السلام عليكم وكل عام وانتم بخير انا عندي مشكلة في الفيرنا 1500 بعد اما امشي شوية وانزل احط ايدي علي المسامير الي مايكة العجل الامامي بلاقيها مولعة نار انا خايف تكون سخونة رده عليها من المكنة مع ن المؤشر حرارته طبيعية لو حد عنده فكرة ياريت يفيدنى
عرض للطباعة
السلام عليكم وكل عام وانتم بخير انا عندي مشكلة في الفيرنا 1500 بعد اما امشي شوية وانزل احط ايدي علي المسامير الي مايكة العجل الامامي بلاقيها مولعة نار انا خايف تكون سخونة رده عليها من المكنة مع ن المؤشر حرارته طبيعية لو حد عنده فكرة ياريت يفيدنى
العجلة الخلفية ايه نظام مساميرها ؟!
لما تمشي و تنزل تلاقيها سخنة كدة مور العربية و نزل اليد و حاول تزق العربية بإيدك
لو لقيتها تقيلة يبقى فية فرامل تقيلة
ساعتها غالبا بيبقى السرفو عايز يتخف الريجلاش بتاعه شوية
اما لو لقيتها مش تقيلة يبقى عادي ماتشغلش بالك بيها
بس المهم يكون انت بتستعمل تيل نضيف اصلي مش تيل خامتة وحشة و بيلزق او فية نحاس كتير و بيصفر
شكرا ليكم بس المشكلة دي في العجلتين الي قدام بس
ايوة طبيعي ان السخونة في العجل اللي قدام اكتر لان هو اللي علية شغل فرامل اكتر في المشي و الجري
الحالات اللي السخونة تبقى في العجل ورا كتير لو انت ناسي فرامل اليد مرفوعه شوية و مشيت عليها مسافة او لو فيها ماستر قافش ورا
اوعى ترش مياة على طنابير العجل قدام و هو سخن بغرض تبريدها لان دة يخللي الطنابير تقفع
سيبها عادي و ماتقلقش منها
شكرا ليك بس انا حاسس انها زيادة اوي
مانا باقولك لو حاسس انها زيادة يبقى جرب تزق العربية و هي ممورة وفرامل اليد نازلة
و شوف لو قافشة و للا لأ
ممكن يكون في مشكله في ماستر الفرامل أو أن يكون خرطوم زيت الفرامل مسدود و محتاج يتغير و دي كلها حاجات بسيطه بس متسبهاش و الأفضل إن حد يبص عليها
ريح دماغك لان هذا عيب شائع فى معظم السيارات الدفع الامامى و خاصة الفيرنة كلها بيحصل فيها كدة و بعض الاحيان ممكن التاصات البلاستيك تسيح من شدة الحرارة و دة راجع اساسا لوجود الكبالن فى وسط الطمبورة مع احتكاك الفرامل بيخلى الطمبورة تولع و خاصة لو مركب تيل مغشوش ممكن العجلة كلها تسيح و الكاوتش ينفجر كمان و ربنا يسترها مع كل اللى معاه سيارات دفع امامى بسبب هذا العيب المزمن
و اية المشكلة ان الكوبلن في نصف الطنبورة !!! هو دة حايسخن الطنابير في اية !!!
السبب مش جر امامي و للا دفع خلفي
السبب الحمل على الفرامل الأمامية, هي اللي عليها شغل اكتر في ايقاف السيارة
والدليل ان العربيات الدفع الخلفي برضة طنابيرها الأمامية بتسخن نار مع الفرامل
مش الخلفية مع ان الخلفية هي اللي الاكس اللي علية الدفع في نصف الطنبورة الخلفية برضة
انا دايما بلاقى العجل الامامى عندى مولع نار و الخلفى لا, بالذات لو انت بدوس فرامل كتير جامد, , دة طبيعى يا باشا متقلقش.
