرض للطباعة
[QUOTE=ams;3873030225][QUOTE=charming;3873030045]
هههههههههههههههه
ربنا يكرمك
بس لا يا عم مش عاوز عمر مديد
الامتحان صعب و انا عاوز اروح بدرى :36_9_4:
حلو قوى التوقيع بتاعك على فكرة :vctry:
دى قصيدة الاصمعى صوت صفير البلبلى
المشكلة في الموضوع ان افكاره مش مرتبه عشان كدة في ناس مش فاهمة وفي ناس قرت تخاطيف وانا منهم واللي خلاني افهم مضمون الموضوع هو عنوانه اللي هو عنوان تمثيلية هند صبري
انا معرفش المدونة دي واول مرة اسمع عنها بس شوفت المسلسل
اه مضحك اول حلقة وتاني حلقة بس واخرتها ايه
كل الحلقات شبه بعضها وفيها اسفاف واستهبال .. ده بالنسبة للمسلسل
نيجي بقه للمضمون او المغزى من الموضوع ... ديما كنت اعلق علي المسلسل ان مهين وجارح للبنات اللي لسه نصيبهم مجاش
المسلسل مش بيحل مشكلة ولا بيعالجها بالعكس طريقة هند صبري ولهفة ولهفة اهلها انها تتجوز اي واحد والسلام ومحاولتهم المستمرة في اصطياد عريس فيها سخرية واسفاف وانا متأكدة ان اي بنت تأخرت الزواج لو كانت بتتفرج على المسلسل ده اكيد هتبقه متضايقة
اما اللي بيعاير حد بأي حاجة خارجة عن ارادته فعايزة اقوله انت ممتعرفش ربنا ممكن يعاقبك بأيه ويبتليك بأيه والناس تعايرك بيه في المستقبل
اتقوا ربنا وبلاش تجريح في خلق الله ..
ما هو البنى ادم دة..........ما بيفتكرش ربنا الا لما ربنا يبتليه بمرض او بمصيبة عشان يعرف قيمة الصحة....حسبنا الله و نعم الوكيل....دة راجل عاوز الح.............:M_yes[1]: و لو بنته هى الربنا ابتلاها بمرض...هيرضى انه يجرح فيها قدام الناس.....يبقى مسمى رجل كتير اوى عليه الشحص دة
[quote=نور القمر;3873030494]
المشكلة في الموضوع ان افكاره مش مرتبه عشان كدة في ناس مش فاهمة وفي ناس قرت تخاطيف وانا منهم واللي خلاني افهم مضمون الموضوع هو عنوانه اللي هو عنوان تمثيلية هند صبري
انا معرفش المدونة دي واول مرة اسمع عنها بس شوفت المسلسل
اه مضحك اول حلقة وتاني حلقة بس واخرتها ايه
كل الحلقات شبه بعضها وفيها اسفاف واستهبال .. ده بالنسبة للمسلسل
نيجي بقه للمضمون او المغزى من الموضوع ... ديما كنت اعلق علي المسلسل ان مهين وجارح للبنات اللي لسه نصيبهم مجاش
المسلسل مش بيحل مشكلة ولا بيعالجها بالعكس طريقة هند صبري ولهفة ولهفة اهلها انها تتجوز اي واحد والسلام ومحاولتهم المستمرة في اصطياد عريس فيها سخرية واسفاف وانا متأكدة ان اي بنت تأخرت الزواج لو كانت بتتفرج على المسلسل ده اكيد هتبقه متضايقة
اما اللي بيعاير حد بأي حاجة خارجة عن ارادته فعايزة اقوله انت ممتعرفش ربنا ممكن يعاقبك بأيه ويبتليك بأيه والناس تعايرك بيه في المستقبل
اتقوا ربنا وبلاش تجريح في خلق الله ..[/
quote]
+111111111111111111111111111111111111111111111
ده حاجه مقدرش اقول عليه بني ادم بس كائن ميعرفش ربنا ربنا يهديه
لا يدخل احدكم الجنه حتي يجب لأخيه ما يحبه لنفسه ...ميتقالوش غير اتقي الله يا عبد الله
