اقتباس المشاركة الأصلية كتبت بواسطة ghazy12 مشاهدة المشاركة
لو بنتكلم عن سيفيك vti و فانتازيا هاي لاين...

موتور: السيفيك
جيربوكس: الاثنين ممتازين, الفانتازيا 6 سرعات, و السيفيك 5 سرعات
ابعاد خارجيه: السيفيك افضل خصوصاً قاعدة العجلات الكبيره (2700 مم)
ابعاد داخليه: الفانتازيا لانها اوسع, و خصوصاُ في الكنبه الخلفيه, و الشنطه بحر بجد
شكل خارجي: اذواق, لكن الفانتازيا كلاسيك شويه, و السيفيك رياضيه ( حسب اللي يناسبك )
شكل داخلي: اذواق بردو, بس نفس الكلام, الفانتازيا كلاسيك, و السيفيك رياضيه جداا
الخامات الداخليه: في صالح الفانتازيا تماماً, و فيها فخامه و جوده عاليه فعلاً
الوزن: الفانتازيا اثقل, و ده مأثر على سحب العربيه شويه على السرعات المنخفضه لكن بيزيد من الثبات
الارتفاع عن الارض: و ده اللي يمكن في ناس ماتعرفوش... السيفيك اعلى من الجيتا و تقارب الفانتازيا
ارتفاع السيفيك: 15.4 سم تقريباً, و الجيتا: 14 سم تقريباً, و الفانتازيا: 15 سم تقريباً

الفكره ان السيفيك قاعدة عجلاتها كبيره و ده اللي بيدي الاحساس بالارتفاع القليل عن الارض لو عديت على مطب
مثلا, لان العجل اللي ورا مش بيلحق يطلع على المطب قبل ما العجل الامامي ينزل من عليه و بالتالي
العربيه ممكن تحك من تحت (ممكن), لكن لو طلعت على مطب (طبيعي) عمودي على المطب و مش بسرعه
هتعدي عادي جداا و مش هتحك منك, و جرب بنفسك...

الثبات: الاثنين هيكونوا ثابتين, و لو اني هرجح ثبات السيفيك vti لان فيها vsa, و قاعدة عجلاتها كبيره
كماليات: الفانتازيا كمالياتها اكتر من السيفيك, لكن السيفيك تتميز بوجود الـvsa و ده مهم جداا
امان: الاثنين 4 اير باجز, abs, ebd, السيفيك تزيد vsa, انما الفانتازيا فيها asr بس
التوكيل: في رأي توكيل هوندا (الفطيم) افضل نسبياً من توكيل سكودا (ارتوك اوتو)

في الاخر, عايز عربيه كلاسيك و شيك, يبقى الفانتزيا اكيد... عايز عربيه رياضيه و حيويه يبقى السيفيك اكيد,
و القرار في ايدك, و انت ادرى بمتطلباتك و اللي انت عايزه, و اللي يناسبك و يناسب نمط و اسلوب حياتك

يا رب اكون قدرت افيدك, و ربنا يوفقك للخير...

تقبل تحياتي...



تمام الله ينور على الشرح المبسط
و لكنى اختلف مع حضرتك فى الوسع الداخلى لان دى كانت نقطه تميز لصالح السيفيك (و خصوصا انها جر امامى فمافيش الجزء المرتفع اللى فى نص الكنبه الخلفيه على عكس الجيتا و الفانتازيا) و لانى طويل فكانت حكايه الوسع دى مهمه بالنسبالى

و لكن اتفق معاك فى ان حجم شنطه السيفيك من بره كبير و لكنها داخليا ضيقه (دى حتى اضيق من السيتى)