حضرتك مش واخد بالك من ان اكس الكوبلن الواصل من الموتور الى الطنابير عامل اساسى فى سخونة الطنابير لانه بينقل سخونة الموتور للطنابير بجانب احتكاك تيل الفرامل بالطنابير بيبقى الوضع فى منتهى الخطورة و دى مشكلة مزمنة فى كل سيارات الدفع الامامى و ابقى جرب امسك اكس الكوبلن و شوف السخونة التى ينقلها من الموتور للطنابير دة غير اذا نقص الشحم من الكوبلن هيولع الطنابير اكتر و هتلاقى الرمان بلى كمان باظ و يحتاج تغير مبكر
السخونة سببها احتكاك التيل بالطنبورة مع الاستخدام المتكرر بيولد حرارة احتكاك عالية
و سخونة اكس الكوبلن اغلبها جاي من سخونة الطنابير مش من الموتور
انما حرارة الموتور اصلاً اقل من حرارة الطنابير و انتقالها من الموتور لجسم الموتور لجسم الفتيس ثم للاجزاء المتحركة (التروس) من خلال[overline][overline] زيت الفتيس[/overline][/overline] ومنها الي الكبالن بيكون ضعيف جدا و بيكون معظم الحرارة اتشتت
لان دة معناه ان جسمي الموتور و الفتيس و زيت الفتيس و تروس الفتيس تبقى بنفس درجه حرارة الموتور او الكوبلن او الطنابير و ده استحالة انة يحصل لان انتقال حرارة الموتور بين كل المكونات دي بيضيعها
نفس حرارة الموتور هى نفس حرارة الجيربوكس لان الجير لا يوجد فيه دورة تبريد و متصل تماما بالموتور و حرارة الموتور لا يستهان بها و تنتقل الى الجير ثم الى اكس الحركة ثم الطنابير اضف الى ذلك احتكاك تيل الفرامل بالطنابير يعنى بأختصار بمجرد ما السيارة تسخن و تكون مشيت 3 كيلو مثلا هتلاقى الطنابير نار و لو مش مصدق جرب و المسها و امسك كمان اكسات الكبالن ان استطعت حتى تقتنع و العيب دة موجود فى كل الفيرنا فكيف تقول بعد ذلك ان سيارات الدفع الامامى لا تفرق عن السيارت الدفع الخلفى فى ذلك الامر و ان الامر مجرد احتكاك فرامل لا شك ان سيارت الدفع الخلفى طنابيرها الامامية تسخن من الفرامل و لكن ليس بهذه الدرجة الغبية التى نراها فى الفيرنا و هناك معلومة اخرى لا تعلمها و هى ان الكبالن عندما تكون جديدة بتساهم بشكل بشع فى سخونة الطنابير حتى تلين و الكارثة الكبرى فى هذا الامر ان التيل مع هذه السخونة العالية كفائته بتقل فى ايقاف السيارة بالتالى الضعط عليه بيزيد اكثر مما يجعل الطنابير تسخن اكثر و اكثر و لن ابلغ لو قلت انه فى يوم حار مع مشوار يزيد عن 10 كيلو تصبح السيارة تسير بطنابيرة منصهرة و لو نزلت فى حفرة مياة هتسمع احلى تشطشة و ربنا يسترها علينا
الجير بوكس مليان زيت بين الاكسات و الجسم و دي بيقوم بعمل تبريد للحرارة المنبعثة من الفتيس او المنقولة من الموتور
[
سيبك انت من كل الكلام دة و دور العربية ساعتين من غير ماتمشي بيها و قوللي الطنابير سخنة وللا لأ !!!