من وجهة نظري الشخصية المحدودة في الموضوع ده مفيش كلمة عانس ده الزواج او الارتباط ده ناتج عن اسلوب البنت وثقتها بنفسها لو اي شاب حس ان البنت ملهوفة زي المسلس او زي اي بنت علي الزواج ما بتبقي ملهوفة وكل همها الزواج وبس او انشاء علاقة اكيد مش هيفكر فيها لو هي فعلا كده مش بتصتنع ده او بتفتعل حركات توضيحية للراجل بمعني ان اي شاب حاليا بيتمني البنت المودبة المثقفة اكيد علي درجه علمية عالية وطبعا جميله بس عايزها بشخصية مش تابع لاهواء او اراء وبعدين لو فيه سن للعنوسة ليه بلادبرة معندهمش الكلمة ده طبعا بدون التطرق لظروف حياتهم او طريقتهم في الصداقة والعلاقات بس لانهم قدرا يتغلبوا علي ده باسلوبهم حتي لو كان غلط يبقي احنا كمان ندور علي حل والحل علي فكرة بسيط لو كل واحد اهتم بشي وكرس ليه حياته ونسي كل شي هيلاقي حياته طبيعية جدا وهتسير بمنتهي اليسر وكله بالاخر بياخد النصيب والي اتكتبله من يوم مولده ولا اكتر ولا اقل والكل ان شاء الله نهايتة الطبيعية الزواج يعني مفيش اللفظ ده ........عانس ........
عارفين المشكلة فى ايه ان معظم اللى حوالين البنت اللى اتاخرت فى الجواز فاكرينها بتتنطط يعنى موش عاجبها حد مع ان الموضوع ببساطة انها ماجلهاش نصيبها بس
لكن الناس لازم تتكلم وتقول هاتفضل ترفض لامتى مفيش بنت بترفض للرفض ولا عشان (تصطاد حد احسن ) لا هو قسمة ونصيب
اكبر مشكلة هو زن الاهل والاقارب والمعارف السؤال الممل اللي في كل وقت وبمناسبة ومن غير مناسبة (( هي محدش بيتقدم لها ... هي لسه متخطبتش .. هي بترفض العرسان ليه .. وماشابه من الاسئلة))
اللي فعلا بتأثر على البنت تأثير سلبي على نفسيتها وعلى تصرفاتها وعلى قرارتها وبالتالي بيبقه عندها استعداد للتنازل للارتباط بأي عريس يتقدم لها والسلام لمجرد انها تُخرس ألسنة الناس
ولو كل واحد مننا بص حواليه هيلاقي اكتر من بنت في العيلة وافقت على شخص باين من عنوانه انه مش مناسب ليها نهائي لمجرد انها عايزة ترتبط
عندي واحدة قريبتي 30 سنة والله لا يعيبها شيء .. اسرة كويسة ومقبولة الشكل واخلاق عالية ودين .. لكن المشكلة لسه النصيب
جالها واحد 44 سنة ارمل وعنده طفلين وقبلت بيه من حيث من المبدأ قبل ماتشوفه
ولما شافته لقيته مش وسيم ومبهدل في نفسه لكن اخلاقه وسمعته كويسة وقبلت بيه
لكن على رأي المثل رضينا بالهم والهم مش راضي بينا ... وهو اللي رجع في كلامه
الموضوع اثر على نفسيها جدا
ارحموا البنات من الزن .. الحياة مش زواج وبس
وياما كان في اختيارات فاشلة ادت لفشل الزيجات وخراب البيوت وتشتت الاطفال بين الابوين
هم دول اللى هيقولوا " هى لسه مخلفتش لحد دلوقتى " يعنى لو الزوجين متفقين على تأجيل الأنجاب سنه او 2 مثلا لحد ما يبقى معاهم المصاريف اللازمه للمولود تلاقى ناس قاعده تزن و خلاص و تبقى سبب مشاكل بين الزوجيين و خلاص و بعد كده يزنزا و يدخلوا فكل حاجه و للأسف النتيجه هى الطلاق
يبقى لو سمحتوا تعالوا على نفسكم شويه و سيبوا الناس فحالها, لما الزوجه او الزوج يطلب النصيحه منكم ماشى انصحوهم مش اكتر
الكلام مش محتاج ترجمة... واللي محسوش عمره مهيفهمه
بغض النظر عن مسلسل التهجيص للي كانت عملاه هند صبري الا انها فالاواخر قالت كلام زي الفل بعد مجالها انهيار عصبي فعلا زي مقلتي
وعلي رأي اعلان جهينه
لطنط شوشو وطنط موني وطنط بيكي وطنط نانا وبيسو واونكل فوزي واونكل صلاح ومني وسلوي ودعاء وميمو
صدقوني انا معرفش هتفرحوا بيا إمتي..
