اقتباس:
ردا على الموضوع الاصلي و هو اطلاق لقب عانس على البنت التي لم تتزوج بعد ( و مرضيتش اقول تاخر سن زواجها لان اصلا مفيش سن محدد للزواج ) فانا شايفة ان الكلمة دي مالهاش معنى اساسا لان الزواج دلوقتي مابقاش مرتبط بسن اطلاقا سواء بالنسبة للرجل او للبنت
هو طبعا ما فيش سن محدد للزواج لكن اللى بيقيد الموضوع هو نظرة المجتمع ليه
و مع الاسف ما نقدرش ننفصل عن المجتمع او نهمل هذه النظره لان الناس دية فى كل مكان
و انا شفت حالات كتير لبنات تزوجو بعد سن ال 30 و الجوازات نجحت جدا جدا و من الامثلة دي واحدة صديقة اختي وصلت ل 38 بدون زواج و بتشتغل و ناجحة جدا و جميلة و من عائلة و بعدين ربنا رزقها بعريس كان 43 سنة و لم يسبق له الزواج و حصل قبول و تفاهم و تزوجو و انجبو و الحمد لله الاتنين عايشين عيشة حلوة جدا ربنا يديمها عليهم يا رب
معاكى حق طبعا انا اعز صديق ليا زوجته بتكبره بكام سنه و لما تزجوها كانت طبها فوق الثلاثين
مثال تاني اختي انا شخصيا اتجوزت و هي 29 سنة و رفضت كتير اللي مهندس و اللي ظابط و اتخطبت مرة لدوكتور و محصلش نصيب و في الاخر اتجوزت اللي حبيته و ارتاحتله بغض النظر عن منصبه و امكانياته لان وقتها كانت امكانياته بسيطة جدا اقل من ناس تانية كتير اتقدمولها
مش شرط يعني عشان هو مهندس ولا ظابط ولا دكتور ولا ..... يكون كامل الاوصاف و مينفعش يترفض لان الرجولة و الشخصية و الاخلاق و التدين مالهومش علاقة خااااااااااااالص بالمناصب و الامكانيات
الاصل فى المساله التدين و الاخلاق و القبول طبعا مش المناصب
ماهو ممكن يكون مهندس ملو هدومو و معاه كل الامكانيات بس اهلو هما المتحكمين في كل حاجة و هو مالوش شخصية قدامهم و مبيتناقش معاهم في اي حاجة و هما اللي بيقررو كل حاجة بالنيابة عنو و دي تجربة شخصية حصلت معايا ، كان مفروض بقى اقول و مالو مادام مهندس و معاه فلوس و عندو الامكانيات يبقى مش مهم اي حاجة تانية !!!!!! طبعا لا .... لان انا يوم ما هاتجوز هاتجوز راجل مش عيل
يعني اللي بترفض كتير مش بترفض عشان بتتنطط ولا طمعا في حاجة تانية افضل من حيث الامكانيات و المستوى بل بترفض عشان لسة نصيبها مجاش و محصلش قبول بينها و بين اي حد من اللي اتقدمولها و دي بقى حاجة بتاعة ربنا محدش يقدر يتكلم فيها
بصى حضرتك ما ينفعش نتجاهل الامر و لازم نعترف ان فى عينات من البنات بتعمل كده زى ما فى بنات تانيه مش كده و زى ما فى شباب بيعتبرو ان الزواج ثفقه فا لازم تكون كسبانه بكل المقاييس
اما بقى موضوع التعدد و ان ممكن يكون هوا دة الحل فا دا موضوع كبير اعتقد ممكن نعملو توبيك لوحدو و نتناقش فيه براحتنا عشان منخرجش عن نطاق الموضوع الاساسي هنا و هو لقب ( عانس )
بصراحه معاكى حق تماما
.