لو كلامك صح الطنابير حاتسخن لان الحرارة من الموتور و لو كلامي اللي صح الموتور حايبقى سخن جدا من الدوارة و الطنابير باردة زي ماهيه لانك ماستعملتش فرامل
و لو مشيت 3 كيلو برضة مش حاتسخن و لا حتولع و جربها بالتجربة العملية سواء لدي او لدي
الطنابير الامامية يا جدعان ماتسخنش الا من الفرامل و استخدامها بشكل متكرر لفترة مش و العربية واقفة ولا و هي ماشية 3 كيلو
واضح ان الفيرنا عزيزة عليك اوى بس احب اوضح لحضرتك شىء بسيط ان الزيت الموجود فى الجيربوكس ليس للتبريد كما تعتقد لان كثافته اعلى من زيت الموتور و عندما يسخن يأخذ وقت اطول حتى يبرد عن زيت الموتور و هو اساسا لتلين حركة التروس و ليس لتبريد الجيربوكس و هذا ما تعلمته فى دراستى للميكانيكا.اما بالنسبة لموضوع تشغيل المحرك ساعتين و السيارة واقفة فهذا خطأ و ان كنت تشك فيما اقوله لك فعليك ان تفعل ذلك بنفسك فالامور واضحة جدا فى الفيرنا و الامثلة كثيرة فأذا كان كبوت سيارتك بدون عزل فهل تستطيع ان تستحمل سخونته و تجلس عليه بعد اى مشوار فى الحر مع العلم بأن الكبوت غير متصل اتصال مباشر بالمحرك بل تأثر بحرارته دون تلامس معه فمابالك بالجيربوكس و الاكسات و الكبالن و الطنابير الامامية التى لا يوجد اى عزل بينها و بين بعضها الى المحرك مع احتكاك تيل الفرامل و الكارثة الاكبر لو كوتشات الكبالن سربت الشحم من غير ما تاخد بالك و الكبالن تطحن فى بعضها مع كل هذه الحرارة و ربنا يسترها علينا .
ازاي بس لا يوجد عزل بين الطنابير و الكبالن و الاكسات و المحرك !!! الكوبلن دة راكب في جسم الفتيس يحيط بة اويل سيل من الكاوتشوك يعني عازل بينة و بين جسم الفتيس (لاحظ ان الاويلسيل دة لو تعرض لحرارة مثل حرارة الطنبورة لتلف فورا و احترق) و من الداخل الكوبلن متصل بالتروس اللي هي مغمورة في زيت و تتصل بالمحرك فقط من خلال الاسطوانة و الدسك (ولاحظ ان الدسك مغطى بطبقى من البكلايت و هي تعتبر عازل حراري و عمرك ماحاتلاقي دسك سخن من حرارة الموتور لدرجة حرارة الطنبورة ) و الحرارة لما تمشي من موتور لفلام لاسطوانة و دسك لتروس في زيت حوض الفتيس لكوبلن داخلي لأكس لكوبلن خارجي لطنبورة حاتكون فقدت معظمها
انما مصدر الحرارة بالاحتكاك في الطنبورة مع استخدام الفرامل هو اللي سبب مباشر في تسخين طنابير الفرامل حتى لو كانت السيارة دفع خلفي و موتورها مش متصل اساسا بالطنابير الامامية بواسطة كبالن
و الحرارة الشديدة دي لو مصدرها المحرك مش الطنابير كانت تتسبب في انصهار كاوتشات الكبالن الداخلية و الخارجية و الشحم بداخلهم وتحويلة الي زيت قبل ماتوصل للطنابير
و شوف اي عربية على كردان بعد مشوار سخن حاتلاقي طنابيرها مولعه من الفرامل
ساعتها بقى مش ممكن تقولي انة من الموتور لان دي لا فيها اكسات امامية و لا كبالن
للاسف كثير مما كتبته غير صحيح
اولا تحدثت عن اسطوانة الدبرياج و اعتبرتها عازل للحرارة و هذا خطأ لسببين الاول انك نسيت ان هذه الاسطوانة محاطة ببلوك كبير يحوى التروس و متصل اتصال مباشر بالموتور و الشىء الثانى الذى لا تعرفه ان احتكاك اسطوانة الدبرياج بالديسك اثناء التحرك بالسيارة بيولد حرار عالية جدا و لو عاملت السيارة بعنف فى اى مطلع عالى قد تشم رائحة شياط منبعث من السيارة كما يحدث فى بعض السيارات الماتريكس لانها ثقيلة عن الفيرنا اى ان الاسطوانة ليست عازل للحرارة كما تتخيل بل مولد اضافى للحرارة مثل تيل الفرامل تماما
ثانيا موضوع الكوبلن الموجود فى الجيربوكس و الاولسيل اللى بيعزل الحرارة هذا كلام غير صحيح لان الموجود فى الجيربوكس هى صليبة متصلة بأكس الكوبلن المربوط فى الطنابير و هذه الصليبة معشقة فى داخل الجير فى صليبة مفرغة بنفس شكلها و كل هذا طبعا موجود وسط زيت لذلك الاولسيل موجود على الاكس الخارج من الجير لعدم تسريب الزيت و ليس لعزل الحرارة و مافيش حاجة اسماها الاولسيل يتحرق من هذا العمل لان عندك اولسيلات اخرى على نهايات كرنك المحرك نفسه و هو الاشد حرارة و احتكاك و عمر الاولسيل او الكوتشات ما تحترق كما تقول طول ما فى زيت او شحم حولهم.و على العموم لو مش مصدق ان سيارات الدفع الامامى طنابيرها بتسخن اكثر من السيارات الاخرى فسوف تتأكد من ذلك بنفسك من خلال استخدامك للسيارة و احب اضيف معلومة اخيرة ان توكيل غبور و توكيل ابوغالى العبور فى الصيانة الدورية يقوموا برجلشة الفرامل الامامية و فرامل اليد بغباء و اكتشفت ذلك اكثر من مرة و طبعا الرجلاش الخاطىء يتسبب فى تحميل التيل على الطنابير و يعتبر كارثة اضافية تساهم فى انصهار الطنابير لذلك فمن الافضل ان تنبه عليهم بعدم رجلشة اى فرامل فى السيارة او ترجلشها بنفسك افضل او ترفع السيارة اذا رجلشوها و تشوف العجل ثقيل ام خفيف فى الحركة .