اشرب طبيعي تتكلم طبيعي
يعنى الناس مش فاهمه الموضوع نفسه, كمان اعلان جهينه !!!
انا فاهم 80% من الموضوع بس بجد مش فاهم الأعلان طنط مين و اونكل مين ؟؟ مين دول و بيعملوا ايه هنا ؟؟
اشرب طبيعي تتكلم طبيعي ولا اطلب بالمعقول بنتك تتجوز على طول
هنفرح بيكى ان شاء الله لما ربنا يأذن و يرزقك بأبن الحلال و ان شاء الله قريب جدا
لأ فعلا فية بنات هي و اهاليها بتتنطط على اي حد
و لو كان في مستوى احسن منها كتعليم و اصل و عائلة و مستوى اجتماعي و مالي
بيتعاملوا كأنها سلعه و كل ماييجي عريس يفكروا و يقولوا لأ ممكن ييجي احسن منة
على انها بيعه و بتتم مرة واحدة في العمر ولازم تتم على اعلى مستوى بدل مايندموا
لغاية ما يا تتجوز واحد "فية كل العبر" يطلعه كلة عليها بالبلى الازرق
يا تعنس و تقعد جنب ابوها و أمها و انا اعرف كذا حد كدة
يعني يا متطلقين و قاعدين في بيت ابوهم بعيالهم , يا معدش حد بيتقدملها
ما هو لما واحدة ترفض الضابط و المهندس ووكيل النيابة و رجل الاعمال و اللي بيشتغل برة
و كلهم من عائلات و اصل و فلوس
محدش بعد كدة حايرضى يتقدملها
لأنها بتبقى خالص معروفة (وسط العائلات و الجيران و المعارف انها طالعه فيها)
و محدش عايز يتقدم و يترفض و تتجرح كرامتة
برضه بعد ما تعبت نفسى كل ده لسه الكلمة بتتقال العنوسة
يعنى انت شايف انى عاملة الموضوع ده عشان اشتغل خاطبة
واللى هيوافق على الطريقة دى هو اللى بيوافق عليها فى اعلانات الجمهورية
وانا بريئة من اى حد يعمل الحكاية دى حجة للكلام على الخاص نتعرف بقى الأول عشان بعدين ابقى اتقدم وانا مش موافقة عالطريقة دى
اللى يعجبه اسلوب بنت هنا على المنتدى يطلب يقابلها هىومامتها فى النادى لو مش عايز يدخل البيت من اول مرة وربنا يوفقهم ولو بقيت انا سبب من الأسباب هكون سعيدة ومينسوش يعزمونى على الحنة:36_1_35[2]:
اه ضبطتك متلبس
وانا لسه بقول لما كل اللى بيردوا حلوين ومبيجرحوش حد امال فين اللى بيضايقوا من غير قصد
شوف طريقتك دى جرحت كام واحدة دلوقتى
http://www.tt5.com/files/2010/09/fun...ssue-117-7.jpg
برضه يا تعنس برضه واضح انى بدن فى مالطة
حضرتك ليه مش مستوعب انها ممكن تكون رفضتهم عشان مفيش قبول رغم انه من عيلة وفلوس ومركز زى مبتقول هى مش انسانة من حقها تحس انها تقدر تعيش مع الشخص ده باقى حياتها هل شققت عن قلبها
انا هقولك حاجة شفتها بنفسى الشاب اللى بيترفض مبيرضاش يصدق ابدا ان السبب ف شخصه هو بيدور على اى حجة تانية يعنى واحدة اعرفها رفضت واحد مهندس مفيش قبول وطول القعدة مامته واخته بيشتموا شتايم بيئة ود ه الهزار بتاعهم وهى مستحملتش اظن حقها
