I totally Agree with you
رقم العضوية : 2933
تاريخ التسجيل : 01Nov2007
المشاركات : 128
النوع : ذكر
الاقامة : Cairo
السيارة: Vectra
السيارة[2]: Civic
الحالة :
بسم الله الرحمن الرحيم
السيفيك والكورولا
ايه رأيكم يا جماعة بعد كل الآراء اللي بتتقال والحوارات التي دارت بخصوص كل من العربيتين يا ريت نعمل مقارنة موضوعية بينهم ،،،،
وخصوصا بعد ما ناس جربت العربيتين ومشيو بيهم فترة كافية تساعد على الحكم على كلا من السيارتين بشكل موضوعي،،،(ويا ريت بدون تحيز)
يعني المقصود إن الحكم والمقارنة تفيد الناس اللي عايزة تختار عربية من الاتنين بذكر كل من المميزات والعيوب لكل منهما بدون اتخاذ منهج الدفاع عن واحدة منهم باستماتة وذكر عيوب الأخرى كأنها أسوأ عربية في العالم،،،،،وليه ملاحظة تانية يا ريت الناس اللي بتقول رأيها يبقى عن معرفة فعلية ،،مش لازم تكون تجربة شخصية إنما برضه مش لازم يبقى ترديد لكلام الآخرين وكأنه أمر مسلم بيه،،،،يعني مثلا السيفيك الناس ماشية تقول انها عربية ارتفاعها قليل وبتحك في كل مطبات مصر ،،،في حين إن ماحدش قال الكلام ده عن الكورولا ،،،في حين إنك لما تييجي للمواصفات والأبعاد تلاقي إن الـ min. clearence للكورولا أقل من السيفيك نص سنتيمتر يعني السيفيك 15,5 في حين الكورولا 15 سم ،،،وده أعتقد انه بسبب ترديد الناس للكلام فطلع الموضوع ده عن السيفيك ،،،وكذلك قطع الغيار محتاجين مقارنة واضحة بين الأسعار،،،وليه ملاحظة على السيفيك إن شنطتها صغيرة جدا حتى أصغر من شنطة السيتي وده بيضايق الناس اللي بتحب السفر ،،،،المهم المقصود إننا نجمع الآراء في موضوع عشان نخرج باستفادة،،،،ويا ريت كل واحد بيرجح عربية من الاتنين يقول الأسباب ،،،،
آسف لإطالة ،،،وننتظر الفايدة منكم
لا إله إلا الله محمد رسول الله
رقم العضوية : 2561
تاريخ التسجيل : 11Oct2007
المشاركات : 153
النوع : ذكر
الاقامة : Cairo
السيارة: Nissan Sunny 2011
السيارة[2]: Idea 1-2008
الحالة :
I totally Agree with you
رقم العضوية : 2933
تاريخ التسجيل : 01Nov2007
المشاركات : 128
النوع : ذكر
الاقامة : Cairo
السيارة: Vectra
السيارة[2]: Civic
الحالة :
طيب،،،بما إن مافيش حد أبدى رأيه غير أخونا الكريم ميدو ،،،خليني أطرح بعض التساؤلات يمكن ألاقي إجابة،،،،،كان الأستاذ كريم منير ذكر سابقا في أحد الموضوعات إن السيفيك ناشفة شوية من حيث العفشة وإن ظهره كان واجعه فمكانش مستحمل المطبات في السيفيك ،،،فده يخلينا نتساءل عن مدى الراحة والنعومة لعفشة السيفيك وهل الكورولا أنعم منها بكتير ،،،،،