يا اخى اتقى الله و لا تحور كلامى لانه معروف للطفل الصغير ان السبب الاساسى لسخونة الطنابير هو تيل الفرامل و لم اقل سابقا غير ان سيارات الدفع الامامى حرارة الطنابير بها اكثر من غيرها لان الكبالن تساهم فى زيادة هذه الحرارة و شرحت لماذا يحدث هذا.
اقتباس:
حرارة اسطوانة الدبرياج لا تقارن بحرارة ديسك الفرامل و خامه الدسك فعلا حرارتها اقل من حرارة اسطوانة معدنية (طنبورة) يحتك بها تيل فرامل بصفة مستمرة و في نفس الوقت هي تمنع حرارة الموتور من الانتقال بصورة كاملة للفتيس و حرارة الدسك ليست بحرارة عالية جداً" بالمقارنة بحرارة طنابير الفرامل و ياريت تبطل تكلمني بلهجة: معلومة لا تعلمها و كلامك خطأ و معلومة لا تعرفها و لا تفترض في عدم المعرفة و ياريت تراجع معلوماتك جيداً الأول لان التروس لا تتصل اتصال مباشر بالموتور و انما اي اتصال للحركه بين الفتيس و الموتور هو من خلال الاسطوانة و الدسك و لا يوجد اتصال مباشر بالتروس كما تقول
للاسف الشديد كل هذا الكلام خطير و خاطىء جدا و غير علمى للاسباب التالية
فأنت تتحدث عن اسطوانة الدبرياج و كأنها معلقة فى الهواء او انها وسيلة الاتصال الوحيدة التى تنتقل من خلالها حرارة الموتور الى الجيربوكس مع العلم بأن اسطوانة الدبرياج تلتصق بالديسك و الديسك مربوط على ترس الفلام و ترس الفلام متطل مباشرة بكرنك الموتور و الاسطوانة و الديسك و التروس كل هذا داخل صندوق معدنى و هو ما نطلق عليه جيربوكس و هو ايضا مربوط تماما مع جسم الموتور و لو افترضنا ان اسطوانة الدبرياج غير موجودة اساسا فأن الحرار ستنتقل ايضا للجيربوكس و ما بداخله من تروس لانه مربوط مباشرة بجسم المحرك ارجو ان تكون وصلت الفكرة هذه المرة .
اقتباس:
صليبة دة في ال 128 و لكن معظم العربيات الياباني و الكوري و غيرها فيها كوبلن داخلي مثل الخارجي تماما
صليبة او كوبلن ناحية الجيربوكس مش هتفرق لاننى اتحدث بصفة عامة .
اقتباس:
الاويل سيل محيط بالاكس, و الاويلسيل عازل للحرارة لانة من مادة الكاوتشوك و ليس معدني
الحقيقة لا ادرى ما علاقة انتقال الحرارة او عزلها بالاولسيل كما تقول ؟؟؟ فالاولسيل له عمل واحد فقط هو منع تسرب الزيت من الجيربوكس من خلال الاكس الخارج منه للكوبلن .