فى وسط الكلام هى على فكرة عندها عربية وهى عرفة انه غنى جدا وعنده شقته ومعاه فلوس كويسة فقالها انه بيسافر شغله فى كذا ميكروباص كل يوم فهى استغربت وبكل براءة استفسرت هو ليه مجبش عربية
طبعا لما اترفض اشاع انها رفضته عشان معندوش عربية وراح اشترى عربية احدث موديل ويعلم الله ان العربية ملهاش اى علاقة بالموضوع
ويشاء ربنا انها تعرف اخباره بعد كده مع مراته عشان تبوس ايدها وش وضهر انها رفضت ترتبط بيه ورغم انه غنى بياخد مرتب مراته كل اول شهر كاملا.....الخ
وللأسف دى الأشاعة اللى بتطلع دايما على كل بنت بترفض كذا واحد كأن فى ليميت لعدد معين من العرسان مفروض تقبل بعده مش فى حاجة اسمها التفاهم وتقارب الفكر والروح مش جايز مبتلاقيش فيهم لا دين ولا اخلاق الله اعلم
واللى خايف ده ميعمل استخارة اذا كان شايفها كويسة ويحاول يبعت لها حد يسألها بره الأول اذا كان فى قبول مبدئى قبل ميدخل البيت طالما خايف يتحرج
طب مالبنات بتخاف برضه ماهو ممكن واحد يدخل البيت ويقول معجبتوش مبتتجرحش كرامتها قدام اهلها وقدام الواسطة اللى جابته لو الرجالة هتخاف يبقى القوارير اتفشفشت من زمان
القبول ده حجة كويسة قوى
وهو فعلا من عند ربنا لو هى مش بالعاه تعمل ايه ولو هو مش قابلها يعمل ايه كده ليمون البلد مش هيكفى
اللى عايز يهاجر من مصر:
http://www.tt5.com/files/2010/09/fun...ssue-117-1.jpg
حل ايه طب والبنات اللى هترفض الحل ده والزوجات برضه اللى ربنا سبحانه اعطاهم الحق يرفضوا طب والشباب اللى انت هتحل مشكلة البنات وتسيبهم هم يتفلقوا
وبعدين الشقة والعفش ده حق شرعى من ربنا هتعترض ياريت تروح تقرا الموضوع بتاع المهر وهتاخد بنات السودان وتعمل مشكلة لشباب السودان وبنات مصر
قلنا المشكلة لسه مش فى العدد
علشان الناس تعرف الفلوس مش كل حاجه و ده مثال لواحد معاه فلوس بس ايه النتيجه ؟؟؟
صحبتك رفضته و واحده تانيه وافقت عليه و قالت معاه فلوس و خلاص
صحبتك تحمد ربنا و ان شاء الله ربنا يرزقها بالزواج الصالح
كده افضل, من غير احراج و لو فيه قبول يبقى خير مفيش يبقى خير بردوا
قصدك على تويتى
انا بحترم انك شاركتينا فى حياتك الشخصية
عشان نرد على اللى قال معتقدش ان ده لسه موجود ده موجود والتعليقات البايخة موجودة ومعنى سؤالك ان البنت لما بتعدى ال30
بيبتدوا يجيبوا نوعية خاصة من العرسان زى علا ما قالت السلم نايلو فى نايلو وهيجى اللى كان متجوز قبل كده سواء ارمل او مطلق بأطفال او بدون
ومعنى ده عندى انتقاص من البنت اشمعنى دلوقتى جايبين الناس د ى ومكنش حد يجروء يعرض زمان على واحدة لسه متخرجة طازة من الكلية واحد فى الأربعينات او عنده الظروف دى
انا شخصيا نسيب واحدة قريبتى متجوز 3 مرات قبل كده واتجوز دلوقتى بنت بنوت برضه ومخلف كذا مرة