ثانيا موضوع الصاج ومقارنته في العربيتين ،،،أنا شخصيا شوفت صاج السيفيك كويس وشايف إنه كويس جدا خصوصا الرفارف ،،،وأنا أعرف إن الرفارف بتاعت الكورولا الشكل السابق كانت مشكلة وضعيفة جدا ،،فهل تم تحسينها في الشكل الجديد ،،،وما هو تقييم الصاج للعربيتين بشكل عام
ثالثا : قطع الغيار وتشمل تيل الفرامل اللي ذكر في أحد المواضيع إنه تمنه 1100 جنيه في الكورولا الجنوب أفريقي موضوع مقارنتنا ،،،وإنه تيل عادي وعمره زي أي تيل آخر ،،،فهل تم تأكيد هذا الخبر ،،يعني حد اشتراه أو سأل في التوكيل (آسف طبعا لا أقصد تكذيب من قال ذلك ولكني أظن أنه سمعه من شخص آخر ،،فأردت التأكد فقط) وسعر التيل في السيفيك كام؟؟؟ وطبعا أنا ذكرت التيل كمثال لقطع الغيار ولكن المقارنة بين قطع الغيار بشكل عام
وهناك الكثير من النقاط الأخرى التي يجدر بنا نقاشها ولكن حين يأتي الوقت
في انتظار ردودكم وطرحكم لنقاط أخرى
لا إله إلا الله محمد رسول الله
رقم العضوية : 97
تاريخ التسجيل : 23Apr2007
المشاركات : 11,050
النوع : ذكر
الاقامة : ManSOuRa
السيارة: coRoLLa 06
السيارة[2]: siRiOn 07
دراجة بخارية: ان شاء الله
الحالة :
اولا شكرا لك على الموضوع
ولكن في نقطع اثارتني الا وهيا ان حضرتك ذكرت ان شنطة السفيك صغيره
دي مش قادر استوعبها
لأن شوفت العربيه دي والعربيه فعلا واسعه في كل حاجه وبحس انها اكبر من فئتها بسبب الموضوع ده
العربيه واسعه من الامام والخلف والشنطة وده شئ ملاحظ جدا
اما بخصوص عفشتها فلا اعلم مدى نعومته ولكن كل اللي اعرفه ان نظام التعليق بتاعها جديد ومن اختراع هوندا ونظام شديد يعني بيستحمل جامد
عن أبي هريرة قال :
قال رسول الله صلى الله عليه وسلم :
إذا قال الرجل لأخيه :جزاك الله خيرا ، فقد أبلغ في الثناء
رقم العضوية : 2933
تاريخ التسجيل : 01Nov2007
المشاركات : 128
النوع : ذكر
الاقامة : Cairo
السيارة: Vectra
السيارة[2]: Civic
الحالة :
الأخ الكريم أبو عبدالله ،،،،،، بالنسبة لموضوع الشنطة أنا هاقولك الموضوع ،،،أنا غاوي سفر ودايما باطلع رحلات صيد فموضوع حجم الشنطة من الأشياء الهامة بالنسبة لي خاصة وإني باسافر دايما بآيس بوكس 100 لتر،،،،المهم إن الآيس بوكس ده بيدخل في كل العربيات بسهولة ولما جربته في السيفيك كان صعب جدا إني أدخله بسبب إن الشنطة ارتفاعها قليل بالنسبة لأي شنطة أخرى ودخل بالعافية ولما سألت عن السعة اللترية للشنطة لقيتها 340 لتر في حين إنها في الهوندا سيتي اللي هي أصغر من السيفيك السعة اللترية حوالي 500 لتر وتقاربها في الكورولا إن لم يكن أكثر،،ومثلا في النيسان تيدا 470 لتر ،،،فالبتالي الشنطة بتاعتها فعلا صغيرة بالمقارنة بحجم العربية ،،،لكن العربية من الداخل فعلا واسعة.
