اقتباس المشاركة الأصلية كتبت بواسطة ahmed samy مشاهدة المشاركة
العفو انا مش داخل شمال في حضرتك أبدا و اعتذر اني لم أوضح ده

انا داخل شمال فعلا في المنطلق نفسه

فكرة اننا كل ما ناخد على قفانا من حد علشان هو أقوى مننا

نقوم نلجأ لتصوير اي حادث على انه انتقام الله أو تهديد الله

الفرق بين موضوع حضرتك و اخبار الرسام الدانماركي هو ان الخبر ده حقيقي و التاني زائف كلية

بس هو لو حضرتك ربنا عايز يعاقب القس ده أو ينتقم منه....

هايولع في فلوريدا و الباشا كل يوم في التليفيزيون يقول أحرق لأ ما احرقش !!!

لو ربنا سبحانه و تعالى هاينتقم من عدو ليه هايكون عبرة و أية لا تحتاج لشرح

وده ما بيحصلش الأيام دي

ولو كان هايحصل ففي فظائع ارتكبت بحق الإسلام و المسلمين شفت منها اللي يبكى الحجر و اتمنيت ربنا ينتقم من فاعليها في الدنيا علشان اشوف بعيني و استريح

بس احنا المفروض ما نستريحش ......هم ليهم عقاب في الآخرة ....و ياخوفي ليكون لينا احنا كمان عقاب

يبقى فكرتي هي اننا بدل ما بنخزن المواقف دي جوانا و نشوفلها صرفه بأننا نقوي نفسنا و ننشر حقيقة ديننا باخلاص

بنلجأ لأضعف مهرب وهو ان ربنا عاقبهم و نعمل زي قريش و نشوف جمالنا و معيزنا

اسف لو أزعجت حضرتك بجد

كل سنة وحضرتك طيب
وحضرتك بألف خير ويارب يكون عيد سعيد عليك وعلى كل أعضاء المنتدى
وبالنسبة لردك الثانى فقد كفيت ووفيت وأنا معك مليون فى المية وأضيف عليه أنه طالما يوجد فساد وكل شيئ يغضب الله فى بلاد المسلمين فلن يصلح الله عز وجل هذه البلاد مادام هناك أشياء تغضب الله عز وجل وستستمر سياسة القمع والإرهاب الأمريكى والأسرائيلى وغيرهم من الدول الأوروبية الكارهة للإسلام ولكن أنا أعلم أنك وأننى وأى عربى ومسلم يوجد بداخلنا فرحة خاصة عندما يكون هناك كارثة عند هذه الدول الكارهة للإسلام حتى ولو لم نكن نتحرك لنصرة الإسلام . فاللهم أنصر الإسلام وأعز المسلمين
وتانى مرة أنا أسف إذا حضرتك تضايقت من أنفعالى ولكنى لم أستوعب الرد الأول فأعذرنى ولكنك فى الرد الثانى فعلا كفيت ووفيت وعلى فكرة أحنا بلديات
وإن شاء الله فى القريب هاعمل موضوع جميل جدا وجديد جدا على المنتدى سيغير عدة أفكار وأشياء كثيرة لم نكن نعلم بها مع أنها فى حياتنا اليومية
وهى سلسلة القادمون وهى تتحدث على الذين يعملون لتأسيس للمسيح الدجال والماسونية والصهيونية وأشياء أخرى كثيرة ومدعمة بالفديوهات
وأتمنى أن تفيد هذه السلسلة أعضاء المنتدى
وكل عام وأنت يا دكتور أحمد وكل أعضاء المنتدى بكل خير