انا بستفز بقى لما اللى فى الأربعينات عايز واحدة تحت ال 30 لو فى انسة فوق ال 40 تتجوز مين
ولما اللى لم يوفق فى حياته الزوجية مش ر اضى بواحدة مرت بنفس ظروفه هى هتتجوز مين
والأرمل مش راضى بأرملة واللى عنده اطفال مش عايز واحدة عندها اطفال لا عايز بنت تربى له ولاده ايه الأنانية دى
انا واحدة اعرفها اتقدملها واحد من العينة دى وعرضت على الواسطة اللى جايباه من غير مايعرف طبعا واحدة صاحبتها انفصلت بعد سنة واحدة زواج لأن جوزها لا ينجب وهى من عيلة وغنية وصيدلانية والنكتة بقى ان هو منفصل لنفس السبب رفض ومصر ياخد بنت بنوت:dontudear:
يعنى اول مرة تتفقوا تتفقوا عليا ان الموضوع مش مرتب ومش مفهوم
ماشى
اهو الأعضاء مشكورين شرحوا
نرد بقى
1=حكاية المرتب من 600 ل 1000 وعنده 25 سنة
اولا رغم حجة الظروف الاقتصادية د ىامال ايه الناس الل بتتجوز كل يوم دى وايه قناة الأفراح اللى فيها افراح بمئات الألاف 24 ساعة دى ما علينا
معروف ان اللى بيتجوز اما عنده شقة فى بيت اهله او سافر دولة من دول الخليج يكافح وبكده هيقدر يجيب ايجار مؤقت او تمليك
لكن محدش بيقعد هنا ويعتمد على ال 1000 ج ويقول اصرف كده ازاى ولو حصل برضه ربنا هيرزقه وجرب وهتشوف
2=الشعور بالأشفاق بيحسسها بالضعف والفشل طبعا وللأسف هو عادة اشفاق مصطنع وحقيقته شماتة لأن اللى بيشفق على حد بيحاول ميجرحش مشاعره
#وبمناسبة البنت اللى رفضت ناس كتير بوجه سؤال لو انت من الناس اللى اترفضوا ولقيت عريس مناسب ليها وسألك على عروسة هترشحها خصوصا لو عارف انه كويس ولا يمكن احسن منك ولا دى فرصة تنتقم منها وخليها كده وانت شمتان فيها احسن#
3=ان الأيطاليين ترجموا المدونة كصورة متخلفة عن الشرق يعنى هو اللى بيحصل هنا سر اكتب الكلمة فى جوجل هتلاقى فضايح
وانا شايفة ان غادة كانت نيتها خير انا قريت بعض المدونة مش كلها و كانت نقد للمجتمع لمنع كلمة عانس ومنع اعتبار البنت لم تنجز اى شىء لو وصلت لأعلى الأنجازات طالما مفيش زوج واولاد
معرفش ايه اللى حصل فى المسلسل العجيب ده كان محتاج محمد صبحى مش رامى امام
4=حكاية انسات كتير تعدوا ال 50 وكتيييييير بكام ي دى انت خضتنا وعلى قدر من العلم والجمال
انا لله وانا اليه راجعون
لكن احب الفت انتباهك ياما هى بتمثل وبتعمل مش زعلانة لما بتغلط وتقول يا مدام لأن مش معقول مش زعلانة
يا اما هى فعلا عايزة الناس تقول يا مدام وتريحها وخلاص وتفتكرها مدام بدل م تعانى من الله اعلم ايه
5=كلمة عانس على نوعيات معينة دى مفهمتهاش
ولو هى عابسة متراعى نفسيتها ياسيدى انا قلت انتو مش هتربوها
