يعني هو كل الحلول اللي ممكن نقترحها عشان نحل موضوع تاخر الزواج في المجتمع خلصت و مبقاش في اي حل غير تعدد الزوجات
يا ريت نرجع للموضوع الاصلي و بدل ما الجدال كلو يكون على فكرة واحدة نطرح افكار تانية و نتناقش فيه برضو
عرض للطباعة
يعني هو كل الحلول اللي ممكن نقترحها عشان نحل موضوع تاخر الزواج في المجتمع خلصت و مبقاش في اي حل غير تعدد الزوجات
يا ريت نرجع للموضوع الاصلي و بدل ما الجدال كلو يكون على فكرة واحدة نطرح افكار تانية و نتناقش فيه برضو
مش ممكن حد يتجوز بصراحة لو معندوش شقة و اجهزة كهربائية و الى ممكن عدم المغالاة فية الشبكة و دى بتبقى هدية من العريس للعروسة و المهر حقها شرعا حتى بعد الممات بس ممكن يجهزو الشقة مع بعض يعنى كل واحد يفرش غرفتين بلوازمهم و الاجهزة الكهربائية العريس الى بيجيبها دة العرف الى ماشى
انا معنديش اخت و لسه مش متزوج
بس انا ممكن ارد على السؤال ده بس من وجهه نظر الشاب اللى عايز يتزوج و هقول على الحاجات المهمه علشان عيشه كريمه ( انا عمرى ان شاء الله ما هتقدم لواحده علشان ارتبط بيها و انا عندى احساس انى هخليها تعيش فمستوى اقل من اللى هى كانت عايشه فيه لان الجواز مش بهدله لبنات الناس )
المهم المعقول
1- الشقه (اكيد دى اهم حاجه ) بس ممكن شقه قانون جديد مؤقتا و بعد كده ربنا يفرج بشقه تمليك
2- المهر, مش عارف المعقول كام و مش عارف هو المهر بيتدفع لو العروسه بتشارك فالفرش ولا لأ ولا العريس بيدفع مهر و بيجيب الفرش كمان و لا ايه ؟؟
3- الشبكه تبقى طلبات معقوله مش كيلو دهب او الماس كام قراط و بردوا مش دهب صينى يعنى (حاجه بسيط شيك لا هى غاليه قوى ولا هى تعبانه ) و بعد كده ان شاء الله لما ربنا يكرم و يفرجها اجيب تانى (ايه المشكله يعنى)
3- الفرش, اللأسعار فيها تفاوت بس ممكن تجيب حاجه محترم بسعر كويس
( كل واحد و شطارته)
4- الأجهزه الكهربائيه, مفيش فيها مشاكل دى حاجات ثابته و معروفه
5- الفرح, لالالالالالالالالالالالال الالالالالالالالالالالالا لالالالالالالالالالالالال الالا
هما فعلا الاسر دلوقتي بتشتري راجل ...... بس بتشتريه ببنتهم مقابل فلوسه
لآ يا باشا لآ و الله الى بتقولة مش فى كل الحالات لو واحدة بنت اصول و ناس طيبة بيشترو راجل يحافظ على بنتهم و يصونها مش يبهدلها بص انا ليا اخ واحد ولد او راجل بمعنى ادق لان عمرنا مش صغير نسبيا و متزوجين و عندنا اولاد و الكلام دة لازم بس مش بتشترى بنتهم بفلوس لا لا لآ انا اقولك الى بيجى بالغالى ما يتفرطش فية الا بالغالى انما لو حد اشترى رخيص ممكن يبيع رخيص و المقصود هنا بكلمة اشترى مش دفع مقابل سلعة لا دفع دم قلبة علشان يؤسس بيت يحافظ علية انا لو ما تعبش فية و لا حا يفرق معاة و زى ما قولت لحضرتك انا ليا أخ راجل مش بنت بس لو كان ليا اخت بنت لازم اديها لراجل يقدرها و يصونها مش مهم شوية عفش خشب حلو و عيشتها تبقى هباب لآ المهم مودة و رحمة
والله انا بشوف اهالى بنات كتيرة بقو يجيبو الشقق لبناتهم
وملهمش طلبات غير حجات قليلة
و لو مش معاه و هى عايزة تجيب اهلها بيكملو
مش كل الناس جشعة
فى ناس بردة كويسة
بس اهم حاجة فى اختيار العريس أو العروسة
(الأهل ثم الأهل ثم الأهل )
عايزة اديكمثل اخويا لسة متجوز والله اهل العروسة مطلبوش حاجةكانو سايبين اخويا اللى بيحدد كل حاجة وكل حاجة يقولو على قد امكانياتك
والحمد لله ربنا اكرمة ومجبش حاجةاى كلام وحتى الشبكة هواللى حددها وجبها بمبلغ محترم