اقتباس:
ايوة تمام يبقة اقتنعت ان تروس الفتيس اللي هي محاطة بالزيت من كل الجوانب بيتم تبردها من خلال الزيت
لم اقتنع و اكرر ان زيت الفتيس اساسا لتلين حركة التروس و ليس للتبريد و عملية التبريد تقع فقط على عاتق دورة التبريد بمحرك السيارة .
اقتباس:
و السيارة الكبالن لن تسخن طنابيرها و لو ادرتها لمدة ساعه بدون ان تحركها و تستخدم فراملها
مجرد كلام مرسل بدون تجربة واقعية
اقتباس:
لا يوجد ريجلاش اساساً للفرامل الامامية, الرجلاش فقط للخلفية حيث ان الخلفية على طنبورة طبلة وتيل قبقاب انما الامامية طنبورة "سكينة" و كلمة انصهار دي مبالغه كبيرة جداً لان طنبورة الفرامل استحالة تنصهر, و خللي بالك ان تعريف الانصهار هو تحول الجسم الصلب الي سائل و هو ما لا و لن يحدث للطنابير و لا التيل
كالعادة كلام غير صحيح لانه يوجد رجلاش بالفعل فى دواسة الفرامل نفسها و ليس فى التيل الامامى و التوكيل دائما يقوم بربط مسمار هذا الرجلاش فى الصيانة الدورية و لكن فى كثير من الاحيان يكون الرجلاش عشوائى و يتسبب فى تحميل التيل على الطنابير مما يجعلها تنصهر و كلمة تنصهر هنا كناية عن شدة الحرارة البشعة التى تحدث للطنابير و لا اعنى انها تسيح كما تعتقد.
اما بالنسبة للفرامل الخلفية فأرجو ان تراجع كلامى السابق جيدا لانى قلت رجلاش فرامل اليد الغير سليم هو الذى يؤثر على حرارة العجلات الخلفية و لم اتطرق لرجلاش القباقيب نفسها كما تقول لان فى التوكيل لا يقوموا الا برجلاش دواسة الفرامل الامامية و رجلاش زراع فرامل اليد فقط فيجعلوا الزراع على درجة واحدة او اثنين فقط للشد و طبعا هذا على حساب التحميل على التيل الخلفى و يسبب سخونة للطنابير لذلك يجب ترك مشوار حركة كافي للزراع او دواسة الفرامل لفصل التيل جيدا عن الطنابير .
ارجو ان اكون وفيت .
:shyy::majd(4)::majd(4):
اقسم بالله ان 90% مما تكتبه غير صحيح :dontudear: و قد صححت لك معلوماتك بقدر ما استطيع و لكن انت تصر حتى الان على الفتى الخاطىء :36_7_4[1]: و لا اعرف لماذا ؟؟؟
على العموم انت حر :mahf(5): و قد فعلت ما يمليه عليا ضميرى حتى لا يأخذ القارىء بهذه المعلومات الخاطئة التى تضعها هنا .:36_1_50[1]:
تم حصولك على انذار مع عقوبة الوقف لمدة اسبوع لمخالفة القاعده 13
مشرف 12 أ
17/9/2010
صح انا فتاي ومعلوماتي خطأ و الطنابير بتسخن من سخونة الموتور مش من احتكاك التيل و تروس الفتيس متثبتة في الفلام و الاسطوانة ما بتفصلش بين تروس الجيربوكس و الفلام و الفرامل الامامية بتترجلش و انت كل كلامك صح و اسلوبك محترم و انا فتاي و باحط معلومات خطأ هنا و اي حد بيقراها بيعرف على طول اني فتاي
شكرا
و اللهم اني صائم
الرد على اسلوبك سيكون من ادارة المنتدى
سأقوم من الان بتصحيح المعلومات الخاطئة مباشرة دون الحوار معك بنأ على توجيهات الادارة حتى لا تتهمنى بالتهكم عليك كما تتخيل
معروف ان اسطوانة الدبرياج متصله بأكس متصل بالتروس داخل الجيربوكس و هذه الاسطوانة فى حالة احتكاك مستمر بالديسك اثناء القيادة و الوقوف و الانطلاق بالسيارة و يقابل هذه الاسطوانة من جهة الموتور ترس الفلام و درجة حرارته هى درجة حرارة الموتور بجانب احتكاك الاسطوانة به اثناء القيادة مما يولد حرارة عالية تصل فى بعض الاحيان الى شياط هذه الاسطوانة اذا كانت القيادة عنيفة
اما عن كيفية انتقال الحرارة للجيربوكس فهذا لانه مربوط اساسا بالمحرك بغض النظر عن اسطوانة الدبرياج.