انا صاحبتى يتيمة الاب من وهى طفلة ومن سنتين والدتها اتوفت وعايشة لوحدها و اخواتها مسافرين بره ومعدية التلاتين مفروض تبقى نفسيتها عاملة ازاى
ارحموا من فى الأرض يرحمكم من فى السماء
6= بنت ناس تقعد فى بيتها معززة مكرمة احسن مليون مرة مترجع بعد جوازة اى كلام شايلة عيل
هو ده اللى بيحصل فعلا واللقب هيتغير لمطلقة وهتخش فى دوامة جديدة من نوع اصعب بكتير
7= المسلسل مش بيحل مشكلة وهيضايق اى بنت متأخرة فى الزواج
فى هم يضحك وهم يبكى
وفى دقايق كده من المسلسل بتبعت رسالة هقولكو عليها ان شاء الله بس طبعا المعالجة بتاعته ذفت ده كان ممكن يبقى حاجة تانية خالص وكان يعمل فرق فعلا وياسلام لو حتة للشباب زى ما هشام قال لعلا انا شفت كتير زيك بالضبط
8=الزواج ناتج عن اسلوب البنت وثقتها بنفسها
اطلاقا المعايير اختلت دلوقتى خالص
فعلا..مش معني انه شخص نسبيا كويس يبقي مينفعش ترفضه مثلا ولو مقبلتوش تبقي بتتبطر علنعمةاقتباس:
حضرتك ليه مش مستوعب انها ممكن تكون رفضتهم عشان مفيش قبول رغم انه من عيلة وفلوس ومركز زى مبتقول هى مش انسانة من حقها تحس انها تقدر تعيش مع الشخص ده باقى حياتها هل شققت عن قلبها
انا منكرش ان فيه بنات كتير بتعمل كدا أملا او طمعا في الاحسن
بس برده فيه ناس كتير بترفض لعدم القبول ..معني كدا انهم مش حاطين الماديات قدام عنيهم كأولويات... وللاسف اللي بيترفضوا مبيكونوش عاوزين يشوفوا ان فيهم غلط..وبالتالي يبتدوا يجرحوا فلطرف الاول
:11::11::11::11::11::11::11::11:
:36_1_50[1]::36_1_50[1]::36_1_50[1]::36_1_50[1]:
ايه الحل يعنى دلوقتى ؟؟
رفض الفتاة للرجل - السوي نفسيا - لا يعنيه و لا يؤثر فيه بشئ ..اقتباس:
فعلا..مش معني انه شخص نسبيا كويس يبقي مينفعش ترفضه مثلا ولو مقبلتوش تبقي بتتبطر علنعمة
الرجل مارس حقه في الاختيار عندما قبل ان يتوجه الي اهل هذا الفتاة كي يطلبها للزواج
أليس من حق الفتاة ان تمارس ايضا هذا الحق
و يكون بالرفض
الذي من غير الضروري ان يكون لعيب
انا مش مطالب ان تكون لى مؤهلات علمية فى الدين عشان اختار راى مين الاصح
مش شغلتى
ربنا قال (فَاسْأَلُوا أَهْلَ الذِّكْرِ إِنْ كُنْتُمْ لا تَعْلَمُونَ)
و اهل الذكر اختلفو
و الرسول بيقول استفت قلبك
و انا استفتيته و فكرت و ميلت لراى دار الافتاء المصرية و فضيلة المفتى و شوفت انه الاصح
azmeralda ردودك طويلة فحت
راعى العواجيز اللى زيى بيتعبوا من كتر القراية
كلامك صح و ملخصه الجواز قسمة ونصيب و توفيق من عند الله
Hell is the other
اعرف واحده ابنها في آخر سنه جامعه دلوقتي
مرت بكل مراحل المعايره
ليه ما اتخطبتيش لغاية دلوقتي .... كانت 26 سنه
ليه الخطوبه طولت كده ...... المده يمكن اقل من سنه
ليه لسه ما خلفتيش......