يا باشا انا مش بزعل و الله بس ممكن الترجمة ما ظبطتش معايا بص الغلو مش فى العفش و البهرجة بس ما ينفعش اجيب اى حاجة و أقول هو دة الى عندى زى اية أقولك انت أشتريت مثلا عربية زبرو و مت شغل علشان تجيبها او تدفع قسطها هل بتعامل العربية الزيرو زى العربية القديمة و بتصينها و تغير زيت و تجيب فرش و لا بتهملها عارف لية لانك تعبت فيها و لو مش غالية عليك حا تهملها و ترميها ارجو ان اكون قربت وجهت نظرى شوية
تصدق يا باشا و تأمن بالله و الله العظيم انت حا تدخل فى موضوع الجواز دة و انت شبة على الحديد المجيد زى المثل حا تلاقى ربنا بيفرجها و بيسهلها من حيث لا تدرى و لا تحتسب من غير حساب بورقة و قلم و الله ربنا بيرزقك برزق الى معاك و بيسهلها و حا تقعد تفتكر الكلام دة و تموت من الضحك بجد
بس الزوجه غاليه مش علشان اللى بيدفع فيها
انا معاك ان الغالى بيتحافظ عليه, بس ميبقاش انا معايا اشترى 128 مثلا و تقولى لا اضغط على نفسك وهات 320i, مش انا لو جبت الـ 128 هخاف عليها و هاصونها بردوا ؟؟
انا مش ضد ان الواحد يجيب حاجه تستاهل, ممكن حضرتك بـ 40 الف مثلا تفرش 3 او 4 غرف و ممكن غرفه واحده
المعقول كويس
دة بيرجع لسوء اختيارك زى ما قلتلك اهم من العروسة اهلها بجد دى اللى بتفرق جدا
ودلوقتى لعلمك كل الأهالى خايفين على بناتهم جدا فا بيقدمو تنازلات وبيقدمو مساعدات كتيرة عشان يعفو بناتهم
بس اهم حاجة الأهل
ان شاء الله ربنا يرزقك ببنت الحلال الكويسة واهلها يكونوكويسين كمان
طبعا يا باشا لو اوضة ب 40 الف يبقى بلاش جواز احسن و أركب ال bmw طبعا ههههههههههههههههههههههههه هه الاعتدال مطلوب دة كدة اسمة اسراف الا بقى لو الاهل عندهم فيلا دورين و ربنا ميسر لهم الاحوال اجيب ب 80 الف هههههههههه بس أحنا بنتكلم عن العادى مش مليونير و بسم الله ما شاء الله الله أكبر ربنا يزيد الخير للناس لحسن حد بكون جايب الاوضة ب 40 الف يقول دى ناس بتقر علينا ههههههههههه الله اكبر اللهم لا حسد بس الاعتدال مطلوب لا غالى قوى و لا رخيص قوى و صدقنى كلة بيمشى و الله و كلة بيعيش مش حا تبص للفرش و الستاير بعد كدة حا تدور تدفع فلوس المدرسة منين ههههههههههههههههههههههههه :stink[1]::stink[1]:
ده كلام سليم و بجد انا لسه سامعه امبارح من شخص عزيز عليا كان بيحكى ان الموضوع ده حصل معاه و بقى مش عارف الفلوس جت من فين (طبعا ربنا كرمه لانه مان عايز الحلال )
بس على الأقل الواحد قبل ما يروح لبنات الناس يبقى عنده الحاجات الأساسيه, مش يبقى رايح للناس ابيض كده ولا شقه و لا فلوس و لا وظيفه و يقول عايز اتجوز, اكيد اهل البنت هيرفوضوا و لو قالوا موافقين يبقى ظلموا بنتهم
انا لسه مدخلتش مرحله البحث عن العروسه المناسبه, بس انا بشوف تجارب صحابى و معارفى
و الله انا كل اللى عايزه انها تكون انسانه كويسه متدينه محترمه من بيت اصل مش اكتر من كده
يـــــــــــــــــــــارب
جزاك الله خير
ان شاء الله
الفرح ؟؟ تصدق انا ان شاء الله مش ناوى اعمل فرح, كلنا عارفين افراح دلوقتى عامله ازاى و فيها ايه, يعنى بدل ما احمد ربنا و اشكره انه يسير لى و كرمنى اروح اجيب dj و رقص و نميمه و كلام فاضى ؟؟ طيب ما بدل الفلوس اللى هتدفع فالفرح نعمل عمره افضل, صح ؟؟
طيب هو لازم فرح ؟؟ مينفعش تشرغنى فكتب الكتاب ان شاء الله ؟؟ و بعدين اول مره اعرف ان حد محتاج يتعزم على فرح اخوه !!