و ليس معلق فى الهواء.
اقتباس:
ان التروس هي تعتبر في حوض مغمور بزيت الفلفرين (وهو جسم الفتيس) الذي يسهم في انتقال حرارة التروس المتولدة من خلال الاحتكاك ايضا للجسم الخارجي للجير بوكس ليتم فقدها
الانبعاث الحراري بسبب ان التروس هي تعتبر في حوض مغمور بزيت الفلفرين (وهو جسم الفتيس) الذي يسهم في انتقال حرارة التروس المتولدة من خلال الاحتكاك ايضا للجسم الخارجي للجير بوكس ليتم فقدها
ان تروس الجيربوكس لا تحتك ببعضها و لا تولد حرارة لان تروس الجيربوكس تدور مع بعضها فى زيت عالى الكثافة و لا تحتك ببعضها كما تقول و الا كانت تلاشت و لا ينشأ عن حركتها فى الزيت حرارة و انما حرارة الجيربوكس مستمدة اساسا من محرك السيارة الساخن بسبب اتصالهم المباشر ببعض عن طريق ربط جسم الجيربوكس بالمحرك كما قلت سابقا
اقتباس:
الاويل سيل مصنوع من مادة رديئة التوصيل للحرارة و مع الاخذ في الاعتبار ان الكوبلن يحيط بة اويلسيل بداخل الطنبورة و من الناحية الاخرى كذلك في الطرف الاخر من الأكس يوجد اويل سيل اخر و بالتالي فانة يعزل و يقلل الحرارة المنتقلة للاكس جداً
غير صحيح بالمرة و لا يوجد اولسيل اصلا فى الكوبلن لان الكوبلن و الاكس المتصل به و الطنبورة كلهم يدوروا معا فلا حاجة اساسا للاويلسيل فى هذا المكان و لا يوجد غير كاوتشة كوبلن للحفاظ على الشحم بداخله و لا يوجد زيت فى هذا المكان حتى يضعوا اولسيل له بالاضافة الى ان الاولسيل ليس له علاقة بعزل الحرارة او تقليلها جدا كما تقول لان عمل الاويلسيل الاساسى هو منع تسرب الزيت بين الاجزاء المتحركة و هو يوجد فى جهة الجيربوكس فقط و ليس فى الكوبلن او الطنبورة كما تقول .
السلام عليكم
انا هقول رائيي في كام حاجة بعد اذنكم
اولا احنا بلاش نختلف مع بعض و لو اختلفنا يبقي لازم نحترم بعض ونتناقش بطريقة كويسة
ثانيا انا اعتقد انه طبيعي جدا انك لما تكون راجع من مشوار بالعربية انك تلاقي درجة حرارة العجل الامامي اعلي من درجة حراره العجل الخلفي
واعتقد ان ارتفاع درجة حراره العجل ناتجة عن احتكاك تيل الفرامل مع الطنابير (انا فاكر في مره كنت بتفرج علي سباق سيارات وقالو ان درجه حراره التيل والطنابير عند الملفات الحادة بتوصل ل 800 درجة)
اكيد في حراره بتتولد بين الديسك والاسطوانة في الدبرياج بسبب التفويت اللي بيحصل بينهم في اول الغيارات وفي حالة التسارع العالي بالسيارة
بس مش هو ده سبب ارتفاع حراره الطنابير لان
الحراره اللي بتنتج عن استخدام الفرامل اكبر بكثير من الحرارة اللي بتتولد في الدبرياج
حتي لو اتولدت حرارة كثيره في الدبرياج اكيد هتتنقل لترس الفلام وهتتبرد عن طريق سائل تبريد الموتور
اتمني اني اكون اتوفقت في كلامي والله المستعان .