ليه ما خلفتيش اخت او اخ لإبنك
حاجه غريبه انك انجبتي طفل واحد بس
تكوني متبنياه ....... ربنا يكون في عونها
طيب ولما اهل العريس والدته مره واخته مره والوسيط مرتين تلاته
يقولولك يعني ايه قبول مفيش حاجه اسمها كده
ده مش سبب للرفض ابداااااا :8954[1]:
وممكن ترفضي واحد للسبب ده تلاقيه بيطلعلك تاني زي عفريت العلبه كل فتره
عن طريق حد آخر من أهلك ........... حاجه تجيب شلل
قليل جداً اللي بيفكروا بالطريقه دي
اول مره الاقي حد بيوصل فكره بلأسلوب بتاعي
الف مبروك
محدش حيفهمك في الغالب
لكن انا فاهمك ومن فرحتي مليش تعليق على الكلام ههههههههههههههههههه
:satelite::satelite::satelite:
يبقى واحد معندهوش كرامه :khd:او :B4_007::B4_007::B4_007:
دا اكيد, بس اسلوب الرفض هو اللى بيحكم يعنى واحد عمل الأصول و احترمها يبقى الرفض المفروض يبقى بشياكه و من غير تعالى او تجريح
تم ذكر موضوع التعدد على استحياء بين المشاركات
و لم يلتفت احد اليه و او حتى حاول مناقشة صاحب الرد فيه
و الاخت صاحبة الموضوع قامت بالرد مشكوره و قالت لا ده مش حل
ممكن نعرف ليه مش حل
مع انه منطقى انه يكون احد الحلول
مشكورين على سعة الصدر
ينفع اقول انا ؟؟ (مؤقتا يعنى لحين رد صاحبة الموضوع)
على فكره واحد سأل طيب و الشباب يعملوا ايه ؟؟ لان المشكله مش للفتيات بس
كمان مفيش واحده هتوافق ان زوجها يتجوز عليها بحجه انه عايز يساهم فحل ازمه الجواز, الزوجه ممكن توافق لو عندها اسباب تخلى زوجها فحاجه انه يتزوج باخرى
شكرا لسعة صدرك
الموضوع فى الاصل بيشارك فيه عدة اسباب منها ثقافة مجتمع و اسباب اقتصادية
لكن لا شك ان حضرتك عارف وضع المراه المطلقه و الارمله فى مجتماعنا
احد الاصدقاء كان شاب لسه خريج و حب يتزوج من مطلقه قامت الدنيا و لم تقعد من اهله طبعا ازاى يفكر فى انه يتزوج من مطلقه
و طبعا باظ الموضوع و ده بنشوفه كل يوم و ده سبب ان اللى طلقت و ترملت يبقا نصيبها كده و تقضي باقى حياتها كده
و ده طبعا مش صح و انا شايف ان التعدد بيحل مشكله زى دية
اما عن وجود سبب لتتعدد فا انت كرجل عارف انه هناك اسباب كتيره و ان نسبه كبيره جدا من الرجال نفسهم لكن خوفهم من المجتمع و انه كده هيخرب بيته بايده مبيقدرش
لدرجه من الاسف اننا بنشوف كل يوم حالات كتيره جدا فيها الراجل متزوج و بيعرف على مراته علشان مش قادر ان ده يكون بشكل شرعى(طبعا ده مش مبرر لحد يفهم ان ده رائى بس انا بقول ده حالنا دلوقتى)
اسف ان الرد كان طويل جدا
اقول لحدرتك ليه التعدد موش الحل
السبب الاول ان معظم الرجالة اللى بتجوز على زوجاتها بيروحو لبنت صغيرة فى السن(فى العشرينات ) موش عانس (تعدت الثلاثين ) معلش من غير زعل لازم نستخدم اللفظ ده
تانى سبب روح شوف اكتر مجتمع فيه تعدد وهو السعودية هى من اكبر الدول اللى فيها نسبة عنوسة
تالت سبب ان معظم اوساط بنات الطبقة المتوسطة (اللى فيها اعلى نسبة عنوسة ) بيعتبرو اللى تتجوز واحد على مراته بنت قليلة الادب ازاى تخرب بيت واحدة وتبص لراجل متجوز
فموضوع التعدد ده موش حل للاسف
وبينى وبينك معظم الرجالة المعددين طفاسة يعنى دون جوان شرعى بلاش نضحك على بعض
وأخيرا ترضاها لاختك تتجوز واحد متجوز ؟ ده الرسول مرضهاش لبنته
كلام سليم و محدش يقدر ينكره
بس الظروف الأقتصاديه تخلى الواحد يفكر 1000 مره قبل ما ينوى الزواج بالثانيه و للأسف زى محضرتك قلت ده ممكن يخلى الزوج يتجه الى ما هو غير شرعى نظرا لسهولته
بالنسبه لشاب يتزوج من ارمله او مطلقه بتكون صعبه جدا فعلا, الا لو هو سنه كبر يعنى او مش عنده المقدره الماديه على تأسيس بيت و المطلقه او الأرمله عنده سكن و مش هتطلب حاجه قوى " بس اعتقد ان نسبه كبيره منهم بعد لما يبقى معاهم فلوس بيتجوزا مره ثانيه من انسه"
مش شرط و الله
مش ذنبنا ... ده نقص عقل و دين و تحريم لحلال ربنا .....