لا إله إلا الله محمد رسول الله
رقم العضوية : 9028
تاريخ التسجيل : 16Apr2008
المشاركات : 1,223
النوع : ذكر
الاقامة : cairo
السيارة: VW
السيارة[2]: BMW
دراجة بخارية: ء
الحالة :
انا اصلا مستغرب السيفيك ازاى تكون بالثبات دا كله وناعمه اوى على المطبات كدا انا ركبتها مع واحد صاحبى وحاسس انها انعم من اللانسر بتاعاتى بكتير مش عارف بقا ايه حكاية ان عفشتها خشنه كدا اللى عربيه دى الصراحه مالهاش حل بس عيبها انها واطيه قوى وخصوصا من قدام وشكلها من وراء مش مميز وعادى واللى يستحمل العيبين دول يبقى وجهة نظرى العربيه اعلى من الجيتا ولاوكتافيا ولا تقل عن الباسات
رقم العضوية : 2933
تاريخ التسجيل : 01Nov2007
المشاركات : 128
النوع : ذكر
الاقامة : Cairo
السيارة: Vectra
السيارة[2]: Civic
الحالة :
جزاك الله خيرا يا أستاذ أحمد على رأيك ،،،،بس احنا عايزين نقارن السيفيك بالكورولا مش بالجيتا أو الأوكتافيا عشان مانلاقيش حد داخل بيذكر مميزات الأوكتافيا أو الجيتا ،،،فعايزين نركز على السيفيك والكورولا ،،،،وأنا برضه مع حضرتك في رأيك بالنسبة لنعومة السيفيك،،،،بس ليا سؤال : حضرتك ليه بتقول على العربية واطية قوي خصوصا من قدام ؟؟؟هل ده عن تجربة شخصية أو لصاحب حضرتك؟؟؟؟
لا إله إلا الله محمد رسول الله
رقم العضوية : 5939
تاريخ التسجيل : 18Feb2008
المشاركات : 797
النوع : ذكر
الاقامة : Cairo
السيارة: Clio 04 1200L/Fo
السيارة[2]: Clio 05 1200L/Fo
دراجة بخارية: no
الحالة :
بصراحه انا بحس ان السيفيك شكلها اشد من الكرولا ...
مع اني بحترم علامه تويوتا جدا .. بس الهوندا تكسب
وبراحه الهوندا عربيه تحس انها فخمه جداااااااااااا وذات رفاهيه عاليه للغايه...
ومسأله انها واطيه هى مشكله في شوارع مصر..
بس في المقابل ثبات ممتاز...
والله وأعلم
رقم العضوية : 143
تاريخ التسجيل : 24Apr2007
المشاركات : 17,378
النوع : ذكر
الاقامة : Nasr City
السيارة: Toyota Yaris 2007
السيارة[2]: Nissan Juke 2013
الحالة :
راى الشخصى خليك فى السيفيك أحسن
لإن زى ما أنت شايف الكرولا فيها مشالك فى السحب و الفتيس
على فكرة أنا إللى كنت قولت إن تيل فرامل الكورلا معدى 1000 جم و دا من كلام واحد صاحبى عنده مركز صيانة لتويوتا و مشارك واحد إسمه عرفه موزع معتمد لقطع غيار تويوتا
بس بصراحة معرفش إزا كانت صح و لا لأ و ياريت فعلا ملاك الكورولا يأكدو لنا المعلومة دى
رقم العضوية : 2933
تاريخ التسجيل : 01Nov2007
المشاركات : 128
النوع : ذكر
الاقامة : Cairo
السيارة: Vectra
السيارة[2]: Civic
الحالة :
والله أنا ما عارف،،،،،هل فعلا موضوع الفتيس والسحب ده عيب ولا الناس هي اللي مش واخده علي نظام النقل التيب ترونيك واختلافه في النقل عن الأوتوماتيك العادي،،،ولو إني شايف إن الموضوع ابتدى يظهر والشكاوي كذلك ابتدت تكتر ،،،،بس برضه فيه ناس من ملاك العربية بيقولوا إن ده عادي جدا،،،وهو نظام النقل في العربية دي كده!!!!
وبرضه موضوع تيل الفرامل ده محتاجين نعرف سعره ،،،يعني مش معقول ولا واحد من ملاك الكورولا سأل على تمن التيل حتى لو من باب الفضول!!!
بالنسبة للشكل أنا باحس إن الكورولا أفخم وأوقر وبحس إن السيفيك أكثر رياضية وشبابية أكثر وفي النهاية موضوع الشكل ده أذواق،، ولكن محتاج أسمع رأيكم في الصاج ،،،يعني أي العربيتين صاجها أتقل؟؟؟
ولكم جزيل الشكر
لا إله إلا الله محمد رسول الله
المفضلات