وفي حل من أهم ما يمكن ألا وهو إن الناس تنفذ حديث النبي صلى الله عليه وسلم:
إذا أتاكم من ترضون دينه وخلقه ؛ فأنكحوه ؛ إلا تفعلوه تكن فتنة في الأرض ، وفساد كبير ، قالوا يا رسول الله ! وإن كان فيه ؟ ! قال : إذا جاءكم من ترضون دينه وخلقه فأنكحوه – ثلاث مرات
لو كل ولي أمر دور لبنته على الشاب الصالح مش الشاب الغني ساعتها حاجات كتيير اوي هتتصلح
أنا مع حضرتك بس المشكلة إن الصالح دا هو اللى مش موجود لأن ثقافة المجتمع الآن مادية بحتة و الأسعار تعلى و تسبق و احنا نجرى وراها فى سباق محموم
و حضرتك شوف الأباء بيقعدوا مع الأولاد قد ايه عشان يربوهم و يرشدوهم فى مواقف الحياة المختلفة و البسيطة جدا لكن بتبنى شخصية الأطفال
للاسف حتلاقى معظم الأباء فى العمل أغلب ساعات النهار لتوفير حياة كريمة ، يعنى ايه حياة كريمة ؟؟!! يعنى فلوس و بس عشان الأكل و الشرب واللبس والمدارس الخاصة و المصيف و ............
والأمهات تتحمل مسئوليات مضاعفة لغياب الأباء و عمل المنزل وشراء الأحتياجات و توصيل الأبناء للمدارس والدروس و الاطباء و العلاج و .................
لكن فين التربية فى دا كله فين تعليم الدين والأخلاق يا ترى فى منظومة التعليم ولا الإعلام ؟؟؟؟؟؟؟؟؟
للأسف المنظومة كلها مختلة و سياسات عليا كتير سببت الأذى للناس ، دى مشكلة بلد مش بس عيله أو أفراد بعينهم
ربنا يرحمنا
لأ بالتأكيد الخير موجود في أمة محمد إلى قيام الساعة بس مين من أولياء الأمور اللي بيكون همه الأول دين المتقدم للزواج من بنته؟ نادر وقليل اللي كدا وهي دي الازمة إن الرجولة لم تعد تقاس بالدين والاخلاق العالية ولكن بالماديات وبس ودا عند أغلب الناس الا من رحم الله
والله بعد كلام سومة و استاذ هشام و تيفانا مش لاقية اي حاجة اقولها لان فعلا الكلام كلو زي الفل و الناس الكويسين موجودييييييييييييييييين و لو قعدت اديكو في امثلة من اللي حواليا و اللي اعرفهم ممكن نفضل قاعدين 3 ايام قدام
و اول الامثلة دي اختي اللي اتجوزت في ايجار جديد و بمشاركة في الفرش كلو و الاجهزة بالنص و بقالها 8 سنين متجوزة و لسة ناقلة في اول شقة تمليك ليهم من اسبوعين
و ثاني مثل اخويا اللي اهل مراتو مطلبوش منو اييييييييييي حاجة بمعنى اييييييييي حاجة والله العظيم لانهم اصلا عائلة كلها شيوخ و علماء في الازهر و عارفين ربنا حق معرفة و طبقو شرع الله فعلا في مسالة الزواج و قالولو مادام ارتضينا خلقك و دينك يبقى خلاص جهز اللي تقدر عليه و احنا موافقين مع ان اخويا ميسور الحال يعني و كان ممكن يطلبو منو بس هما ناس افاضل و عارفين ربنا و مطلبوش منو اي طلبات محددة و سابوه هو اللي جهز بالشكل اللي يريحو و يقدر عليه و كمان ساعدو معاه
و امثلة تانية والله كتيييييييير منه واحدة صاحبتي اهلها هما اللي فرشو الشقة بالكامل من الابرة للصاروخ لان العريس جاب الشقة و مقدرش يكمل و هما شاريين الراجل و كملو كل حاجة
بس فعلا فعلا اهم حاجة الاهل ثم الاهل ثم الاهل اللي انت هاتناسبهم
.
+11111111111111111111
والله في كتييييييير انوي انت بس و قول يا جواز و سيب الباقي علينا
انت بس تعمل موضوع على المنتدى الاجتماعي مطلوب عروسة بنت حلال و اهلها بيشترو راجل و هتلاقي احلى واجب بيتعمل معاك من الاخوة الاعضاء :E_braces[1]:
الحمد لله ازاي حضرتك يا استاذ هشام ، والله انا قلت رأيي المتواضع بصراحة
اما بقى بالنسبة للحكاوي فانا اخاف بقية الاعضاء يزهقو مني و يطالبو بالغاء عضويتي لو فضلت احكي كدة كتير
ههههههههههههه حضرتك لسة مصمم على التمبرا مفيش فايدة ، عموما الموضوع متاجل شوية دلوقتي لحين وضوح الرؤية ان شاء الله