كلمة طفاسة دي كلمة مستفزة جدا و للاسف الستات ما عندهمش غيرها
و لنفترض طفاسة بس في الحلال ايه المشكلة؟؟؟؟؟؟؟
و يعني ايه دون جوان شرعي؟؟؟؟ مش فاهم يعني !!! يعني دون جوان في الحرام هو اللي حلو .... ربنا خلق الراجل بيحب الستات .... و خلقه قلبه كبير يحب اكتر من واحدة ..... ايه المشكلة؟
اما تبقى اختي في مقام السيدة فاطمة رضي الله عنها و أرضاها نبقى نناقش الفرضية دي ..... و اما يبقى جوزها في مقام سيدنا علي رضي الله عنه و أرضاه نبقى نناقشها برضه ..... ربنا حلل التعدد و الرسول سن سنة التعدد و الصحابة كلهم عددوا .....
فى اضافه احب اضيفها و انا مش عايز اطول علشان لا يتحول الموضوع لجدال حول التعدد
و ده كلام اهل العلم الموثقين طبعا
لم يعلم عن احد من الصحابه انه لم يعدد
ردا على الموضوع الاصلي و هو اطلاق لقب عانس على البنت التي لم تتزوج بعد ( و مرضيتش اقول تاخر سن زواجها لان اصلا مفيش سن محدد للزواج ) فانا شايفة ان الكلمة دي مالهاش معنى اساسا لان الزواج دلوقتي مابقاش مرتبط بسن اطلاقا سواء بالنسبة للرجل او للبنت
و انا شفت حالات كتير لبنات تزوجو بعد سن ال 30 و الجوازات نجحت جدا جدا و من الامثلة دي واحدة صديقة اختي وصلت ل 38 بدون زواج و بتشتغل و ناجحة جدا و جميلة و من عائلة و بعدين ربنا رزقها بعريس كان 43 سنة و لم يسبق له الزواج و حصل قبول و تفاهم و تزوجو و انجبو و الحمد لله الاتنين عايشين عيشة حلوة جدا ربنا يديمها عليهم يا رب
مثال تاني اختي انا شخصيا اتجوزت و هي 29 سنة و رفضت كتير اللي مهندس و اللي ظابط و اتخطبت مرة لدوكتور و محصلش نصيب و في الاخر اتجوزت اللي حبيته و ارتاحتله بغض النظر عن منصبه و امكانياته لان وقتها كانت امكانياته بسيطة جدا اقل من ناس تانية كتير اتقدمولها
مش شرط يعني عشان هو مهندس ولا ظابط ولا دكتور ولا ..... يكون كامل الاوصاف و مينفعش يترفض لان الرجولة و الشخصية و الاخلاق و التدين مالهومش علاقة خااااااااااااالص بالمناصب و الامكانيات
ماهو ممكن يكون مهندس ملو هدومو و معاه كل الامكانيات بس اهلو هما المتحكمين في كل حاجة و هو مالوش شخصية قدامهم و مبيتناقش معاهم في اي حاجة و هما اللي بيقررو كل حاجة بالنيابة عنو و دي تجربة شخصية حصلت معايا ، كان مفروض بقى اقول و مالو مادام مهندس و معاه فلوس و عندو الامكانيات يبقى مش مهم اي حاجة تانية !!!!!! طبعا لا .... لان انا يوم ما هاتجوز هاتجوز راجل مش عيل
يعني اللي بترفض كتير مش بترفض عشان بتتنطط ولا طمعا في حاجة تانية افضل من حيث الامكانيات و المستوى بل بترفض عشان لسة نصيبها مجاش و محصلش قبول بينها و بين اي حد من اللي اتقدمولها و دي بقى حاجة بتاعة ربنا محدش يقدر يتكلم فيها
اما بقى موضوع التعدد و ان ممكن يكون هوا دة الحل فا دا موضوع كبير اعتقد ممكن نعملو توبيك لوحدو و نتناقش فيه براحتنا عشان منخرجش عن نطاق الموضوع الاساسي هنا و هو لقب ( عانس )
.